أبرز العناوينسياسية

تظاهرة كبرى، 600 رسالة للبشير.. أرحل، الناس قالت الروب يابشه، تسلم يا اسد افريقيا والعرب


اشتعلت صفحة “سودانيين مغتربين بالسعودية” على فيسبوك بموجة من الردود على منشور (لو عايز تكتب يا مغترب … رسالة معبرة للرئيس السوداني عمر حسن البشير ح تقول ليهو شنو ؟؟) لصاحبه Nasser Omar Jafar

فيما أشبه بتظاهرة فيسبوكية كبرى تباينت الرسائل بشكل كبير فمنهم من طالب الرئيس بالرحيل ومنهم من مجده وأثني عليه، محرر موقع النيلين إطلع على أكثر من 600 تعليق على المنشور أعلاه الذي شكل إستفتاءً على شعبية الرئيس بعد قرار زيادة اسعار المحروقات في السودان، حيث أكثر من 400 تعليق تشيد بالرئيس السوداني وتصفه بالبطل وأسد أفريقيا والعرب.

بينما إستخدم البعض لقب “بشه” الذي يطلقه الشباب على الرئيس السوداني وقال “خال الدعوية”: خاف الله فى الشعب الناس قالت الروووب يابشه.

وهذه نماذج من التعليقات التي وردت على المنشور في صفحة (سودانيين مغتربين بالسعودية).

ميامي البشير
تسلم ي عمر البشير من كل شر ومن كل حاسد وبقول ليك ضيق العيش ما منك ي ريس! !!!من الفساد وبعد الناس من الدين والناس لو رجعت لي ربها واستغفرت ربنا بيسهل عليهم الأمور كلها ان شاء الله

أبن النيل
عليكم السمع والطاعه ولو تامر عليكم عبد حبشي لانو الواقع حولنا درس بالنسبه لنا وافضل جور الحكام ولا فتنه يستغلها ضعاف النفوس لخراب البلد وتدميره

مصباح عبد المنعم الشنبلي
البشير ياكلكم في افيائكم . الناس تسيب الكسل والخمول والفارقه وتعمل والرزق على الله . البشير رجل قيادي والزياده والنقصان من الله .

محمد ود بارا الجعلي
مع السلامه يا ريس الناس زهجوا منك والبلد عاوزه تنفجر من سياستك

عوض خوجلي سعيد
ربنا يحفظك ويطول لينا في عمرووو رغم البعمل فيهووو دا
ماكسير تلج بس والله بعد البعمل فيهو الناس كلها بتحبو لا صراحه لو جا زول مسك بدلو علي الحلف مويه فول ماتلم فوقه خلي ارتفاع المحروقات دي

زمن قاسي جعلي
الله يطول في عمرك سيدي الرئيس
Saad Ahmed
سير سير ي بشير الله اكبر والعزه للسودان نحن معاك ي البشير

خالد الصادق الزين الدومة
رجل أسد العرب

محمد حسن ودالشويخ
أسد وقائد لي وطن رائد الله يخليك ويعافيك

Amin Almagribi
الله يصلح حالك وحالنا لا انت رئيس ولا نحنا شعب

Musa Bashir Awadalla
اتقى الله في شعبك ال إختارك تكون رئيس على الاقل رد لهم الجميل …. واتقى غضب الحليم .

Hamada Kambal
سير يارجل السلام والامان الي الامام دون احزاب سياسيه الله اكبر سيد الريس عدي بينا ياريس

ايمن عبدالله الكباشي
ربنا يحفظك ي ريس ي اسد افريقيا

Abdallah M Osman
نقول له …شكرا للمحافظة على أمن الوطن …فقد سقطت الدول التى حولنا فى مستنقع الفوضى

طه الصادق
* لست مع الوطني ولن أخرب وطني

لا للخروج
لا للدمار
لا للمظاهرات
لا لنزع يد الطاعة من أجل الدنيا
فأنظروا لمن نزعوها من اجل الدنيا
لا على دنيا حصلوا
ولا لدمائهم حقنوا
ولا لدينهم صانوا
ولا لأمنهم حفظوا
بل تقاتلوا ودمروا وتشردوا
والآن منهم من يتسول عندنا هنا
السعيد من اتعظ بغيره إعقلوا
وزنوا الامور بميزان الشرع

