[JUSTIFY][SIZE=5]تحدث الاستاذ حسين خوجلي خلال برنامجه (مع حسين خوجلي) والذي يعرض علي شاشة قناة امدرمان عن الهجرة وجوانبها السلبية..وقال لماذا يهاجر الناس عن السودان…والسودان عاوزين تخلوا لي منو؟؟وتحدث عن معاناة المغترب السوداني وعن عزة النفس التي يجدها في السودان ولا يجدها في دول المهجر…وذكر الإعلامي المثير للجدل انه لن يترك السودان من اجل السفر للهجرة وقال: (انا لو قعدتا شحاد في السودان ده ما بسافر بره) واضاف قائلاً ان تظل مواطن درجة عاشرة في السودان خير لك من ان تهجر وطنك بغرض تحسين الوضع المعيشي…وواصل حسين خوجلي تفجير المفاجأت وقال:احسن حاجة في السودان ده تلقي العامل (يقل ادبو) علي صاحب العمل وعلي الدكتور…(وقلة الادب) في بلدك تعد جزء من الكرامة…وتابع حديثه قائلاً: اي زول في دول المهجر مؤدب رغم انفه ويحاول ان يثبت لأصحاب العمل انه مسكين ومؤدب..واختتم حديثه قائلاً الزول لو قعد في البلد دي وزرع طماطم وسعي لتربية بعض الاغنام خير له من الإغتراب..وقال لو كل الأسر في السودان جلسوا مع اولادهم ووضعوا مشروع سيجنوا ثمار هذا المشروع وسيصدروا منه لدول الخارج ايضاً …
[CENTER][SITECODE=”youtube kSjXaFNK1tg&feature=youtu.be”].[/SITECODE][/CENTER]
ياسين الشيخ _ الخرطوم
النيلين
[/SIZE][/JUSTIFY]
[SIZE=6][COLOR=#FF008A]خيبك الله
شبه راجل … ناعم اكتر من الحريم
هسي انت من نوع الرجال البيزرعو طماطم؟؟؟ يضمم بضنك
والتمسح والترقد وحركات اليدين الخيابة دي تخليها لي منو؟؟؟
بس دقسو في اسمك ((الشين)) كان يسموك هيثموه
وابوك صحي لو خوجلي كان خجل منك..
ياقليل الحياء
[/COLOR][/SIZE]
نسيت حاجه مهمة يا الشاطر حسين البربي غناميتين وبزرع طماطم دا مواطن عادي ول مؤتمر ؟؟؟
لانو بتفرق كتير والفرق دا ممكن تعرفو من نفسك وزملاءك في الدراسة والصحافة هل الان يمتلكو قنوات فضائية كما امتلكت انت بشرط ان يكونوا مواطنيين سودانيين ما مؤتمرجية ولما تجاوب علي السؤال دا حا تعرف انك بالليل كنت ساطل .
هل تعتقد ان من كل من هاجر حبا في الهجرة ؟
عليك ان تعلم اننا مستجيرين برمضاء الغربة عن جهنمكم التي أحرقت السودان كله .
وحات جضومك الكبار ديل كلامك غلط – الحمد لله كرامتنا محفوظه في اي مكان نمشي ليهو – والاحترام والتقدير البنلقاهو في بلاد الغربه صدقني في السودان مابنلقاهو
كلامك صح مية في المية بس انت سمعت بس ول جابو ليك ، يا معلم والله هم وغم والغريبة كل المغترب عندو احساس انو ح يرجع و يستمتع بما جمعه من مال كدم الحجامة فذا بها الطامة قايل عمره مقرش لكن يلقى الصحاب اتفرتقت والناس ماتت والحال ما يهو ذاتو الحال
حسبي الله ونعم الوكيل ولا حول ولا قوة الا بالله
احساس انك تكون مغيوووظ لمن ما تعرف تعلق على الكلام….. يا حسين ورمتنا ورم الله ينفس جضومك دي فسسسسسسسسسسسسس…. الرووووووووب
رصل الزيت عندك بكم ياستاذ بعدين نار الغربة ولا سؤال الناس ده لو فى زول أداك ، وحتى لو زرعنا وسوينا بكلامك ده وين الضرائب ووين رسوم الولاية ووين قسط البنك الخاص بالتقاوى والتمويل ووين رسوم المحلية والله التاكلو ماتلقى خليك من التصدير ولا اقول ليك السوق الشعبى الخرطوم مابتصدر، خليك واقعى يااستاذ ونكبة مزارعين البصل لازالت نكبة حتى الآن وانت قلت قبل كدة فكوا فيها البهايم ، يظهر الفيك كملت وأحسن تم برنامجك ده قصص واعلانات لأنو أصبح متناقض بمعنى بقيت تنقض كلامك.بالمناسبة أنا معجب بك فى البرامج التوثيقية جداً وبرنامج الونسة ، لكن السياسة بديت كويس ونظرياتك دى قبل ماتقولة عاين للبيئة هل هى صالحة أنا اول من يزرع بس الدولة تصدر بيان بأن يتم اعفاء جميع القطاع الزراعى من أى رسوم يعنى الى الترحيل اذا شايل خضار او منتجات زراعية يمرروك بدون رسوم بعدها شوف الخير البطلع من الارض دى وشوف كان تلقى زول فى الخرطوم، قال ازرع طماطم قال.
