منوعات
بالصورة: سيدة أعمال سودانية ترتدي ثوب بأكثر من مليار جنيه سوداني !!
إذ يقدر ثمنه بأكثر من مليار جنيه سوداني كما علم موقع ( سوداناس ) ويبدو الثوب الفخم الذي ترتديه إحسان مرصعاً بالماس والزمرد وبعض الأحجار الكريمة .
ويذكر أن إحسان الملك من سيدات نساء الأعمال السودانيات تقيم بمدينة دبي بالإمارات العربية ، وقد ذاع صيتها مؤخراً بما تناقل عن زواج إبنتها الأسطوري الذي تخطى كل الأرقام القياسية كأﺿﺨﻢ ﻭأﻓﺨﻢ ﺣﻔﻞ ﺯﻓﺎﻑ سوداني في التاريخ القريب
إذ ﺑﻠﻐﺖ تكلفة ﺍﻟﺤﻔﻞ ﻣﻦ ﺗﺠﻬﻴﺰ ﺍﻟﺰﻭﺍﺝ وقضاء شهر العسل بجزر الهاواي والمالديف و مختلف البلدان السياحية في العالم أكثر من خمسة مليار جنيه سوداني أي مايعادل أكثر من نصف مليون دولار أمريكي .
سوداناس
اخبار ذو صلةبالصور زفاف سوداني أسطوري يتخطى الأرقام القياسية ويكلف أكثر من نصف مليون دولار !!
[SIZE=5]اكثر نساء في العالم بيحبو الفشخرة والبوبار نساء السودان[/SIZE]
[B][SIZE=6]دى الهى عايزاها وانتو اديتوها ليها وعملتو ليها قومة وقعدة . موسوعة شنو وتاريخ شنو ؟ ويعنى شنو ذاتو ؟؟؟ اها.. خلاص جات الاولى وندى القلعة التانية ووداد بابكر التالتة[/SIZE][/B]
الناس لو قالو ليك ملابسك حلوة أعرف نفسك إنك شخت وعجزت ، بعدين الأناقة في البساطة ،المليار عندها غيرو كتير لو أنفقتة في سبيل الله علي الغلابة كان أولي – يا أخت ناس عبدالله القضيب ماتو بحسرتهم وتحمل المرض لأنه ليس لديه حق حتي أرخص أنواع الدواء
يا أخوانا والله الثوب دا عادي شديد..والحاجات الفيهو دي لا ماس ولا حاجة..كلها مواد لتزيين القماش عادية جدا..ولا تعدو أن تكون زجاج عادي ملون..
ربنا يزيد ويبارك, المال مالهم ولهم الحق في الاستمتاع به كيفما شاءوا ولهم الحق ايضا في حق الخصوصيه, ارجو من العالم الصحفي ان يتوقق عم نبش خصوصيان الناس وشغل المشاطات. سوداناس ما عندها شغله غير التحششر في بيوت الناس.
احسان الملكة لبست التوب ابو مليار
مرصع بالماس والزمرد والاحجار
قاصدة الهليمانة والفشخرة والبوبار
دا كلو ما بنفع مع جضوما الكبار
لا فى زول شغال بالبردعة لا فى زول شغال بالحمار
:lool:
وبعدين ؟؟؟؟ لو بنيتي ليك مسجد لوجه الله ما احسن ليك يابنت الناس “
ما عندها بت تانى …. حجر الصاعقة المخوى حقيقة القادر بسوى
هذا كذب والوجه ليس وجه الخمس مليارات واذا صدق نقول الله المستعان
[SIZE=5]دي خندقاوية جديدة ؟
العام الماضي كان عام الخندقاوي …والآن عام الاميرة بت الملك !!
ومن يا ترى سيظهر لنا العام القادم ؟!
سطوة المال !!!![/SIZE]
اللهم لا حسد.لاكن تكون سيدة اعمال فى شنو مع البذخ ده؟؟!!
اللهم لا حسد اللهم زدها وبارك لها *** ختاما أقول لها لا تنسي الكفن
سيدة الاعمال طبيعة اعمالها شنو ؟؟؟؟؟؟؟؟؟؟؟؟؟؟؟؟؟؟؟؟؟؟
ودا بعدين بتخلي فيالبيت ولا بتحفظه في البنك في الامانات ..