أصلحوا حالكم يصلح الله حكامكم
فأنتم مسؤولون عن انفسكم ودعوا الحكام لخالقهم فلستم مسؤولون عنهم
اللهم لا ينزل بلاء الا بمعصية ولا يرفع الا بتوبة اللهم انا تبنا اليك فارفع عنا البلاء والغلاء .
من أراد ببلادنا وبلاد المسلمين سؤ فاجعل الدائرة عليه واخزه في الأرض ويوم العرض.ومن أراد ببلادنا خيرا فاجر الخير على يده واجزيه خيرا.

الخرطوم/معتصم السر/النيلين


‫31 تعليقات

  1. اللهم احفظ بلدنا ——-لايجوز الخروج علي الحكام بامر النبي صلي الله علية وسلم
    قال تعلي (ومن اعرض عن ذكري فان لة معيشة ضنكا)
    اللهم احفظ ولي امرنا

    1. هل الحديث الذي لا يجوز الخروج علي الحاكم قيل بعد 89 ولا موجود من زمان ؟ اذا نزل بعد 89 نقول سمعا وطاعة اما اذا قالة الرسول الكريم …..لماذا لم يعمل بة الاسلاميون عند تدبيرهم للانقلاب المشئوم….
      اما حديث اذا اخذ مالك وجلد ظهرك …. يجب التحري فية جيدا لأنه يتنافى مع الفطرة الانسانية والله اعلم

    2. لا يجوز الخروج عن الحاكم !!!.. انت ما تخرج خليك قاعد لكن الشعب السوداني ده حا يكنسوا إلى مزبلة التاريخ باذن واحد أحد.. حاكم شنو؟ قال الحاكم!! .. انتخبناه نحنا ولا جاء غصباً عن عين أبو الشعب بواسطة انقلاب عسكري؟؟؟

  2. أنا بقول طلعت البترول (جزاك الله خير) اكتر من 60 ميار دولار عائدات البترول ما عارفنها مشت وين؟!
    عملت سد مروي(جزاك الله خير) وقلت نهاية الفقر وبقينا ندفع حق العمود وعداد ..ألخ ولسع الكهرباء بتقطع
    وعملت طرق وكباري (ربنا يجزيك ألف خير)
    أستلمت البلد كاملة وفصلت الجنوب ولسع مشاكله ما انتهت من حدود ودعم للتمرديين عينك يا تاجر وحروب ولسع الجاي
    المصريين قلعو حلايب حمره عين
    ديون البلد من 15 مليار دولار حسع فوق 46 مليار
    و بقيت مطارد ومطلوب لمحكمة الجنايات الدولية
    القائمة طويلة وربنا يجعل خاتمك خاتمة خير
    فرتـــق وحل عنا .. حواء والدة

