جرائم وحوادث
شاب يختطف حبيبته ويرفض إرجاعها بأمدرمان
إختطف (شاب) فتاة تربطه بها علاقة عاطفية ورفض إعادتها لذويها إلا بعد عقد قرانه عليها . وكشفت المصادر عن إتصالات بين أسرة الفتاة والخاطف لإعادتها ، لكنه رفض إرجاعها مطالباً بعقد قرانه عليها ، وارسل الخاطف عمه لإكمال المهمة . وإثر تلقى شرطة ابو سعد لبلاغ بالاختطاف نصبت كميناً للخاطف أدى للإيقاع به ، وفور القبض عليه اعترف ( المتهم) باختطاف الفتاة وإخفائها باحدى المناطق بالحصاحيصا ، وبحسب صحيفة حكايات فتحركت مأمورية للمنطقة وأحضرت الفتاة البالغة من العمر (17) عاماً .
تصرفات صبيانية عبثية تحدث في هذا الزمن .. لم الإختطاف؟ لم لم يأتي هذا الشاب لطلب محبوبته عبر الأبواب .. من ولي أمرها بالأحرى .. ربما حدث هذا ورفض طلبه لسبب ما .. وطالما أن هنالك سبب للرفض، فلا ألوم أهلها .. وإن لم يكن هنالك سبب للرفض فاللوم يقع على عاتق ولي أمرها .. طالما هو شاب يحبها وتحبه .. وخالي من العيوب لماذا رفض طلبه؟ أما كان الأحرى بهم الموافقة على زواجها على سنة الله ورسوله تفادياً لحدوث مثل هذه المصائب؟ .. دنيا آخر زمن ..
حسن أحمد الحاج – أبوطلال / الرياض
الحكاية بقت خطف ولا شنو ؟؟ يعني الواحد إجرى اختف ليه بنت ناس ويعرسوها ليو كده حافي . . والله سودانا ده بقت تحصل فيه حاجات عجيبة
كان من الافضل ياالنيلين ان تكملوا المشوار وتاتوننا
بالخبر اليقين حتي تتثني لنا الفرصة في ابداء اراءنا
علية ان تقدم الشاب وقوبل بالرفض فلا الومنه ابداولكل
(فعل رد فعل) والارجح عندي انه رفض من قبل ذوي
الفتاة والامافعل ذلك متجاوزا البرتكولات السودانية
وان لم يكن كذالك فهو غير عاقل ولايحق له الزواج
اصلا
الشغلانه كولها سببها المسلسلات والافلام وعيب عليك ياود البلد كلو شى ولا عروض الناس ;( ;( ;( وزعلتني بالجد وعشتي يابلدى الحبيبه وعرضك مصون
ده من اسباب الجهل وغياب الوازع الديني والاخلاقي
زواج شنو يا أخوانا وموافقة شنو ؟!؟!؟
إنتو ما شايفين البت عمرها كم (17 سنة) ..
يعني حتى لو هي بتحبه وموافقة عليه .. هذا لا يعني أن قرارها أو رأيها سليم .. لأنها لسه ما نضجت وهي في طور المراهقة ..
فين التعليم .. فين المسئولية عشان تتزوج من الآن ؟!؟!؟
أنا في رأيي قرار أهلها سليم 100% وكمان بعد الخطف يكون 200% .. لأنه ده ود صائع وما مسئول وما عمل إعتبار للبت ولا لأهلها ..
أقرصوا البت وخلوها تلزم بيتها ودراستها وقولوا للراجل روح أبقى راجل وبعدين تعال للبت .. ولا أقول ليكم .. ده صايع وعشان غلطته دي ما تعرسوا ليه ..
