منوعات
ارتفاع نسبة البطالة إلى (19.1 ٪) وحوالي (31) ألف هاجروا مطلع العام الحالي
وذكر “الطاهر” أن نصيب المملكة العربية السعودية من المهاجرين السودانيين بـلغ (78904) في العام 2013، واصفاً إياه بالأعلى، تليها دولة ليبيا بــ(11649) والكويت بــ(2492) وقطر(2035) والإمارات (1768) وسلطنة عمان (376)، وأن جملة (6945) طبيباً ومهندساً هاجروا للسعودية بجانب (36883) لأعمال الرعي والزراعة، لافتاً إلى وجود مهاجر واحد إلى بريطانيا، حسب المسجلين رسمياً لدى إجراء استخراج خطابات (عدم الممانعة) للسفر.
وأشار “الطاهر سليمان” إلى أن جملة مكاتب الاستخدام الخارجي المسجلة تحت أروقة الوزارة بلغت أكثر من (350)مكتباً، مشيراً إلى أنهم يداومون على مراجعة تلك المكاتب باستمرار.
محمد جمال قندول: صحيفة المجهر السياسي
ي.ع [/SIZE][/JUSTIFY]
اها يا السيد وكيل وزارة العمل.ديل خلو ليكم البلد ترعوا فيها زي ما انتو عايزين.والا كمان حا تلاحقوهم في اماكن هجرتهم.
يــــا ريسنا عملتها ظاهرة
سير سير ودتنا اﻻخره يا ريسنا
حكومتك خاســـــــــرة
طلب الفول بي خمسة جنية يا
ريسنا عملتها ظاهــــرة
مؤسف جداً يبقي مصيرنا بين
التاجر وبين حكامـــــــــو
ويبقي الواحد كلو طموحو يلقي
قروش تكفيهو طعامـــــو
وتبقي اللحمه وكل أخواتها مرة
ومرة تزور أحﻼمـــــــــو
يجري يساسق ليلو ونهارو ومن
الجوع الشفــع نامو
أقوي مصيبة نبيع أخﻼقنا يوم
تتمد اﻹيد الطاهــــــــــرة
ويا ريسنا عملتها ظاهرة
عشانك باع الناس ماضيهم وقفو
معاك في الصف اﻷوحد
ورفعوا معاك أشعار الثورة نأكل
فته خفافاً نرقد
وبيك يا ريس بعنا قيمنا وناس
من وطن العزة بتشرد
ناس من وين أتباعك جنوو
وناس من كتر الحاجة بتشحد
وناساً كان بتفك الحيرة
جاية الليله تكوس الجابرة
يا ريسنا عملتها ظاهره
في جبروتك ضاع الشايب ضاعو
شبابنا وضاع الشافع
والمفطوم يا دوب تلقاهو قاصد
السوق يا ريس طالع
يمكن يساعد أبوهو العاجز يبقي
الشافع راجل نافع
وشوف أوﻻد السادة القدوة
أسال طه وأسال نافع
يمكن بينهم تلقي إجابة أصلو
البينكم دايماً عامرة
ويا رسينا عملتها ظاهره
شعبنا طيب طيب جداً هدمت
صبرو قلوب عميانة
البترول الطالع بدري كان تدونا
ولو جركانة
يمكن كان يا ريس نسكت وأصلو
طموحنا بيسط بأمانة
نأكل نقرأ ونلقي عﻼجنا لو
أجسامنا بقت عيانة
جبيبو قروشنا الفي ماليزيا من
أموالنا بقيتو دكاترة
ويا ريسنا عملتها ظاهرة
كم من أسره قويه وأمنا معاكم
غرفت معني الفاقا
رب اﻻسره عشان ما موالي
جوه السوق اتشاقا وﻻقا
ولدو الواحد في سنة تالتة وبنتو
المؤمنة راقدة معاقا
خفف ولدو عليهو هموموا ساب
المدرسة ساق درداقا
عرف الواجب من سنة تالتة
ساعد أمو الراضية وصابرا
ويا ريسنا عملتها ظاهرة