    1. دايما تحسبوا زي المشاطات .. يا حبيبي 60 مليار ذهب نصها للجنوب .. وبعد خصم حقوق الشركات المنتجة وحصة الدول الاجنبية ومصاريف التشغيل تلاقي الباقي لحكومتك ما يتعدي ال20 مليار ودا مبلغ صلعوك راسمالي عنده .. شوف كم كلف السد وتعلية الرصيرص والبنية التحتية لتمديد الكهرباء شوف كم كبري جديد وشوف كم كيلو متر امتدت الطرق ولا تنسى حرب دائرة في الغرب والجنوب ويوميا تصرف فوق المليون دولار ..احسب المباني والدوواين الحكومية الاتجددت والاتعملت بعد ماقربت تنهار من زمن الانجليز .. فصل الجنوب كان بتامر من القوى الغربية وامريكا واسرائيل والحكومة كانت عارفة وعارفة انه مافي دولة بتقوم في الجنوب لاننا نحن ادرى بايدولوجية الجنوبيين ونعرف تناطحهم القبلي مش لو سلفاكير لو مليون سلفاكير ما حيقدر يلم الجنوب وحيجوا منصاعين طائعين للسودان
      والان الفصلوا الجنوب ندمانين لانه قدر الكان بيلقوه من السودان راح وولى وامريكا بعد حصارها ومعاداتها للسودان من زمان بلا سبب اضافت حل مشكلة الجنوب للشروط عشان ترفع الحصار وامريكا هي الصنعت مشكلة الجنوب
      اما قولك عن حلاييب فكانك اطرش ومسكوه مزمار ولا يسمع ما يعزفه ولا يعلم انه يصم الاذان لان حلاييب يا استاذي الفاضل من صنيعة الاستعمار مثله مثل اي خلاف حدودي تم زرعه بين كل الدول التي كانت مستعمرة وخاصة الاستعمار الانجليزي .. حلايب بين السودان ومصر كشمير بين باكستان والهند نجران بين السعودية واليمن والصحراء الغربية في المغرب لتكون مشكلة بين المغرب والجزائر .. الحدود الجنوبية بين ليبيا وتشاد ؟؟؟ والحدود الغربية لمصر مع ليبيا وبين ليبيا وتونس وحدود السودان مع الحبشة في منطقة الرعي ,, وكثيرة كثيرة فلم تمكست بحلايب وتركت باقي الحدود ..
      الحصار الخانق الذي فرض على السودان وعاونت عليه بكل اسف الدول العربية ونحن بهبالة نبرز كل طيبة الان لايمكنك تحول اي مبلغ عن طريق البنوك لانه امريكا تمنع الدولار وهو عملتها عن السودان واي دولة تحول دولار للسودان تتحمل التبعات .. منعت عنه تطوير المعلومات وتقنيتها ومنعت عنه تطوير الطيران وصيانتة ومنعت عنه ادوات الزراعة ومنعت عنه الادوات الطبية تقول لي ليه من امريكا ليست المسالة من امريكا ولكن قيمة هذه الاشياء كلها بالدولار فمن اين تاتي به ..
      وانت اما من اهل الغرب او انك تتبع لاحدى الجماعات المسلحة التي انعدم لديها المنطق والحجة لانك تتحدث عن الجنائية وانت تعرف جيدا ان ما احيك ضد السودان عن طريق الجنائية ما هو الا فبركة وعمل مقصود به السودان في كرامته .. واظنك تكون قد رايت الافلام والصور المفبركة والتي قيل انها في السودان ..
      نحن لسنا عاطفيين و لسنا من داعمي المؤتمر الوطني الا اننا عشنا اكثر من جيل وعاصرنا اكثر من حكومة وستاتي حكومة وسترون المصائب والفضائح .. ولعلمك ماحدث من فساد في الاونة الاخير لم يكن الا بسبب فتح انضمام كل زبالة ليكون مؤتمرا وطنيا وانا شخصيا اعرف واعلم تمام العلم اناس كانوا من زمن نميري يسرقون ولا يكتفون وفي بدايات الانقاذ اودعوا السجن الا انهم اعلنوا التوبة والولاء ودخلوا المؤتمر الوطني واصبحوا مرةو اخرى من كبار حرامية البلد رغم انهم عديمي الخلق والاخلاق

      1. اسال الله الكباري والشوارع البتتكلم عنها يسحلوك فوق سطحها انت بتحسب في ايه ياعجب امو كل الكباري والشوارع بقروض علي حساب الشعب السوداني وليس لها علاقة بايرادات البترول يا شاطر حسبتك مش مشاطه حسبتك زي….. امك ثم ثانيا يا شاطر هم اعترفوا بعضمة لسانهم انهم لم يستفيدوا بقروش البترول في التنمية المستقبليه انت عايز تبرر شنو الواحد فيكم اعمي وعامل فيها عارف منعول ابو النت واليوم الخلي كل واحد يستفرغ ويتغوط ويقول ليك انا ما مؤتمر وطني لكن دي الحقيقه والحقيقه انو امثالك حارقي البخور ونافخي الكير ليس لهم رأي غير يطبلوا للحكومات وصحيح ولد الترك ولا المتروك روح دايه تخمك وفهمك يا عبيط يا عره.