بالله أرحم نفسك وقوم لف …
انت ما عارف جماعتكم ديل ذلو الشعب السوداني دا كيف.
وانت قاعد في العز والكندشة والعربات والقنوات وسمين جسمك مندّي وتقول في الكلام دة
جرب شقاوة الشعب المسكين دة يوم كان ما انتحرت مش هاجرت
بالله حسين دا جاد في البيقولو. تسطيح عجيب وتبسيط يدعو للضحك.
غرييييييييييييييييييييبة دا الموضوع الوحيد المحتاج تعليقاتكم يا ناس النيلين الزول دا رايكم في كلامو دا شنووووووووووو :confused: :confused: :confused: :confused: الزول لو كان عنقالي ولا زى الناس المالاقين وظيفة موش كان خلي السودان ………. كان خلي مرتو اولادو وامو
يا شيخ حسين خوجلي ولا أقول ليك شنو عاد … الكلام البتقول فيهو دا يسالك منه رب العزة يوم القيامة ، أي سودان يمكن للناس ان تعيش فيهو والجماعة من سنين طويله قسموا الكيكة وارتاحوا فيهم من يملك وفيهم من عندو مطابع وصحف وقنوات ونحن نقعد نربي في الغنيمات عشان تشتروهن انتو للرحلات أو زبائح يوم الجمعة في بيوتكم ….. صراحة ما قادر أعبر علي الرغم من امتلاكي لناصية الكلام الذي يؤهلني لأن اكون من قيادات قناة ام درمان ولكن خلي الخلق لخالقها والهجرة في هذا الزمن معزة نفس وليست مزلة كما تتوهم . انا والله مغترب وما مفكر ارجع للسودان رجوع نهائي لاني والله عاوز ابني بيت زي بيت حسين خوجلي وأركب عربية زيك وكمان بساعد في أطراف أهلي الهلكانين وما عندهم حق الدواء والحليب لي عيالهم … هل اذا ربيت لي خمسين غنماية مش غنيمات كما تقول بقدر أساعدهم ولا أبني بيت وأركب عربية ؟؟؟؟ وسوف أعود بعد أسمع رأي معلقين آخرين ودمتم …
لولا المغتربين لانهار السودان. حيث يساهم المغتربين بأكثر من 3 مليار دولار سنويا من العمله الصعبه ، يبدو ان بوق هذا النظام الفاسد المدعو ابو ناعم هذا لا يفقه شيئا و لا يعالج قضايا الوطن و المواطن و يتحدث كالمشاطات في الفارغه ، انا لو في مكانك بعمل بمبدأ الشفافيه التي تعلمتها في الغرب لكي يعرف الكل مصدر ثرواتي ،، هسي يا الخوجلي عاوزين نعرف مصدر ثروتك و تبلغ كم و من اين تمول الفضائيه تبعك. ، او نطلق عليك خوجلي الحرامي
***طماطم ياأستاذ/حسين (ياأبوبراطم) ، حتى الأرض حكومة السجم والرماد الجبانه بدل ماتوزعها للمواطنين ، نزعت أراضيهم وأعطتها للمصريين
***بالله عليك في بلد توزع ملايين الأفدنه استثمار بلوشي ، حكومة الإغراق الوطني همها صار الدنيا ووسخها وتنصلت عن شعاراتها ناكل مما نزرع ونلبس مما نصنع
***المصريين فاقد الأراضي الصالحة للزراعة بمصر حوالي (ثلاثة مليون فدان) في العشرة سنوات الماضية بسبب المد السكاني على الأراضي المحازية للنيل بمصر ، وجات حكومة الإنقاذ وعوضت المصريين بحوالي (أربعة مليون فدان زراعي) بالسودان
***وبالحريات الأربعة مهدت لدخول المصريين السودان وبالتالي مكنتهم من البلاد والعباد … دخولهم سراح ومراح بدون اي اجراءات دخول لا تأشيرة ولا حتى فحوصات طبية وبالتالي انتشار مرض الكبد الوبائي بالسودان (هنالك حوالي 12 مليون مصري مصاب (بفيروس الكبد الوبائي سي) بمصر ، ومنذ دخول المصريين للسودان بهذه الفوضى الرباعية انتشرت الجرائم المركبة والبلطجة والفساد الأخلاقي والمخدرات بالسودان
***حتى مجال صناعة الأدوية ساعدت الحكومة المصريين وأعطتهم التراخيص والأراضي المجانية لإنشاء المصانع المعفية من الضرائب والزكاة ولا حتى رقابة ومتابعة لجودة الإنتاج طباشير ومحاليل وفي النهاية زيادة الأمراض من فشل كلوي وحصاوي وسرطان ، ده غير زيادة الأعباء المعيشية مع اتساع رقعة الفقر وكل انواع النصب والإحتيال
***التبادل التجاري حدث ولا حرج لحوم طازجه مذبوحة من المسالخ وبالطائرات وإلى بطونهم التي لا تشبع مثل جهنم ، نظير خرابيط وكراكيب وحلويات مضروبة وفاسدة وبرتقال معفن ، وطحنية أدنى مايقال عنها مغشوشة
***صارت الحكومة المصريه تعلب لعبة الكراسي مع الحكومة السودانية ..وبين الفنية والفنية تختار وفد وترسله للسودان لمقابلة الرئيس او نايب الرئيس او وزير الإستثمار لكي يخمشوا خمشة قبل مايفطن اصحاب العقول الراجحة لما يفعله السواهي والدواهي وتجار الدين الذين اصابتهم غشاوة واصبح لاهم لهم سوى الدنيا ووسخ الدنيا
اذا صفالك زمانك عل ياضامي … اشرب قبل يحوس الطين صافيها
***ونسوا وتناسوا أن هنالك موت وحساب وجزاء وسؤال عن مسؤولياتهم عن حقوق الرعية فحقوق الرعية على الحكام : أن يقوموا بالأمانة التي حملها الله إياها وألزمهم القيام بها .. المفروض تقوم الدنيا وما تقعد بشأن (حلايب وشلاتين)..الحريات الأربعة (أم المصايب) مرض وزنى وفوضى وجرائم مركبه ومخدرات ***إذلال : لا يرغب المصريين في تطبيق الحريات الأربعة ببلادهم ولن يدخل اي سوداني لمصر إلا عبر الإجراءات الرسمية والقانونية من تأشيرة دخول ، وأنتم تسببتم في جعل السودان بلد فوضوي من الدرجة الأولى عطالة وبطالة وحتى البركة طارت (عندنا بترول وذهب وثروة حيوانية وسمكية وأراضي زراعية)
***ملصوقين في مصر بلصقة تايسون ، والمصريين نظرتهم للسودانيين نظره دونية وأكثر خلق الله كرها للسودانيين وعمرهم ماتمنوا الخير للسودان إلا كذبا وبهتانا وبالتحتيد لحظة حاجتهم لنا وبكلامهم الفارغ ياإبن النيل وياأبو النيل والكلام الماله قيمة والمكشوف الذي لا يمر إلا عبر انسان عبيط وأهبل ..وده للأسف هو تقييمهم لنا (مصلحتهم فوق كل شئ)
***حتى في ذهاب السودانيين لمصر سوى للعلاج او الزيارة او السياحة … طالما هنالك دولارات ستدفعها انت تسوى ، وأتحدى من يقول فلست إنقطعت وساعدوني المصريين ؟؟؟ المصري مستعد يبيع …(كملوا الباقي)… عشان (خاطر الفلوس)
يا أستاذ/حسين..أنا أستاذ جامعي منذ 17 عام وأحمل درجة الدكتوراه في الهندسة المدنية منذ 8 سنوات و وصلت الي درجة نائب عميد بالكلية..هل تصدق ان مرتبي بعد كل هذه الخبرة يصل الفيي جنيه فقط لا غير وأضطررت الي العمل بجامعات اخري فقط من اجل مقابلة المعيشة النار بالسودان..أما الحصول علي قطعة ارض و بناء بيت فهذه لا يفكر فيها الاستاذ الجامعي مجرد تفكير..أعرت الي جامعة ليبية منذ 8 شهور فقط وندمت علي تأخري في الخروج من السودان حتي هذا العمر رغم الفرص التي اتيحت لي..
