الهندي عزالدين: (رداء) يا عباد الله قطعوا فيه يد سارق بأمر سيد ولد آدم .. فما بالك ب(17.8) مليون جنيه (مليار بالجنيه القديم)

بس لو كنت عملت بما أشرت له بأنك غير قانوني … واسترسلت شوية في فقرة بداية المقال …لكأن هذا المقال غفر بعض من زﻻتك التي وردت في مقاﻻت سابقة. أقول ليك حاجة … أكتب عديل بأنهم ﻻ يحاكمون وﻻ يعاقبون منسوبي ما يسمى بالوطني وأن القضاء الحالي من أفسد وأقذر أنظمة القضاء الذي يعمل بناء على توجيهات الجهاز التنفيذي وأن رؤساء الجهاز القضائي منذ مجئ هذا النظام الفاشستي جميعهم ملوثون بل بعضهم يدس ملفات قضايا مدنية فصلت فيها المحكمة الدستورية لكي ﻻ يتم تنفيذ الحكم .
أكتب عن فساد قضية اﻷقطان والذين يقفون وراء المتهمين …. وبالمناسبة المتهمين ديل وراءهم تقف أسماء الكثير من تعتقدون أنهم شرفاء … أعوذ بالله.

@موضوع كارب
@وجب مراجعه قانون الثراء الحرام ليس بتعين لجنه
تاخد سنوات بل بقرار رئاسي فورا بتلجين قانون الثراء الحرام و العمل بالشريعه الاسلاميه الغراء
@والله بالمنطق كده زول ياخد مليارااااااااااااااااااااااااات “ف ناس من كبرها ما بقدرو انطقوها” وتاني يوم الامن اقبض عليهم
ثالث يوم ادفعوا و اتخارجو
دحين ده شنو ؟ قانون الغابه و لا شنو ؟@
تحيه لرجال القضاء و الامن و الشرطه و الجيش ف نظافه البلاد من الفساد و المفسدين@ارمو قدااااااام@ اكسح امسسسسسح الفساد@ ف انتظار المثير الكثير المتلتل @ قالو بعض اهل القوم لو لا وجود الفساد ل لبسنا العقالات@ المال المنهوب و المجنب يجعل السودان من دول العالم التاني @ برضو نرجع و ما ننسي انو نشيد بتوجيهات البشير ضد الفساد و بعمل الاجهزه الامنيه و العدليه و ف انتظار المزيد ف كم و 20 ملف نهب مدنكل مصلح مدغمس@

النميرى خليتوا ياكيزان انتوا نصبتوا ليهوا كمين بالمدعو الترابى لا بارك الله في الترابى واتباعه السدنة مرة يقول فى جهاد ومرة يقول مافى نفس مقالات الهندوزى مرة مع الحق ومرة مع الباطل

احد قضاة الخرطوم حكم على سارق جوال سنة سجن و الان يسرقوا 17 مليار جنية و يطلق صراحهم لانهم ردوا المال المسروق ياسبحان الله ياجماعة ابن الرئيس البشير معقول معارف الحاصل في البلد شنو و الله لاقين تايد تام من قبل الدولة وبرعايتها وخاصة المادة 13 التي تنص اسرق 2 مليار و اشتغل بيها واعملها 12 مليار وبعد ما ينكشف امرك رجع 2 مليار و سلام مربع للمادة 13 من قانون الثراء الحرام و الله يا الرئيس البشير عدم العدالة في السودان هو السبب الاساسي في هذا البلاء الغلاء
و خيرا فشل المشروع الحضاري بدرجة ممتاز .

لا حولا ولاقوه الا بالله العلي العظيم يعني الواحد يسرق تاني من غير خوف قبضوك ترجع المسروق ما قبضوك حلال عليك ،

إنت ياهندي امبارح دي ما قلته ما في فساد..
عارف انا ما بحب اقرأ ليك ابدا بس بقرأ ليك عشان اطمئن انني ما ظلمتك..
الان تاكد لي انني ما ظلمتك انت انسان غير سوي وهذا فراق بيني وبينك..