        1. وجيت انت يا شيخ الهبل يا حساب كدا يا الفنجري احسب انتاج السودان مما بدا الانتاج واضربه في المتوسط وورينا كم الباقي
          بعدين مع الاعتذار لناس مدني معروف بيجي منها منو والفاظ السمحة دي اتعلمتها في اي كمبوا ويا وسخ الكمبوهات .. انا عايز أ… ان عجبك يا قرف النت .. واظنك يافع ودليل من كلامك البيعكس تربيتك لانه التربية القديمة كانوا خلوقين .. امشي خلي امك تغير ليك حفاظك ريحته طلعت

          1. دي كلام شنو يا عيفة احسب انتاج السودان مما بدا الانتاج واضربه في المتوسط ورينا كم الباقي-سمك- بيض -تمرهندي انت مافاهم حاجة خالص لافي الاقتصادي الجزئي MICRO ECONOMIC ولا MARCRO ECNOMIC وكيف ناقشك في GDP الاهو يا
            فالح اختصار

            GROSS DOMESTIC PRODUCTION

            والله اسم علي مسمي انت ما عارف حاجه خالص شاطر في تحريك الكي بورد وكمان تقول عايز تدرسني انت البدرسك تجيب ليهو بواسير لانك اطرش لافاهم في سياسه ولااقتصاد باختصار فرقع طظ.

      2. ( ولعلمك ماحدث من فساد في الاونة الاخير لم يكن الا بسبب فتح انضمام كل زبالة ليكون مؤتمرا وطنيا وانا شخصيا اعرف واعلم تمام العلم اناس كانوا من زمن نميري يسرقون ولا يكتفون وفي بدايات الانقاذ اودعوا السجن الا انهم اعلنوا التوبة والولاء ودخلوا المؤتمر الوطني واصبحوا مرةو اخرى من كبار حرامية البلد رغم انهم عديمي الخلق والاخلاق) !!!!!!!!1 دا مش كلامك الأنت كاتبه يا مخ مافي؟ تعليقي الوحيد على تعليقك هو أنك فعلاً ما عندك مخ واستحقيت اسمك عن جدارة لا تحسد عليها

  3. لا العصيان المدنى لا المظاهرات رغم انى طالت غربتي واملى كبير فى الله لكن بما اننا بحمد الله فى نعمة الامن الكسرة والملاح على الخالق وزى ما قالو ربنا ما شق حنكن جوعه او ضيعه . اللهم احفظ السودان من الاقتتال والحروب واصلح زات البين والف بين القلوب كما الفت بين قلوب المهاجرين والانصار

    1. (كسرة وملاح) تكسر رقبتك!!
      تعال اتكوي هنا بنار الوطن ده واكل الكسرة والملاح !ولا تنظير ساي من الخارج؟!!
      بعدين (حنكا) لا تكتب (حنكن) ،وكمان اسمها (ذات البين) مش (زات البين)
      ولا شنو مكتوين لي بي بره وعاملين فيها بتهدوا (مالي اراك تكرهين الجنة)؟!!!!!!!!!

  4. مشكلة السودان الكيزان قاتلهم الله يتاجرون بالدين.
    التمكين للكوز أولى من مصلحة البلد لانهم يعتقدون ان بقية الشعب منهم الشيوعي والعلماني وغيره من تصنيفاتهم التي عفا عليها الدهر .
    الما نافع يتهكم والما امين حسن عمر يستفز وهذا .
    ما نطلبه من السيد الرئيس تنظيف البلد من هذه الفئة الطفيلية …