تدعي ان الضيق في السودان مع الكرامة أفضل من المعيشة السهلة بالخارج مع الذل..الذل الحقيقي يا استاذ هو الفقر..الفقر الذي لا تستطيع معه علاج أبناءك ان مرضو و لا تستطيع ان تعيشهم في مستوي مقبول من الكرامة الانساتية
اما وادعاءك بان الواحد يقعد في بلدو و يزرع طماطم افضل من الغربة فهو ادعاء اجوف و فارغ المحتوي و غير واقعي..المستثمرين الجد الجد يعانو اشد المعاناة من الرشوة و الفساد و الرسوم التي لا اول لها و لا آخر..لعلك لا تدرك ان الدرداقات عليها رسوم محلية و شعبية وبيئة وخلافه وعلي ذلك قس.
نعاني من اوضاع أمنية سيئة في ليبيا و لكن كرم الشعب اليبي و احترامهم لنايخفف أخيرا خفف الله علي السودان والسودانيين و قلب ضيقهم رغدا
[B]كلام الزول دا يا جماعة فيه بعض الحقائق لكن طريقة توصيل الكلام من زول لزول بختلف . اليوم هو قال طماطم انا كنت بزرع في السودان بنتج سمسم بنتج ذرة تتعب طول الموسم حصادك يذهب للبنك وللمشتري يعني الزول التاجر مستفيد اضعاف اضعاف المنتج وربما تدخل السجن وصاحب الحق التعب الوسخ هم الاسبير هم دق العيش وجوطة قطع السمسم والله حصاد السمسم اخير منك ام العروس اليوم في دول عربية والله لا تملك اي شيء من الامكانيات لا ارض ولا ماء تصدر فواكه وخضر وحبوب نحن الدولة دمرت كل شيء انا لفيت السودان واعرف اهله جنس جنس اضرب لكم مثال بمنطقتي نحن ربنا ما حبا منطقتنا بالامطار الاعتماد على الري الصناعي . قريتنا كان يجلس الشباب على حوالي خمسة حلقات وشلل وكل حلقه حسب العمر والله الساحة التي كان يملاها شباب قريتي كانما يوجد (بوش عرس ) اليوم لو صرخت في وسط الحلة ما تلم ثلاثة شباب السبب الذي لا يعلمه استاذ حسين طبيعة السودان من منطقة لمنطقة تختلف في مناطق لا تحتاج لجهد من الشخص لكي ينتج ويكون اغنى الناس نحن الهدام دمر اسر دمر بيوت هجر بيوت قرى باكملها هل في دولة التفتت لمواطن من وين ناكل ونشرب الارض الهدام اخذها بكل ما فيها والله جناين برتقال تباع بملايين الهدام اخذها قضية السودان غالب المثقفين لا يعرفون تضاريس الوطن هذه هي مصيبة السودان الزول الملم يتم ابعاده نحن نريد المثقف يكون يعرف ارض السودان من اقصى الغرب الى اقصى الشمال جنوبا شرقا بدون مسح حقيقي للمثقف او الموظفين حناكيش والله لو كنت مسؤول اي وظيفة زي مدير عام بنك السودان وزير المالية وزير الزراعة والله زي الوظائف دي لو ما زول لف السودان دا لامن حفى قدماه لن يجلس على كرسي [/B]
[SIZE=7]وحات جضومك الكبار ديل وايدينك التخاااااااااان ديل ولقمك الكبار السمان ديل وكرشك المتدلللية دي ده كلام اتقال تزرع طمام وتربي غنمايتين وتفضل تعيش كده [/SIZE]
لو تفتح عمل الشيطان او لو دي زاتها المضيعتنا ، او دا كلام في كلام .
