كوش نيوز .. أخبار السودان بين يديك

الميرغني يحول نيران بندقيته بكلمات كالرصاص ضد بعض معلقي الانترنت في الخرطوم ودول الخليج العربي واوروبا واميركا ويقول لهم: موتوا بغيظكم



شارك الموضوع :
شن إبراهيم الميرغني القيادي الشاب بالحزب الإتحادي الديمقراطي(الحزب العريق في السودان)هجوماً عنيفاً على بعض رواد مواقع التواصل الإجتماعي المختلفة وذالك على خلفية إنتشار صورة له وهو يجوب مرابيع البطانة شرقي السودان ،

وظهر في إحدى الصور وهو يحمل غزالة من صيده بينما نشر عشرات الصور الجميلة والمدهشة عن الخريف في السودان نالت إعجاب غالبية زوار مواقع الإنترنت في السودان والعديد من الدول .

وقال إبراهيم الميرغني بحسب رصد موقع سوداناس (ينما نشد الرحال من ( الصباغ ) قاصدين وادى ( الرويان ) فى صحبة نفر من كرام (البوادرة ) لنلحق ( السعية ) فى نشوقها نحو الشمال ونحمل ( للأبالة ) بعض ما يعينهم على إستكمال رحلتهم المضنيه في ربوع وسهول البطانة شرقي السودان،

وصلتنى الصورة مع التعليق أدناه وعرفت أنها إنتشرت فى الأسافير وخاض في التعليق عليها جنيات ( الخرتوم ) وجلاس شارع النيل وكثير من ساكنى دبى والرياض ولندن وبوسطن وباريس ..ضحكت قليلاً وحزنت عميقاً ورثيت حالهم).

وواصل المتحدث الرسمي بإسم الإتحادي الديمقراطي إبراهيم الميرغني قائلاً

(فى شان ترحالنا فى ربوع سوداننا الحبيب فنعم قطعناه طولاً وعرضاً من هضاب البجا الى مضارب الميدوب ومن تخوم السكوت والمحس إلى أحراش الزاندى واللاتوكا والفرتيت وتسفارنا هذا لو بسطنا لكم دواعيه لما إستوعبته مخيلتكم سجينة كهوف الأسمنت بل ربما ساقكم تصوركم السطحى عن السودان الى ما هو أشنأ).

وبخصوص صورة الصيد التي إنتشرت حول الميرغني نيران بندقيته الألية لكلمات كالرصاص رصدها موقع سوداناس، قائلاً (فى شأن الصيد الذى ترونه ترفاً فربما كان مكوثكم الطويل عند عربان الخليج وإحساسكم بالقهر نظراً لما ترونه عندهم من مظاهر الترف والدعة متناسين أنه إرث أبائكم وأجدادكم رغم بساطة الحال إلا أن الرجل السودانى الحق لا يتخلى عن بندقيته وصيده).

وأورد الميرغني شعراً للخليل جاء فيه(للقنيص الخيل خف راسن ونحن ما بنخاف من مراسن المجاهل مين غيرنا ساسن والمكارم غرقنا ساسن ).

ودعا القيادي ابراهيم الميرغني شباب السودان للخروج من ضيق المدن والتعرف على فيافي ومناطق السودان المختلفة وممارسة هواية الصيد الممتعة.

وأضاف الميرغني رد قوي للذين إعتبروا الصورة تستفز جماهير الكادحين حيث قال(ما أخال الصورة إلا إستفزتكم أنتم فهم كانو معنا وكنا بينعم نقاسمهم حياتهم فى نجوعهم ووديانهم وفرقانهم إلا إن كنتم تحصرون السودان فيكم أنتم وفى نمط حياتكم فهذا شانكم وموتوا بغيظكم وسنظل نجوب السودان ونحب السودان كما نعرفه نحن لا كما تتخيلونه أنتم بين جدرانكم المصمتة).

وزاد الميرغني تصويب نيرانه عبركلمات قوية(لا يعنينا لومكم ولا التبرير لكم فنحن مدينون للذين طوقونا بكرمهم ونبلهم وصفاء نفوسهم لكننا بالقطع لسنا مدينون لكم بشئ والولد البخاف من القبيله تلومو يخلف ساقو فوق تيساً سنين قدومو).