المسالة فيها تور الجر لذلك حرشو عليها الديدان لتحللها وتصبح تحلل هل تعلم معنى تور الجر يجرهم بعاتى عاتى عاتى عاتى

قال رسول الله صلى الله عليه وسلم:(( إنما أهلك الذين من قبلكم إذا سرق فيهم الشريف تركوه واإذا سرق فيهم الضعيف أقاموا عليه الحد….)) صدق رسول الله صلى الله عليه وسلم.
في فقه الحديث وشرحه أن القاضي لم يك فاسداً سارقاً, وانما كان فاسداً بتطبيق حد الشرع على الضعفاء دون الاغنياء, أما هنا في بلاد العجائب فالقاضي سارق ومرتشي ومجرم وقد يكون قاتل وهاتك للعرض أيضاً…
اللهم لا تؤاخذنا بما فعل السفهاء منا… اللهم إنا نبرأ اليك منهم فأفضحهم في دارهم ولا تؤخذنا بجريرتهم, اللهم أصلحنا وأصلح ولاة أمورنا وأعطنا خيرهم وأمنع عنا شرهم.

اول مرة تطلع راجل فاهم.
الاصل أن قانون الثراء الحرام مخصص للدستوريين كمكافحة عند الاستفادة من المنصب أكثر مما قدمه فى اقرار الزمة اى لو أن وزيرا او واليا كان له قطية فى القضارف واصبح يمتلك فلل فى الخرطوم يعمل به ويرد المال ويعزل ويسجن ان دعى الامر.
بالنسبة للقضية الان موظف عام مارس النصب والتزوير فالولاية للقانون العام الجنائي وليس لقانون الثراء الحرام.
فالهدف الرئيس للقانون ارساء العدالة واصلاح المجتمع وافشاء الطمانينة نحن الان امام مسجلين خطرين تم اطلاق صراحهم وصاروا قدوة بعد ان ضاربوا بالاموال فى سوق الدولارات.

ايها الشعب الكريم – خلاص انكشف الامر وطلع ناس الانقاذ او الجبهه او الموتمر الوطنى او الاسلاميون فى بلدنا دى مجرمين ومنافقين وحراميه وفاسدين ودمرو البلد ولسه السرقه مدوره وحا تستمر وهم عافصين للشعب كلو ما عاملين ليه اى اعتبار صراع من اجل مال البلد كل زول عاوز يخمش اكبر كميه – طيب الحل شنو ؟؟ هم بيسرقو وبقولو ليكم طز فيكم اها نحنا ردنا شنو ولمتين حا نسكت وهل الانتخابات الجايه حا تتقاطع ولا حا تهللو وتكبرو وياكلو بعقولكم حلاوه ام حا تعتمدو على البرلمان ؟؟ هو صحى وين البرلمان وليه ما استدعى الوالى حتى الان – نفسي اعرف متين الشعب دا يصحي ويتحرك وياخد حقو بيدو متين متين؟؟؟ الاحتجاج السلمى ما كعب لو اتحد الناس ومرقو بالملاين ووقفو قدام الحكومه وقفة رجل واحد اكيد حا تكون فى نتائج – فوتو المظاهرات والتخريب عشان ما تبقي شماعه وفوتو المعارضه المسلحه عشان ما تبقو خونه ويكسبو بيكم تعاطف الشارع

لا أود التعليق علي قيمة المبلغ موضوع القضية و لكن أنصح الاخوة المعلقين أن يتوخوا الدقة في الارقام التي يكتبونها و العندوا مستند يثبت كلامه يمكن ان يقدمة للجنة التحقيق أو علي الأقل ينشره لنا لكي يؤكد كلامه لاننا محاسبون امام الله علي كل ما نكتب و نقول. كما أن المبالغة في الارقام فيه تشجيع لضعاف النفوس في استحلال الارقام لصغيرة (يعني ممكن واحد يسرق 10 مليون مثلا و يقول ليك هو انا سرقت حاجة).
السؤال الذي يطرح نفسه من أين جاءوا بقانون الثراء الحرام هذا و في اي المذاهب ذكرت حكاية التحلل هذه. سؤال موجه الي العلماء و ذوي الاختصاص . لانه حسب علمنا فان السارق اذا بلغ مبلغ السرقة نصاب معين يقام عليه الحد (و الله أعلم). ولا تستسني الشريعة احدا من الحدود (فلو سرقت فاطمة بنت محمد لقطعت يدها) أو كما قال صلي الله غليه و سلم.