    1. انا لست احوانيا وكنت العدو اللدود لهم ومحاربتهم ولكن حين سالت نفسي لم لم اجد اي مبرر اليس سوداني اليس مواطنا اليس له الحق في الراي .. وايه لم يقول عايز يطبق الشرع .. طيب اذا نحن نؤمن بالديمقراطية وجابتهم للحكم ليه نحاربهم .. وليه ما نثبت فشلهم عمليا عشان ما يفوزوا تاني .. الاخوان فازوا في الارد وفازوا في غزة وفازوا في مصر وفي تونس وفي المغرب واي دولة تجري فيها انتخابات نزيه يفوزوا ما سالتوا انفسكم ليه بيفوزوا ؟؟
      وهذه التسميات الكيزان والموز وايه ماعارف ماهي الا تصنيفات مللناها ومجيناها لماذا لا نتعامل مع الاخر من غير لون طائفي او ديني سوى من الاخوان او غيرهم

        1. تقول علي اني اافهم من الفهم العبيط البتشرحوا بيها اعتراضاتكم ,, وصدقني ما يهمني يحكم البشير ولا غيره لككن عفن الراكوبة البجي يرد على الناس انا بالمرؤصاد لانه اوسخ ناس على وجه الارض زول في استراليا واحد في كندا وواحد في امريكا وقاعدين يشتموا بلدهم

      1. مخ مافي احسن الليله الواحد يديك درس عن منهج الاخوان اولا الاخوان لايؤمنون بالأوطان دي عارفها والله ماعارفها واديك مثال اسعاف في مستشفي صغير في ضاحيه من ضواحي امدرمان هو الوحيد الموجود تم ارساله لغزه ومعاهو 6 مليون دورلا نقدا في كيس اسماعيل هنيه!!!!!!!! ثانيا تصل مساعدات الي الشباب الاسلامي في الصومول ولاتذهب الي النازحين في اطراف العاصمه ولا اقول معسكر كلمه….. الاخوان ليس لهم هم في تنميه البلد اكثر من اشباع عضويتهم … سياسة الاخوان في العمل الاقتصادي اولا القبض علي مصارين اقتصاد البلد وامتلاك الاموال حلال وحرام وبكل الطرق حتي او ادي الي اخذ اموال المساكين الضعاف من افواههم بفهم الغايه تبرر الوسيله الاخوان هم الامل الوحيد لاسرائيل والغرب لتفتيت الدول العربيه الي مليون دويله وتتحارب في بعضها ولاتستغرب في اليوم الذى تعلت فيه الدوله لاجراء استفتاء دارفور للانفصال وهذا هو السبب الوحيد الذى تجعل امريكا تحافظ علي وجود هذا التنظيم في السودان يمكنها ان تقبض عمر البشير من بيت امو وترسله الي لاهاي يا خوي لوعندك امل في الاخوان لتنميه البلد واطاتك اصبحت. اما فوزهم فين وين الايدل علي امتلاكهم من الاموال والدعايه من اجل الوصول الي يريدونه وقدتاسسوا علي مبدا جمع المال وشراء الذمم كما يفعل اليهود وهم فرع اليهود في الاسلام.

  5. تعليق مكرر ليقرؤه الجميع

    سيثور الشعب
    إذا
    قدم كل سياسي من المعارضة حساب عن الآتي:
    كم يوم قضاها في الفنادق خمسة نجوم وهو يتفاوض نيابة عن الشعب المقهور المظلوم ؟
    فليكن ياسر عرمان (ممكن واحد إحسب أو إقدر كم سنة عاش ياسر عرمان في الفنادق خلال 25 عام مناضلا من ضل لي ضل

    يا جماعة الأمر الواضح يا واضح هو أن قضية الشعب أصبحت سلعة ومهنة يقتات منها المناضلون وليس بينه شريف وهذا تحدي
    واحد إقول لي فلان مناضل شريف يعمل دون مكاسب ليصلح حال البلد؟
    لا أريد مهاترات أريد إسم أو أسماء

  6. على ما اظن (ان بعض الظن اثم) ان معظم المعلقين المؤيدين للموتمر الوطني هم شباب واولاد الحزب فكوهم في الاسافير عشان يعملوا فيها مواطنين ومؤيدين للرئيس
    اما لو بقوا مواطنين فعلا فانصحهم بالذهاب لمقابلة طبيب نفسي لان في قلوبهم مرض
    لان الوضع في السودان ليس خافي على احد ولا عايزة مغالطات يعني الحكومة كل ما تتزنق بدل ما تقلل الصرف على ال300 وزير ووالي تقبل الا على المواطن الغلبان
    قاتلكم الله وحسبنا الله ونعم الوكيل