لو تفتح عمل الشيطان او لو دي زاتها المضيعتنا ، او دا كلام في كلام
ياجماعه أنتو مالكم هايجين كده الزول دا كلامو فيه كتير من الحقيقة فالعز أهل ووطن الغربه مهما توفر فيها من الراحه فهي زل وازلال خليكم واقعيين المغترب يجري ويلهث ًويمرض وعندما ينظر أمامه يجد كل جميل بقي ماعندو طعم وبقي يحمل المرض والهم ولاقادر يقعد في الغربه ولا قادر يرجع بلدو
مع الاحترام للأستاذ حسين خوجلي لكن الطماطم ذاته جبتو اليومين ديل ناس يفتو بعدم صلاحية الطماطم في البيوت المحمية ،وافتكر يكون فيها مسائل شخصية بين شخص وآخر أدت الي هذا الثورة حول طماطم البيوت المحمية , تعرف هولندا اصغر من الولاية الشمالية بتصدر طماطم لكل أروبا لم نسمع بان طماطم البيوت المحمية سامة الا في دولة السودان المحدودة ( اعني صارت شركة) ذكرتني سجوك الظابط المصري العمل اجتماع مع الرئيس المصري والقال بيعالج الإيدز والسرطان بالسجوك . الله يهديكم .لو كان بتخلونا نزرع طماطم ما كان طلعنا من البلد
[B]لا تبتعد عن هموم الغبش يا حسين انت ابن هذا الشعب ارجو ان تعيش الامه وهمومه هل 10 مليون سوداني خرجوا ( سنبله سااااي ) لا يغرنك طيب العيش الذي انت فيه وتنسى انك من اهل الراي فاهل الراي يحسون الام الناس ولا ينظرون اليهم من ابراج الطائف[/B]
اللي إيده في الموية ما ذي الايدي في النار
هو الزول ده ما سمع المثل البيقول : الغني في الغربة وطن والفقر في الوطن غربة
وغير كده يعني الناس لقت طريقة تعيش في البلد وإتغربوا
صلحوا البلد والناس كلهم حيرجعوا ذي ما حصل قبل خمس سنوات لمان إقتصاد البلد إستقر شوية بس كثير من المغتربين عادوا للبلد بس بعد شوية رجعت حليمة لعادتها القديمة وهم رجعوا أيضاً لاغترابهم .
[SIZE=5]الا تدرى يا حسن انت احد الاسباب الاساسيىه للاغتراب عندما هجمت علي بنك فيصل الاسلامي ومضاربات وسلف من غير ضمانات وتجارة في العيش والفحم وكنزتم الميارات وجوعتم الشعب السوداني وضاربت ود الجبل في الاستدانة وامتلاك العقارات وافسدتم الذمة السودانيه وقبضك بواسطة الشرطة والتحلل الذى ابتدعته انت منذ عشرات السنين كله يصب في خانة السودان كالسيف عند جبانة والمال عند بخيله لم تتركوا فرصة للاستثمار الحقيقي وارجعتم اقتصاد السودان الي الخلف دور لمضاربات كانت في كل شيء وجاي اليوم تقول الناس ما تغترب وفلسفة وقلة ادب من اين تحصلت علي المال لو لاالسرقة والنهب من البنوك تحت مسميات مشروعة والله الذى لا الله الاهو انت افسد فاسد في السودان ومنك انتشر الفساد في السودان حتي ضاقت الحياه علي كل الشعب السوداني يا حثالة .[/SIZE]
[SIZE=5]Home is where money is[/SIZE] .
طيب زرعته الطماطم ومانجحت
والغنمايتين سرقوهم ولا،،،ماتوا أها،،، شن بسوي؟
كلام إنشاء لايمت للواقع بصله انت يا حسين مثل أفلاطون تتحدث عن المدينه الفاضله مدينه في الخيال لا ارض الواقع /// لقد اقتربت منذ 1997 ولم يكن الهدف شخصي الربي غني مات وازرع حيضان جرجير // السبب الأساسي لمساعده والدي في تربيه إخواني ودراستهم فهل الغنيمات والحيض ان ستمكنه من ذلك (((( برنامجك مشاهد فالرجاء عدم حشوه بهذه الترهات
[SIZE=[COLOR=#0018FF]7]لك لله وطني المكلوم,اسال عرابي الانقاذ عن الخرزج القسري لكل الفئيات المغلوبة علي امرها,وهذا التنظير لن يجدي نفعاً لانك لمتجرب العوز والمسغبة
لكم الله غبشنا المكلومين[/SIZE[/COLOR]]
وانا أكرم لي وأفضل لي ان أعيش شحاد خارج السودان أحسن مائه مره ان أكون مليونير في السودان..بلد ظالمه بدون عدل بدون انسانيه.الفشل هو العنوان الأساسي لكل تجربه وادمان الجهل هو الواقع المعاش والموجود الان….