سوداناس- حافظ العبادي
[/URL]

شارك الموضوع :

27 التعليقات

إنتقل إلى نموذج التعليقات

      1. 1

        [B][SIZE=4][FONT=Arial]انا اعتبر ردك هذا سقطة ، لانو لو سكته اكته تكبر في اعين الناس اكثر واكثر
        [/FONT][/SIZE][/B]

        الرد
      2. 2

        انت كان راجل وولد راجل شيل سلاحك وادخل دواس .

        الرد
      3. 3

        هييييع ….رد قوى والله…عافيت منك

        الرد
      4. 4

        دا راجل تسابيح ولا زول تاني

        الرد
      5. 5

        الزول دا قايم ريش كدا في شنو ؟ ما كل السودانيين بيطلعوا الصيد ! وفي ناس بيستضيفوا خلايجة يطلعوا معاهم الصيد ، الجديد والغريب والمثير شنو في الموضوع ؟ وطالما أنك من عامة الشعب زي ما بتقول ، قايم فينا ريش ليه ؟ عادي جدا حتى ملابسك وعربيتك عادية ،، الله يشفيكم من حب الظهور ،

        الرد
      6. 6

        الحقيقه أن هنالك كثير من الناس لا يستحقون ألا مثل هذا الرد .

        الرد
      7. 7

        [FONT=Simplified Arabic][SIZE=4]جميل أن يخرج الشاب الأنيق إبراهيم الميرغني إلى ربوع السودان وليس هذا بمستغرب منه ولا من سواه فالخروج إلى الطبيعة شيء جميل ومرحب به وانتشار صور الجمال من ربوع بلادي مدعاة للفخر فقط الذي يستهجنه الناس باختلاف أفكارهم وثقافاتهم و القبيح حقاً في هذه الصورة هو قتل الحيوانات البريئة الجميلة في بيئة تعاني من اعتداء الإنسان عليها بشتى الطرق فلم تسلم البيئة من الرعي الجائر ولا من الحرق المستمر للأشجار بغرض الحصول علي الوقود ولا كوارث الحروب الأهلية التي أرهقت البيئة والحياة البرية بسبب انتشار السلاح وكأن القتل الذي عانى منه المواطنين السودانيين وفي مقدمتهم القوات المسلحة لا يكفي فكان لابد من قتل الحياة البرية أيضا وعلي الأخ الحبيب ود الميرغني أن لا يلوم السودانيين في بلاد الغربة فأغلبهم عانى من الويلات التي جرتها عليهم أحزاب السودان المختلفة من حروب في صراعاتها التي لا تنتهي فلا يوجد حزب واحد لم يرفع السلاح في وجه الآخر كل الأحزاب قتلت كل من وقع في أيدهم في ساعات الخلاف و في أذهانا الذين ماتوا منذ الاستقلال وإلي اليوم هذا الذي أسهمت به الأحزاب من أجل رفاهية الشعب السوداني فكان ما تراه اليوم من خروج للسودانيين للعمل أما قولك سيدي للمغتربين ( مكوثكم الطويل عند عربان الخليج وإحساسكم بالقهر نظراً لما ترونه عندهم من مظاهر الترف والدعة إلي آخره ) عليك سيدي الشريف أن تعلم أن الاحترام الذي تحظي به في السودان ووسط أهل السودان البسطاء مصدره الوحيد هو انتمائك لعربان الخليج هؤلاء ولو لم تكن منهم لما كنت أنت ما أنت عليه فنعم الخليج ونعم عربانه وأبشرك والله أننا لا نعاني إلا البعد عنكم ولا يوجد سوداني واحد يشعر بالقهر بسبب أن شخصاً آخراً منّ الله عليه بنعمة ما فليس هذا من أدبنا مع الله ولا من تربيتنا التي تعلمها جيداً فأنت من نفس المدرسة فلماذا نعاني ونغضب هل لأن الله قدر علينا رزقه مثلاً أم ماذا تقصد وأنت تعلم أن أكثر خلق الله زهداً في هذه الدنيا هم السودانيين كل الذي يتمناه العقلاء أن يتخلى الناس عن السلاح ويتركوا هذه الحيوانات الجملية دون أذى ولتعرف حبنا للطبيعة أهديك شرح لمسدار الصيد تجده منشور علي المواقع وعزائنا الوحيد أن الغزالة في الصورة كانت حيه و لك العتبى حتى ترضى [/SIZE]