  7. البقولوا للرئيس البشير أرحل أنا بقوليهم هم رحلوا من أهلهم وإغتربوا نفعوا بي شنو ونجحوا في شنو وشنو عملوا للبلد ماهو بقوا مشتتين في بلاد الدنيا وبلدهم ربنا أداها كل الخيرات ما عمروا بلدهم ومشوا عمرو بلد الأجنبي الحقيقة مرة والنصيحة الزمن دة مافي زول بسمع ليها نحنا دائماً دايرين الباردة في بيوتنا على أهلنا وأسرنا أسود وفرسان وبرة في الشارع مع الناس أرانب وفيران والزول ما بيعرف قيمة النعمة الفي يده إلا لما تزول منو ، برة البلد نلتزم بالصفوف بأدب ونحترم النظام وفي بلدنا كل زول عامل إنو سيد البلد في الفاضي فشخرة وجخ وعنطزة في الفاضي وكل زول عاوز يكون هو الرئيس وهو الوزير والماعاوز حاجة أصلاً حسااااااااادة بس يقول يا فيها يا أفسيها ، كل الناس تحسدنا على خير بلدنا وبقولوا ربنا أدانا كل حاجة بس السودانيين كسالي رغم تعليمهم ورغم طيبتهم وتكافلهم ورغم عاداتهم وتقاليدهم السمحة الطيبة بس للأسف تركوا كل الخيرات العندهم وبقوا ناس كلام وبياعين كلام ومنظرين ومشرعين يعني حشاش بي دقينتو سااااااااي وناس مني وأحلام وعايشين على ذكريات الماضي والزمن الجميل ، الناس لما طلعت من السودان السودان كان بي خيرو ولسة مازل بي خيرو جحدوا النعمة الفي إيدهم لا حمدوا ولا شكروا ولا على الله توكلوا مع إنو لأنشكرتم لأزيدنكم ، هسي في ناس شبعااااااااانة شديد في البلد عمارات وسيراميك وستائر وأحسن فرش وعربيات ورصيد في البنك وترطيب شديد وأكل سمح وفاخر وبعد دة كلو مافي غير الشكوي لا حمداً لله ولا شكراً لله ……. وعجبي!!!!!!

    1. سمي صاحبو مخ مافي كم موظف مدني وعسكري واساتذه جامعات تم احالتهم للصالح العام؟ كم خريجي جامعات جالسين علي الرصيف من غير ابناء الحكومه يا اخي بلاش قلة حياء وتتحدث عن مثالبات يا انت من اصحاب الحظوة او زول ساكت ما عارف كوعك من بوعك ثانيا ياشاطر لابارك الله في رجل عاش في ارض ذل وارض الله واسعة فلا الم تسمع اضربوا في مناكبها يضربك الصاروخ اليفجر مخيخك يا بجم.

  8. فَسِادِ مٌالُيَ
    فَقًرَ
    جْوَْع
    تْْعلُيَمٌ ضُْعيَفَ
    بّيَئُه سِكِنَيَُه مٌلُوَثُُه
    ْتْجْاُهلُ الُسِيَاحُُه
    وَزُرَاء لُيَسِ لُُهمٌ ْعلُاقًُه بّوَزُارَاتُْهمٌ
    كِوَارَثُ بّيَئيَُه
    تٌْخلُلُفَ فَكِرَيَ
    ْعجْزُ فَيَ الُمٌيَزُانَيَُه
    ضُْعفَ فَيَ الُانَتْاجْيَُه
    تْوَرَيَدِ الُقًمٌحُ مٌنَ الٌُخارَجْ
    غًلُاء مٌْعيَشِيَ
    جْنَيَُه سِوَدِانَيَ ضُْعيَفَ وَ مٌرَيَضُ
    شِْعبّ سِاذَجْ
    ُهجْرَُه كِوَادِرَ