قال يس لو فاطمة سرقت في
معناهو بيقطع ايدا
صلي الله عليه وسلم في اقوالو
معاني سديدة
ود النائب ليهو حصانه ولي زول
تاني عقوبة شديدة
والقانون في حقنا بمشي وفي
حضرتكم حاجه بعيدة
بس من أين بنيتو طوابق ومن
ماهية بقيتو جبابرة
يا ريسنا عملتها ظاهره
كنا بنحلم بيك نتلملم ويبقي
وطنّا دا عالم تاني
صحة وموية تجينا نقية والتعليم
يصبح مجاني
التعليم بقي كلو قبانه حق
الحصة جير ومباني
تقرو وﻻدكم في أمريكا وبرضو
تقولو الشعب اناني
عشانكم هاجر عمي محمد
خالتي عواطف بكره مسافره
ويا ريسنا عملتها ظاهره
ساكن في الحي الوراني جاري
جنوبي و جار قرعاني
و الدكان حق الفوراوي وكان
أدروب في الشارع التاني
نأكل في صينية كبيره نعيش
نتقاسم أحلي معاني
وفي اﻷفراح نتكاتف نحنا وعند
الباب تتﻼقي صواني
قمنا ربينا علي عاداتنا وماها
غريبه علي السوداني
وإيدكم جات للوحدة بتبتر هيا
الناهيه وهيا اﻷمرة
يا ريسنا عملتها ظاهرة
بس لﻸسف الحال إتبدل في
أيامكم يا للحسرة
الصينيه خﻼص إتكسرت نسينا
دقيق العيش والكسرة
أصلو سيادتك مافي طريقة
نقوم النجمع ونرجع بكره وهم
الجار بقي كلو العيشه
وهمنا نحنا مواجع تبرا
ومن الضيف أصحبنا بنخجل جوه
البيت ما فيش تمره
ود الوالي فﻼن في لندن ومن
أموال الشعب بيقرا
وكم من شاطر ساب مدرستو
وكيف بالجوع يا ريس يقرا
وكم عيان ما ﻻقي عﻼجو
ومن الهم عينيهو مساهرة
يا ريسنا عملتها ظاهرة
نحنا الخوف والله ما هيلنا نحنا
حماة سودانا ونفرو
ونحنا العزة الفينا قبيلة وما
بنخاف سلطانا وخفرو
نحنا اخترنا نعيش حيرة نكفي
الناس الظلم وخطرو
نحنا أعز نبينا نعبد الله
ونرضي بقدرو التهديد ما بهد
إصرارنا والتعذيب ما بنفع أسرو
أصلو الموت حقو شهادة وكل
الناس ح تركب قطرو
أسرع قبل المد ما يشيلك وليك
تتمد الموجة الهادرة
يا ريسنا عملتها ظاهرة
خلي الناس في حاﻻ وأرحل
أوعا تزيد الطين في البله
شوف قذافي الفات الدنيا وما
شال غير أحقاد و مذلة
وحسني الفارق مجدو القابر
وكل تاريخو رماهو في سلة
وصالح صالح نفسو وغادر
وتونس ربحت فيها القله
بكره أكيد بشار ح يرحل سوريا
تكون في أعظم حلة
أرحل قبل الفرصة تفوتك شيل
أتباعك وكل الملة
خلي الجوع والمرض الفقري
بنقدر نحنا نداوي العلة
ما اﻹنسان من ربو مكرم كيف
ترضاه معاك يتذﻻ
ومهما يطول العمر قصير يا
ريسنا سريع اتحلحل
أرحل سيب سودانا بخيرو واوعا
تفرق ناس الحلة
بكره نموت وتموت ياريس
وسيبنا في حالنا وخاف من الله
مهما يطول العمر قصير يا ريسنا
سريع اتخﻼ
ما اﻹنسان من ربو مكرم كيف
ترضاه معاك ايتذﻻ
أرحل سيب سودانا بخيرو و اوعا
تفرق ناس الحلة
بكره نموت وتموت ياريس سيبنا
في حالنا وخاف من الله
بكره نموت وتموت ياريس سيبنا
في حالنا وخاف من الله