        [/FONT]

        الرد
      8. 8

        مابدرى ياخليفة السودان مزرعة المراغنة وال المهدى ودخل عليهم الترابى وجماعته اشبه بباكستان ال نواز شريف والهند ال غاندى بس شتانا مابين الهند وباكستان والسودان

        الرد
      9. 9

        لو سافر وقى اجازه في القاهرة او لندن او دبي ما حيسلم من النقد ولو قضاها في ربوع بلده براكم شايفين الحاصل..لو قعد في بيتهم ح تقولو وجوده زي عدمه.لو تحرك برضو ما بيعجبكم؟؟؟؟؟
        الراجل باين عليه راجل مغوار(شوفوا ساعده ومسكته للبندقية)
        عشان كده أقول لك يا إبراهيم تمتع وترفه وعيش حياتك ولا تنسى تقوى الله

        الرد
      10. 10

        كل مؤهله انه من آل المرغني الدمروا السودان ……. بالله قوم ***

        الرد
      11. 11

        [B][[SIZE=4]FONT=Times New Roman]للاسف الشديد ان لم تكن ود المرغني كنت تكون الان صايع زيك وزي اي صايع … نحنا في الغربة بشهاداتنا وبثقافتنا وبقروشنا بعرق جبينا . ما ورثنا ولا تدلعنا ولا تربينا في بيوت الخدم ولا اكلنا المحمر ولا المشمر … نحنا ابناء السودان الطيب الحبيب … خرجنا وتركنا اهلنا من اجل ان نكد ونتعب ونربي ابنائنا بعرق جبينا وتعبنا . استمتع انت بحياتك مع من تكون ولكن تذكر بانك لا تملك شي في حياتك يخصك انت شخصيا غير انك ود المرغني … اتحداك ان تعلنها الان علي صفحات المنتديات ان كنت تملك اي ورقة اي شي يثبت انك تعلمت وتخرجت … نحنا لا نموت من الغيظ يا ود المرغني لاننا نعرف بانك فقيرا علميا وغنيا ماليا …[/FONT][/SIZE][/B]

        الرد
      12. 12

        على الطلاق تلاته اااجنا ردك نجيض

        الرد
      13. 13

        لازلت مستغربا من استمرار هذا الشخص النكره. في هذا المكان لأيام متتالية ولكن أظن ان وراء ذلك مقصد خبيث
        لقد نجح هؤلاء المأجورين في صرف نظركم عن قضايا البلد الأساسية وجعلوكم تتجادلون في شئ تافه، مثل الجدل عن لهو هذا المدلل الذي لا أتذكر انه كان معنا في جامعة الخرطوم ولا معنا عندما دفعت بنا الخدمه الإلزامية. للعمل في الاستوائية في عز ايام التمرد عندما كان أهل هذا المدلل يتآمرون مع المتمردين ضدنا وضد أهل البلد الذي يدعي هذا كذبا حبه لهم وكل قرش يصرفه في رحلته هذا من عرق جبينهم وملطخ بدماء أبرياء منهم
        وكذلك لا اذكر ان رأيته في لجنة الاختيار لاهثا وراء وظيفه يأكل منها بالحلال وكذلك لم اره عندما اكرمني الله وحضرت الى هنا عندما تخرجنا من الكلية الملكية
        لقد أصاب الفقر جل السودانيين يا أيها المدلل ولكنك تحسبهم أغنياء من التعفف ، لا يشحذون ولا يسرقون كما يفعل هؤلاء ولا يغتاظون لأن مثلك يتعجن ويبدد حر مالهم في لهو ويظهر مزهوا بنفسه في كل مكان ، وبل و يشعرون بالشفقة عليك ويدعون الله ان يشفيك.

