جرائم وحوادث
فتاة بأمدرمان تكشف للمحكمة سلبيات الزواج المستعجل
طلبت ( فتاة ) من محكمة أمدرمان الشرعية تطليقها من شاب عقد قرانه عليها وإختفى بعد اسبوعين من عقد القران دون ان تعرف وجهته . وقالت الفتاة . في العقد الثاني من عمرها في دعواها ان الشاب تقدم لأسرتها برفقة والديه خاطباً ، لكن اسرة الفتاة اقترحت تحويل الخطوبة لـ(عقد قران) لتقليل نفقات الزواج . واضافت الفتاة ان الشاب كان يتردد عليها بعد عقد القران ، وانه استغل عقد قرانه عليها ودخل بها وافقدها عذريتها ، ثم إختفى كانه (فص ملح وداب) . واضافت الفتاة في اقوالها للمحكمة انها ظلت تبحث عنه لأكثر من عام ولم تعثر على محل إختفائه ، وكانت اسرته تبدي حججا مختلفة توصلت من خلالها ان الرجل (هرب) . وبحسب صحيفة حكايات حددت المحكمة جلسة للاستماع لاقوال الشهود بعد اعلان الزوج المختفي بالحضور امام المحكمة عن طريق النشر .
يجب أخذ الحيطه والحذر وكمان السؤال عن أسرة الزوج او الزوجه مهم جدا
وعدم الاستعجال في عقد القران
ونقول الله يرحم أمرا عرف قدر نفسه
لا حول ولا قوة الا بالله .. اللهم احفظنا من مصائب الزمن واستر علينا وعلى ولايانا وعلى ولايا المسلمين .. نسأل الله الهداية للجميع .
أنا مستعد لزواج هذه الفتاة إن تم تطليقها من ذلك الشخص مع العلم بأنني متزوج أبلغ من العمرة 47 عام وخريج جامعي وأعمل مصمم بشركة طبية في المملكة العربية السعودية من أسرة كبيرة جداً ومعروف على نطاق السودان
جو يكحلوها عموها
والله اسرتك اسرة عاقلة بعقد قرانك والا كانت مصيبتك مصيبة ..
دي رجل جبان يفقد كثير من صفااااااااات الرجولة والشهامة واحسن ليك انو هرب من البداية ..
ربنا يكون في عونك ودي برضو استعجال من اسرتك في عدم معرفة اهل زوجك جيد لكن ربك لايظلم احد .. كان الله في عونك اختى الكريمة …..
حسن البلة اوعى تكون انت العريس الهارب – شنو قلت البنات اللى يتزوجن والله اى بنت عندها مشكلة عايز تتزوجا
حسن بله ده كلام شنو البتقولو ده اها خلاص كاتلاك الشهامه ولاعاوز ليك سبب
بس عشان تعرس اه ياهو ده حلك اخير كان ماتعلق قال معروف في السودان
تكون انت بله البغنو ليهو يالله