يا بخت الحرامي ان لم فيه يقطعه حتة حتة ويبيع الزبدة
نسوان فارغة
يعنى شنو
الله يزيدك ويبارك لبنتك ويرزقها بالمال والبنين
ويحفظها من كل الحاسدين آمين
العندو القرش يحنن ضنب حصانو
ثمّ ماذا بعد… أليس في ذلك ما يدعو المسحوقين والمهمشين والعاطلين إلى الحقد.. وحفاظاً على مشاعر هؤلاء .. أما كان ينبغي اقتصار هذا البذج الفاجر على ذويهم ومن يشايعهم .. يا ناس نعلم أن الأرزاق بيد الله لكننا لا نريد أن نغبن ونحقد وحالنا مائل وجائل وعطالة وجوع وظلم وتخبط وحروب … وبعد ده أقلهن مهراً أكثرهن بركة.
[FONT=Arial Black][B][SIZE=5]فعلا المراءة لو بقت فأس ما تكسر الرأس ما فى داعى لكل هذا البوبار والفشخرة لو فعلا سيدة اعمال كما تقولين وتعبانة فى هذه المليارات ما كان بتعملى مثل هذا لان رجال الاعمال الذين يشقون ويتعبون ما يصرفون جنية واحد فى كلام فاضي انت شينه وبنتك اشناء منك يعنى مهما عملتى ليها حتكون بنفس الشناه الوهبها ليها الله يعنى ما راح تغيري شيء فنصيحتى ليك ولا امثالك اتقين الله واحمدن النعمة التى اعطاكم الله اياها ولا تبذرن سوف تسئلون يوم القيامة يوم لا ينفع مال ولا بنون[/SIZE][/B][/FONT]
لم يرفعها لأى قدر من الجمال .ثم أين لمحة الجمال التى فيه.
و أخيرا . و بى عربى جوبا، خلاها زى مجنون الكوش.
وبعد ده كل في قبر وفي 4 اسئلة في القبر ربنا يقدرنا عليهم اتقي الله في نفسك ولا تكوني كقارون استمتعي بنعمة المال ولكن تذكري اهلك في السودان منازلهم تحطمت علي رؤسهم لا ماوي لهم ولاجدار يقيهم البرد والحر وانت تتكلمي عن زواج اسطوري وين زوجك اليس برجل رشيد
انشاء تقع فية نار وتاكلو افترا وفشخرة وبزخ
هسع في داعي للبزار دا ؟
[B]قال تعالى: (وَلا تَجْعَلْ يَدَكَ مَغْلُولَةً إِلَى عُنُقِكَ وَلا تَبْسُطْهَا كُلَّ الْبَسْطِ فَتَقْعُدَ مَلُوماً مَحْسُوراً) [الإسراء:29].
وقوله عز وجل: (وَلا تُبَذِّرْ تَبْذِيراً إِنَّ الْمُبَذِّرِينَ كَانُوا إِخْوَانَ الشَّيَاطِينِ وَكَانَ الشَّيْطَانُ لِرَبِّهِ كَفُوراً) [الإسراء: 26-27].
وكذلك قوله جل وعلا: (وَالَّذِينَ إِذَا أَنْفَقُوا لَمْ يُسْرِفُوا وَلَمْ يَقْتُرُوا وَكَانَ بَيْنَ ذَلِكَ قَوَاماً) [الفرقان:67]. [/B]
اي واحدة لافة في دبي يقول ليك سيدة اعمال يسد نيتكم
[SIZE=5]يعنى لو بتها بتكوي فيهو وجاها (واتس)، المليار طار.[/SIZE]
عجيب المانجلك
مركب النقص بيعمل اكتر من كدة
ياجماعة الخير المرأة دى ماعندها بنت أخرى ؟؟
مادام ما من ناس الانقاذ هي حرة في مالها تعمل زي ما تريد
الناس اصبحوا فاضيين ، ومواقع التواصل الاجتماعي دي كلام مشاطات
كل يوم يناقشوا في مشكلة هايفة ولايتناقشوا مشاكل البلد
بالله عليكم سيبو الناس في حالهم
يلبسوا زي ما يلبسوا مادام انهم لم يسرقوا من قوت الشعب السوداني
مبروك عليهم الزواج
بصراحة الثوب سمح لكن … الشماعة قبيحة وقديمة …!
اللهم لا حسد بس المفروض تساعد الفقراء والمساكين في السودان الذين يعيشوون
تحت خط الفقر المدقع
زى ما قال الخواجة طالما في موت اذن مافي فايدة
[B][SIZE=4][FONT=Arial]ما حهقا حرة فيه
وأما بنعمة ربك فحدث
ربنا يوسع عليها ويفتحه علينا
[/FONT][/SIZE][/B]
[SIZE=4]بس أوعة تمشي ليك مناسبة و تجامليهم وتقعدي ليك في حلة كمونية أو كانون جبنة، تقوم تطير ليك شرارة تحرق ليك توبك السمح دا، خليك مع بنات البيبسى والحلاوة. [/SIZE]
دخلت الموسوعه و خرجت من الشبر بخفى حنين .