        كل من يعيش في الخارج يقسم لقمته ليأكل قريب له او صديق او جار في السودان لأن هذه الحكومة القائمة هي للأغنياء فقط اما الفقراء فقد تركوهم للمنظمات التبشيرية وعنهم ماتوا وإلا حيوا وإلا حتى كفروا
        ياخي اسكت بس
        كلنا مغبونيين وحتى غالبنا التمتع بأي رفاهية في الخارج ونحن نعلم أهلنا في السودان محرومين، رغم اننا هنا نتمتع بكل حقوق المواطنه ونعتلي اعلى درجات السلم الوظيفي ، لأنه لا يوجد شئ اسمه الواسطة او ود سيدي بل يتم تقييمك بأدائك وشهدادتك وكفاءتك
        فهمت يا ود سيدي
        وهذه اخر مره افتح خبر تذكر فيه لأنك ليس من ضمن اهتماماتي

        الرد
      14. 14

        يا ناس كدي زول يقول لي انتوا السلاح بقي مشتت كدى في السودان اي زول شايله؟
        المناسبة شنو ألبتسمح ليهو يشيل سلاح الي ، ده ناطق رسمي ولا مصارع رسمي
        السلاح دة مرخص؟
        و لا ده من سلاح المليشيات . و زي ما قال ود المهدي قبل كده و في التلفزيون القومي و سمعتها باضاني انهم كانوا بيدربوا مليشياتهم في ارض البطانه و كان عاوزين يفجروا المناطق الحيوية في الخرطوم و في الاخر بقي مساعد الرئيس
        الظاهر دة مشروع مساعد رئيس تاني نسخة ميرغنية
        يا خوي قالوها زمان العسكرية ما بدلة و قدلة
        و السواي مو حداث
        دحين اخير توقف الفيلم الهندي ده

        الرد
      15. 15

        [B] سؤال اولا الزول دا قبل يومين كنت اتمنى لو في مسؤول حماية برية شجاع يتحدث معه الامر الاخر قام بتغيير نوع البندقيه وعضلات . بكرة بيركب كروزر مع دوشكه وهكذا اصلا كل الناس عبرت نهاية الكلام انا لا الوم الزول دا الوم مؤسسات الدولة لا توجد مؤسسات تحاسب البلد فوضى . اذا كان الكفار يحاسبون رئيس جمهورية اذا اخطأ بينما نحن ولد زول سياسي زيه وزي عامة الناس فقط يقال ولد سيدي علي . [/B]

        الرد
      16. 16

        اعجبتنى تعاليق كل من ود البلد والحردان قمة فى النقد الهادف

        الرد
      17. 17

        مدين للذين ضيفوكم في البوادي يا اخي ما تقول ضيقطوا عليهم مساكين قاعدين في خلاهم وتجوهم سيدي جاء وسيدي قال والاخ طلال قال موالكم من مال التبرك في المزارات يا اخوانا ما تخافوا الله من قروش مزارات يشتروا ليلي علوي وبدون لوحات وبعدين تقول الناس قاعده في الخليج وسط الترف وما عارفه عن الوديان يا اخي انحنا من الوديان ذاتها ومن حدود الدندر مع الحبشه تقول لي انت بس الشايف الوديان وجديده عليك بعد ما زهجت من فنادق لندن وباريس اللي الان بابا والسيد جعفر الطيار (كل يوم راكب طياره مسافر ما اقصد جعفر الطيار حق الجماعه اياهم)..

        الرد
      18. 18

        [FONT=Simplified Arabic][SIZE=5]قصيدة الغزال مهداه لود الميرغني
        صوته سليلٌ يصدح بالغناء
        حراً في بواديه ما عرف البرحاء
        يرتاد المراعي مرحاً في طلق الهواء
        ما ناله منها نصباً ولا داء
        بعد أن أعتقته جوارحٌ تكن له العداء
        لرِزقها فيه وكانت عليه ابتلاء
        أظافرها أنيابها كصارم مضاء
        فنجا منها ونال البقاء
        فكان هلاكه بسلاحنا فبئس الجزاء
        ما أشبعتنا النعم من دان وناء
        ولا الأَظعانِ ولا مسفوح الدماء
        فذبحنا الجمال لبعض لحم وحساء
        فبتنا أغبي من وطأ الغبراء
        ****
        هذا الذي بجماله كم وصفت نساء
        والحسان كم تمنين عيونه الحوا راء
        وتمنين لو يجدي التمني خصر الظباء
        كم هام بعشقه المجانين والعقلاء
        و حَبَهُ حتى الخريف صادق الأنواء
        كم وكم من قادة حسناء
        حوراء عذارء
        نالت من الغزلان حب الجفاء
        نافرة كأنها ظبية البيداء
        أعيت صيّادها جهد العناء
        فلا نال ما يروم ولا نال هناء
        لأنها طبعها كتلكمو العجماء
        فالظباء في عرفنا محمية من الأهواء
        فأعدل يا مرغني في حكم القضاء
        وأعتق من آمنت بشفيع الشفعاء
        فوفت بوعدها ورب السماء
        وأتت ملبيه نداء سيد الحلماء
        أترك الغزال لأبنه ولا تكن من البخلاء
        إن كان صيده حنكة و دهاء
        فتركه أجر من واسع العطاء
        [/SIZE]