  9. الدولة رفعت يدها من كل شيء .. طيب انتو جايين لشنو؟!!!!!
    طيب رفعتو يدكم ليه فارضين علينا ضرائب وجمارك (وزكاة!!!!!)
    معروف الضرائب بتشيلا من هنا بتختها في ما يحتاجو المواطن
    يا البشير انت عايز الناس تنبسط منك؟!
    اول شيء شيل الحرامية الحوليك من مسؤولين وأهلك.. وما في اشاعة بتطلع ساي من الناس
    وأخيرا اتقي الله في شعبك وتذكر ان ايامك قربت
    أنت محاسب عن كل مواطن عاجز عن قروش الدواء (الناس شغالين نفير لكل قريب عندهم مرضان) وانتو علاجاتكم كلها بالدولار

  10. المشكلة مافي البشير….المشكلة في الناس التحت تحت ديل
    وبالاخص المحلية.. (كلاب المحلية) ….ياخ ديل عذبوا الناس عذاب وبالزات المساكين والباعة المتجولين حارمنهم من اكل عيشهم …لكن رب العباد موووووووجووووود.
    والناس ديل متشبكين ساي بالاسلام والله اخير منهم مليوون مرة الكفار.

    ودعوة المظلوم ترفع وقتي ومستجابة.

  11. كلاب المؤتمر الوطني ماعندهم كلام يقولوه غير الكباري والشوارع المحفرة الكلها كم كيلومتر ..الكباري البتتكلمو عنها معروفه للجميع انشئت بمنح وديون ساريه الي تاريخ هذا اليوم .. ليش ماتتكلموا عن المحسوبيه والفساد الاداري ليش ماتتكلمو عن البني التحتيه للسودان امثال الزراعة ومشروع الجزيرة اقرب مثال .. ليش ماتتكلموا عن سوء الخدمات الصحية والتعليمية .. اليوم طالب الجامعة يكتب لاكيين وشوكرن .. اليوم المواطن يبيع العندو كله عشان يتعالج من الملاريا .. اليوم الشاب عمره 40سنة وغير قادر علي تكوين اسرة والزواج .. اليوم الشباب مدمر ومشرد لا يملكون قرار .. اليوم الوظائف حكرا علي كلاب المؤتمر الوطني والاقربين .. اليوم
    ليش ماتتكلمو في الزيادات كل يوم ..ليش ماتتكلمو عن فشل الورزاء ومحاولة معالجة فشلهم بالزيادات من ظهر المواطن .. ليش تتكلمو عن زيادة المرتبات وتتجاهلون من لايعمل في الحكومة .. عامل اليوميه ايه دخله عشان يتحسب من منتفعي زيادة الاجور ..
    سوف ياتي يوم تقفون امام الجبار مالك السموات والارض ويسألكم عن محمد احمد في المناقل وماذا فعلتو له وهل تركتوه لحاله حتي يقتات من ارضه التي دمرت بفضل اداراتكم الفاشله .. يسألكم عن الوجع الذي لازم عبدالرحيم في الشرق وليس عنده ثمن مقابلة الطبيب وثمن العلاج ..يسألكم عن التي توفيت بسبب الولادة في ليلة ممطرة وليس في قريتهم مركز صحي وتأخرت في الوصول الي المستشفي بسبب الوحل وتتكلمون عن الكباري والسفلته ..
    يارب انا عبدك الضعيف فانصرني بقوتك علي ظلمهم