ا[B]نا شخصيا لا انظر للامور حسب الخبر او الحدث انا اهم شيء (الظروف ) اي حدث لازم اربط الزمان والمكان والظروف اليوم البلد تمر بظروف الكل يعلم بها لو طفل بمرحلة الاساس يعلم ذلك لانه يتلقى مصروف يومي من والده يعرف نقصان المصروف تقشف ياابني الاب يقول لابنه تقشف والله في بنت اصابها مرض السكر وحماها وحمانا وحماكم الله منه السبب البنت لا تاكل وجبة الفطور فقط تشرب عصير . فقط لو في زول لديه حبة ضمير وراجع نفسه بان كل قرش ياكله او يسرقه بان هذا المال الذي سرقه يتبع لهؤلاء كم عدد المرضى كم عدد الطلاب الذين تركوا مقاعد الدراسة بسبب الفقر والله انا اعرف اسر ترك ابنائها الدراسة بسبب الفقر والتحقوا بالعمل لمساعدة اهليهم لذلك انا لا انظر لحرامي المال العام كما ينظر له الاخرين هذه جريمة وخيانه عظمى للوطن والمواطن اكبر خيانه سرقة المال العام . واي شخص لم يساعد على فضح حرامي هو مشترك في الجرم ويا جماعة انظروا للجرم كم عدد مواطني السودان كل هؤلاء يوم القيامة خصيم لكل من سرق مال . نحن نريد قوة القانون نريد تقديم الناس للعدالة هذا مال عام لا شركة ولا شراكة من حقنا نعرف الحرامي بالصورة والصوت ومكلبش امام كاميرات القنوات التي غير الغنا لا تبث .[/B]

انا لا استغرب اذا كمان هؤلاء المختلسين رجعوا لشغلهم عادى ، فنحن فى حضرة المشروع الحضارى بتاع الانقاذ التى ارادت ان يكون قدوة للعالم !!!
وزيرة فى النرويج استقالت لانها استهلكت بنزين المخصص لها لمشاوير الحكومة فى مشاوير خاصها بها اما والى الخرطوم فيا جبل ما يهزك ريح !!!

يا اخوان بالله عليكم كييف سيكون حال من سرق من هذا الشعب المسكين عندما يكون في قبره وحيدا ….. ألا يستحي من الله عز وجل …. أتركك النوم في قبره … كيف ينوم في سريره في هذه الحاة الفانية وهو سارق ؟؟؟ والله الذي لا إله إلا هو الحي القيوم الواحد منا يستلف مبلغاً معيناً من أخيه وحتى يتم تسديد هذا المبلغ نكون في هم وغم فما بالك يسرق مليارات شعبنا تخيلوا كيف سيكون حالهم عند مماتهم ؟ ألا يستحيون ….؟ من أين جاءوا هؤلاء ؟
ساهمنا في بنك الشمال بل ومن كبار المساهمين منذ عام 1981م ولا شيء استفدنا منه … ساهمنا في جامعة المغتربين ومن كبار المساهمين … لم نستفد منها حتى الآن. أدعو الله عز وجل العلي القدير أن يأخذ كل خائن أخذ عزيز مقتدر وألا يوفقه في هذه الحياة الدنيا ولا في الآخرة …… آمين … أمين

وين الطرطور الاسمو البشير ده سادى دى بطينة ودى بعجينة واظنة بتابع زينا كده من النت والصحف وراكب الفيل هههههههههه