        [/FONT]

        الرد
      19. 19

        انا ما قلت ليك اسكت او ماتتكلم جبتو لي نفسك براك والله الليلة اسلخوك سلخ الغزالة السايقة دي الناس زهجانة من جدودك طلعت لينا انت كمان والله مريم الصادق طلعت ارجل منك خلف القضاب وانت تساكك في الغزلان

        الرد
      20. 20

        ناس بالماجي وناس بلضان ولحم غزلان مفارقات عجيبة شبعتو من لحم الضان والبقر والفراخ/ وين تصديق الصيد من مسؤلين الحياة الفطرية انا اسف البلد بلد جدودك .

        الرد
      21. 21

        [SIZE=5]الابن إبراهيم لك التحيه ,, صراحه أعجبتنى الصور الحميله التى تدل على إحترافيه عاليه ,, وإلمامكم بفنون التصوير ,, وأعجبنى فيك أيضا حبكم للوطن والباديه وخروجكم للتمتع بربوع السودان الجميله ,,والتى حرم منها كثيرا من شباب المدن الذين رضوا بأن يتسكعوا في شارع النيل ,, فلك التحيه والتقدير …ومن لايحب صعودالجبال يعيش أبد الدهر بين الحفر ,, أسجل إعجابى[/SIZE]

        الرد
      22. 22

        يعني انتو صور الميرغني إستفزتكم و كلام حميتدي كان على قلوبكم برداً و سلاماً ؟ على الاقل الصور دي رساله لقائد الجنجويد اكان انت صحي راجل اقلع كاكيك ( المصروف ليه واسطه) و اطلع براك راجل راجل و الله الا الحقكك الغزال يا …يا حمام. و البقول مريم الصادق و را القضبان ؟ انت اطرش و له شنو؟ انت ما سمعت كلُ كلُ انو الاب الروحي للجنجويد عقيد امن بشري الصادق المهدي ؟ يعني كان لحقُها اختى صفيه البلحقها اخوها اآ ( كما تدينو تدان و بينا و بينك الايام). عليك الله يا ود الميرغني لو قامت مظاهرات تاني سليفني بندقيتك دي ( والله مفلس ما عندي قروش اشتري) عشان اوري كلاب الامن البقتلو في الشُفع و النسوان القنص كيف! يا ود الميرغني اقدل زي ما داير طال ما جيشنا ،الجنجويد ملبسنو الطرح، و الله ننزل معاك ننضف البلد من الرجز ولا نامت اعين الكيزان.

        ساكتين لمتين
        ضالين درب الحسين
        فيكم ذل السنين
        ساكتين لمتين
        ما دايرين…
        تقيفو وقفت راجل
        صلب مابلين
        لعبين بيكم …
        باسم الدين
        ساكتين لمتين

        و التحيه لي ابراهيم الشيخ و محمد صلاح (قال مريم الصادق قال )

        و عليك الله اكان ليقت ليك انتنوف و ل تى 52 اطلع بيهم برضو

        الرد
      23. 23

        والله انتو السبب الرئيسي في قيام الحركات المسلحة بالبزخ والترف العايشنو انتم الذين يحسون بمرارة التهميش انتم لا الحكومة