    1. اذا كان الحكم اللامركزي يحل الاشكالات السياسيه نظرا لاتساع الرقعه الجغرافيه وتعدد الاثنيات والقبائل فهو كارثه بكل المقاييس علي اقتصاد ضعيف كالسوداني , لذلك تجد الاعداء الذين يسعون لتمزيقه
      وتفطيعه دويلات يحتضون حركات الهامش ويمدونها بالسلاح والمال والدعم السياسي والاعلامي في المحافل الدوليه فيما يسمي بمنظمات حقوق الانسان والمحكمه الجنائيه والامم المتحده الخ…وقاده الحركات منغسون
      في العماله والخيانه لاوطانهم ومنقادون كالانعام لتخريب الاقتصاد وهدم نسيج المجتمع باثاره الفتن والاحقاد ويهددون وحده التراب السوداني ويحسبون انهم ثوار وطلائع نصر تزحف لاسقاط نظاام الخرطوم . هذا بالاضافه الي الهجره الصامته المستتره من دول شرق وغرب السودان الي داخل البلاد وهي بالملاين وقريبا ستنضم اليهم دوله شمال الوادي لتتم الناقصه !!! في مثل هذه الحالات لايكون الاصلاح الاقتصادي إلا( بالكي) والكي الذي اقصده تحديدا لمن لايعرفه هو (رفع الدعم ) وتحرير سعر صرف العمله لكي ترتفع معدلات التضخم وتنخفض قيمه العمله المحليه حسبآ ليات (سوق الله اكبر).هذا مع دعم الفئات السودانيه الضعيفه بزياده مخصصات تمويل المشروعات الانتجايه للشباب كالصناعات الهندسيه وانشاء بيوت محميه زراعيه لانتاج سلع للصاادر وهي بالعشرات ان لم تكن بالمئات!! وترك الجميع للعمل الجاد والتنافس الحر الشريف !!! فاذا كنا ناس عمل وجد نجحنا واذا كنا اصحاب كلام وتنظير وكل واحد يحب ان يكون رئيسا او وزير اورئيس حزب او حركه تمرد وزعيم فهذا لن يكون ابدا ولننظر لحال ما حولنا من دول لكي نستوعب نهايات اعوجاج التفكير والتعصب الاعمي للمذهب وللاثنيه والجهويه !!!
      فالتنوع والتعدد نعمه من نعم الله علي عباده لاستمرار الحياه بدون رتابه وملل ولازدياد المعارف ولكن حماقه الانسان وجهله وجحوده حولتها الي نقمه وكراهيه واحقاد , فلنزيل الصدأ عن قلوبنا بالتسامح والعفو والاحسان.
      شئ اخبر لابد من ذكره!!!! الفساد ومحاربته !! اذا لم نحارب الفساد والمفسدين بحزم وجديه وشفافيه فان اي عمل كان سواء بناء لنهضه اوبناء تحتي سيكون مهدد وقابل للتراجع والزوال !!فلضرب بسيف الحق والعدل علي العابثين والمفسدبن وضعاف النفوس قبل تمدد الداء . مستعنين بالله متوكلون عليه.
      ولنترك حكايات اسقاط النظام وجهاد لوحه مفاتيح الحاسوب والعماله للاعداء لتحقيق احلام ذاتيه مدفوعه الثمن !! فالسودان به من الموارد
      وخيرات الارض مايتيح حياه كريمه رغده لكل فرد يعمل بنشاط وهمه.

  12. اسئيله ليست للاجتبه

    وين مشروع الجزبره ؟

    طريق هيرثو الجوي بعتو لمنو ؟

    خزان مروي مالو طالع ماسوره ؟

    فصلتو البلد لشنو ؟

    ليه اغلي اراضي في العالم اراضينا ؟

    البخلي الرشاوي تنتشر شنو ؟

    رئاسه محليه مدني الكبره لم جي يوم اجازه الميذانيه حرقتو لشنو ؟

    سكرنا فات وين ؟

    الثروه الحيوانيه ؟ وين

    النباتيه وغيرا من الثروات

    اذا كان السودان حتي قبل عهد الانقاذ اقتصادو زراعيه و حيوانيه و العيشه عشره عشات بواحد جنيه الان كل هاذه الدهدخل و عيشتين بجنه ؟ وديتو الاقتصاد وين ؟

    و السؤال الدير اجابه حقيقه

    وديتو الشعب وين ؟

  13. يوم القيامة لو البشير طلع مجنون ومرفع عن القلم سيربرايز لي بهناك
    هههههههههههههههههههههههههههههههههههههههههههههه