صراحة انا ضد الناس العلقت على الموضوع وإنهالوا على العاشق بالشتائم لكن دي حادثة نادرة لم تحصل في السودان منذ سنين طويلة ، واكيد والله بحبها بالجد لو وكمان هي بتحبه علشتم كده خطفها ، والدليل على ذلك لم يمسها بل حافظ عليها وطلب عقد قرانه بها بس السؤال ليه هو أهلها رافضين لو كان علشان هي صغيرة ممكن يعملوا خطوبه ، وإلا فقدوا البنت ، مبروك مقدماً ياقيس السودان
اتصور ان فى الموضوع لبس ،،، ذلك ان هنالك قبائل بجنوبنا الحبيب من عاداتهم خطف الحبيب لمحبوبته واخفائهالفترة وبرضاها لحين اتمام الزواج بالعرف المتبع لديهم ،،،واتصور ان الموضوع اعلاه لافراد من تلك القبيله وعليه فالموضوع عادى ،، اما ان كان دونهم فتلك مصيبة وتشبه فى غير محله وليحفظ الله سوداننا وبناتنا من تلك البدع التى تدخل حياتنا باسم الحضاره والتحديث والتجديد ،، ودمتم
اقول لك فصبرصبرا جميلا واللة المستعان:cool: 😎
اقول لهزا المتهور ادا كانت البنت دى اختك وعملوا فيها نفس عملتك المشؤمه دى شعورك حايكون ايه … يجب ان يحاسب هزا الولد حتى لا تتكرر فعلته هزه 😉 😉 وشكرا للنيلين على المعلومه دى عشان الناس تعمل حسابها…..
دي ما جديدا…الزغاوة عندنا فى الجزيرة لليوم ما بعرسو الا عن طريق الخطف لا عقد لا يحزنون…..ما بترجع لاهلها الا مع اولادها…يعنى ان كان دا زغاوى طبق عادات اهلو 100%…واخف قدراً من البسوهو الصينين والبنغال فى بناتكم…الله يستر…ويصلح الحا)(*&*&^&^%%%$$$£””!!¬¬`QETQU
يااخوانا الجريمه دي مامن طرف واحد الجريمه دي مشاركين فيها الطرفين الولد والبنت لأنو مستحيل يخطف البنت بأي حال من الاحوال لاننا في السودان يعني مافي غابه وكمان لدرجة يسفرها للحصاحيصا وفي النهايه كل الجريمه تقع علي عاتق العاشق الدلهان مش (الولهان) والطريف في الامر انا متاكد انها هي الاتخطفت ليه ومشت معاه برجوله وقصة انو البنت صغيره في زمنا ده ماعزر لانو زمان معظم الامهات تزوجن في سن خمسة عشر سنه ووالدتي واحده منهن . وبعدين الزمن ده الشفع يلدوهم من بطون امهاتهم مفتحين وعارفين الصح من الغلط عشان كده الاتنين مدانين والسؤال الانا بطرحو هل الولد اختطف الفتاة من بيتها ام لاقاها ومشت معاه برضاها ؟ وهنا يكمن مربط الفرس
الكلام دا فى غرب السودان موجود حتى الان فى دارفور انا الان فى دارفور:cool:
السلام وعليكم ورحمة الله وتعالى بركات
الموضوع :
هذا الموضوع لم تكن قريب لن زمان كان الزواج من السنة المبكر بعد البلوغ على الطول لكن ننظر احتمال اهل البنت رافض احتمل وهذ هو السبب الرئيسى الى اختطاف ايضا تقول زمن الرسول (ص) زواج فتاة فى سنة صغير جدا والنت حسب التربية ازاكان متربية تمام يمكن يتذواج فى سنة مبكر
وشكرا النيلين على تطرق هذا المواضيع وهو هل على المجتمع المتخر مثل السودان وايضا مين ياتى بهل غير ابناء البلد
واشكر كل من اتى باراع مختلف هو الهل
المفروض يباركو ليهم والولد والبنت متفقين وجاهزين واحسن زى دي يزوجوها طوالى وسافرت الحصاحيصا يمكن عشان تعزل الشيلة
يعنى كيف اختطفها وداها الحصاحيصا كانت نايمة وزى ديل وراهم البلاولى خلوهم ينطقو بالعرس .
والف الف مبروك ياشباب وعقبال البكارى دا لو ماكان خلفو