        الرد
      24. 24

        [B]الاخ ابو عفان انت قلت سلاح مليشات وسلاح الزول دا الرخصه له منو السلاح دا هل هذا سلاح صيد ولو فرضنا هذا سلاح صيد هل يحق له قتل الصيد وتصوير نفسه بهذه البشاعه ولماذا قبل فترة تحدثنا عن صور لجنسيات عربية قامت بقتل الصيد من اجل المتعه وهل هذا الود محتاج للحم الصيد هو يريد ان يترفه لكن واكرر لا توجد مؤسسات رادعه لمثل هذا التلاعب قبل ايام صورة للذي يقال له شيخ الامين وهو ايضا يحمل بندقية وسط العاصمة وحيرانه تضرر منهم المواطنون . انا اكرر كلامي وسؤالي اين بسط هيبة الدولة اين القانون الزول دا خلال اثنين صورة ظهر بعدد اثنين بندقيه . اذا قلنا مرخص هل يحق للزول ترخيص اكثر من سلاح واوجه سؤال لمدير الحياة البرية اين انت مما يجري مدير الشرطة اين انت من حمل هذا السلاح ناس سكين في ضراعه بيتم خلعه وهو غرضه شريف يحمله لانه يعمل بمهنة الرعي او الزراعه [/B]

        الرد
      25. 25

        ابراهيم الميرغنى شخصية مختلفة عن بقية المراغنة ووالده الدكتور الطبيب احمد محمد عثمان الميرغنى يعالج ابناء السودان فى مستشفيات السودان مند تخرجه فى جامعة الخرطوم قبل 35 عام وقد عاشرناهم فى كسلا فهم كعامة الشعب والصور التى نشرها عن جمال السودان لاقت قبول لدى معظم السودانيين لكن رده اليوم وتعليقاته على ادا صادره منه نرجو منه الاعتزار عنها لاننا نري فيه قيادة مختلفة وادا كانت مدسوسه هده التعلقيات عليه لتشويه صورته فى اعين الناس نرجو توضيح دلك مع تمنياتنا له بالتوفيق

        الرد
      26. 26

        الزول ده ولدوهو عوير ولا شكلو كده .. (((فى شأن الصيد الذى ترونه ترفاً فربما كان مكوثكم الطويل عند عربان الخليج وإحساسكم بالقهر نظراً لما ترونه عندهم من مظاهر الترف والدعة متناسين أنه إرث أبائكم وأجدادكم رغم بساطة الحال إلا أن الرجل السودانى الحق لا يتخلى عن بندقيته وصيده)) .

        ياخ الناس مالاقين حق وجبه .. ارث شنو ؟ واباء منو ؟ واحساسنا بالقهر والله من اشكالك ديل .. المفترض انكم همتكم واجتهادكم وفلاحتكم دى مفروض تكون في واقعنا مش في قنيصكم وتاريخ جدودكم .. جدودكم ديل ماقصرو كتر خيرهم عملو وعملو وعملو … انتو عملتو شنو ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
        اصطدتو غزلان ؟ شقيتو البطانة باللانكروزرات ؟ زرتو تخوم المحس ؟ اها وبعد داك !!!!!!!!

        اما عن ترحاب السودانيين فهو ليس مخصص لسعادتك فقط ..والله السودانيين ديل من شدة ماكرما الطير والبهايم بيرحبو بيها .. شنو ليك !!!

        والسودانى الاصلى الاهلو مربينو صاح ( مش المراغنة مربنو صاح ) والله لو تجدعو في موية دهب يطلع سودانى وماتفرق معاهو شعره .. نجيب ليك الامين تتصور معاهو صورة تذكاريه ؟؟ ولا عامل مابتعرفو ؟؟

        لك الله ياوطنى .. لك الله ياسودان … ان كان هولاء هم قيادات مستقبلك الضائع في غياهب الزمن الاتى .. وان كان هذا مستوى تفكير من يفترض بهم انهم سيديرون بشر وبلاد في يوم ما ، فعليهم السلام من الان

        الرد
      27. 27

        والله افتكرته من مقاتلى داعش
        هو الغزلان والارانب محتاجه لمدفع رشاش يا حفيد الميرغنى ؟
        انت ما قعد تشوف اولاد البنا بيصطادو كيف ؟

        الرد

    أضف تعليق

    لن يتم نشر عنوان بريدك الإلكتروني. الحقول الإلزامية مشار إليها بـ *

    This site uses Akismet to reduce spam. Learn how your comment data is processed.

    سودافاكس