السلام عليكم ورحمه الله الأخ حسين شكرًا علي كلامك صحيح المرق من دارو قل مقدارو ما في شك في ذلك لكن يا سحس 99.9 من الذين ارتضوا الهجره لكي تظل أمهاتهم و اخواتهم مستورات وتنعم البلد من تحاويلهم قبل ربع قرن البيت كان بيعولو شخص واحد مهما كان عدد أفراد الاسره يبقي حالهم مستور اما الان فان عمل كل أفراد الاسره بالكاد يعدي شهرهم وهم غير مديونين . خرجت من السودان قبل تسعه عشر عاما لامريكيا وعملت منذ خمسه عشره عاما في واحده من اكبر الشركات بعد حصولي علي درجه الماجستير و رجعت السودان بعد ان استطعت ان اشتري شقه كبيره تسعني واسرتي بدلا من اشتري قطعه ارض ملياريه وأمضي بقيه عمري في بناءها أردت ان أستفيد من الكاش المعاي و استثمرو اتجهت للزراعة و ما ادراك ما الزراعة الموضوع ليس بالسهولة التي تتصورها فرجاءا حتي نستفيد من موقعك الإعلامي بوركت ان سلطت الضوء علي مشاكل الزراعة هو المزارعين من ارض الواقع وطرح الحلول بأعين المزارعين وليس الحكومة او البنوك او المستثمرين
اريد أيضاً ان أفيدك الشركة التي اعمل فيها كرمتني اكثر من مره مع أني اكثر الموظفين فيها إصرارا علي رأي و رغم المشاكل الكثيره التي مرت علي في الشركة خلال هذه السنين الطويلة لم يهينني احد إطلاقا ولم أذق والحمد لله طعم الذل فيها إطلاقا وأستطيع قول الحق ولا أخاف الا الله
شكرًا الأخ حسين
ههههههه والله حسين خوجلى لقيت الرجال ماتو فى كررى وقاعد تتجدع فى جيل شيل البنبر وشيل جواللك واقعد تحت الشجرة واكتب تعليق .. ليك .. اسع تلقاك بتقراء فى فى التعاليق وبتقول ناعمين انتو يا كدايس نحن بناكل فى حقكم عينك يا تاجر فى خشن يقدر يفتح خشمو. الاجابة مافى يا اسد
أنظر حولك وأعمل زيارة ميدانية لمزارعى البصل وستحمد ربك الذى عافاك مما إبتلاهم به ..
[FONT=Arial][SIZE=4][B]الا تدرى يا حسين انت وأمثالك احد الاسباب الاساسيه للاغتراب ، وإذا كان قلة الأدب وقعدات الليالي الحمراء التي تم قبضك ومن معك بواسطة الشرطة تعتبر كرامة فهنيئا لك بمثل هكذا كرامة . و اليوم تقول الناس ما تغترب وفلسفة وقلة ادب ، أترك المغتربين في حالهم وخليك في حالك مع الغنج والتغنّج والمغنّجات ، والمغتربين أشرف منك ومن أمثالك لأنهم إرتضوا بمشقّة الغربة لعيشة كريمة علي عيشة الذّل والغفلة التي تمارسها أنت وأتباعك من الغافلين إلي أن انتشر الفساد في السودان حتي ضاقت الحياه علي كل الشعب السوداني .[/B][/SIZE] [/FONT]
الغقر فى الوطن غربة…..والفرش فى الغربة وطن
الي الراعي خوجلي عندك الغنمايه بكم وهات 1كيلو طماطم انت عارف المفترض مشروعك العالمي دا تتاجر بيهو في قناتك دي وأنا واحد من زباينك يا مكنسه أسف للأخطاء الإملائية اقصد مزبله
ما في حد يصدقك يا حسين خوجلي انك قاعد تعارض و تنتقد الحكومة، يا ترى لو في واحد غيرك مش من الجماعة يقول زي كلامك اللي بنسمعه كل ليلة كان استمر لليوم؟انحنا مقتنعين بيك إنك راجل وناس و بتاع قصص و برامج وثقائية في الفن و الفنانين و بس ، السياسة و المعارضة للحكومة الحالية مش حقتك مهما اتكلمت ما بنصدقك . فرجاء خليك في برامجك و ونساتك الممتعة و خلي السياسة لي ناسها!!