ياناس ربنا اعطها من حر مالها حسع كان انتو كان عملتو البذخ ربنا يعطي المال ولكن لايعرفوا يصيبو اصحابه في ناس في السودان بيعملوا حفلات بملاين الجنيهات واحد جاب ندى القلعه حفله في الميناء البرى عطبره 25 مليون
الاولى تلبس توب عادي وتتصدق بالباقي للشعب السوداني المسكين وهي تعرف ظروف السودانين (تعمل بيها بار ، مساجد، مدارس ، … الخ)
الهم اهدنا واهدهم يارب العالمين.
والله القلب يسيل مرارة من بعض التصرفات آآآآآآآآآه رضي الله عن عمر بن الخطاب كان لباسه مرقع حين فتح القدس.
قمة التخلف و الجهل
يا اخواننا مسؤلين من الخير …. وين اخونا الحلو يا جماعة اشتقنا ليهو و لي تعليقاتو … اظهر يا الحلو دا موضوع محتاج تعليق مميز ….
حاججني شاب سعودي بجده وقال لي نحن السعوديين نحب الطنقعه (الفشخره) وانتم السودانين بلدكم بها مشاكل واقتصادكم تعبان ومتطنقعين اكثر منا والله لو وقفت مشاكلكم وطلعت خيراتكم تتعبون العالم تعب. وبعد شوفتي لناس صلاح وجمال وخندقه وكردنه ووداد واحسان وندى تأكدت انه على حق
[B]الاهم شيء ان تكون ادت زكاة اموالها تخيلوا زول يشترى عربة بمليار ثوب بلميار الناس دي زكاتها بتمشي وين ضرائب بتمشي وين [/B]
[SIZE=5]ماهو نشاطها في دبى؟؟ وكيف وصلت لمثل هذا الثراء الاسطورى ؟؟؟ والسودان يعد من افقر دول العالم ! وبه من يشترى ثوب واحد بمليار جنيه !! حكم والله !! لوتذكرنا الموت هادم الملذات !!!![/SIZE]
طلال كلامك ميه ميه
دى الطلعت من البحر و عملت فيها جنيه و كانو جايبين واحد روسى عشان يرسم على جسمها بطريقه انو الالوان ما تتمسح فى المويه
الشغله دى قالو وراها ناس كبار
[COLOR=#FF002E][SIZE=5][FONT=Simplified Arabic]ما شاء الله وتبارك الله، ما دام الله أداها ليه حاسدينها، قال الله تعالي” الْمَالُ وَالْبَنُونَ زِينَةُ الْحَيَاةِ الدُّنْيَا ۖ وَالْبَاقِيَاتُ الصَّالِحَاتُ خَيْرٌ عِنْدَ رَبِّكَ ثَوَابًا وَخَيْرٌ أَمَلًا” صدق الله العظيم.
أولا : لها الحق أن تستمتع بما وهبها الله، ولها الحق في أن تغدق على نفسها وزوجها وأبنائها وبناتها.
ثانيا: انشاء الله تكون عون كبير لفقرائنا في السودان، وياريت تخصص ليها جمعية خيرية بصفة منظمة يكون فيها باحثون اجتماعيون وباحثات اجتماعيات لدراسة احوال الأسر الفقيرة ليتسنى لهل الانفاق على بعض الأسر الفقيرة لتستكمل باقي الآية ، وتكون حصدت خيري الدنيا والآخرة. والله الموفق
[/FONT][/SIZE][/COLOR]
[B]calm down sudanese people,she is free with her money burn it , tear it, throw it why you are angry[/B]
[SIZE=3]ياناس الضرائب[/SIZE]
[SIZE=5][B]انا قريب العروس الامها لابسة توب بي مليار دي وببقي ليهم سواق نسيب ود عم جارهم الشمال تحديدا وباكر صورتي بتلقوها فوق زي سواق القطر اها شنو ليكم؟؟؟؟[/B][/SIZE]
هي طبعا مطلقة قبل كدا دي تطلع زوجة البيدعي انو فنان أيمن دقلة وهي أصغر منو ب10 سنين (داير يلهف ليهو قرشين ويفك البيرك )
طلع فالصو وفشنك علي حد قول ابنتها سحر جاد الله ابراهيم.
يا جماعة قال الله تعالى ان جاءكم فاسق بنبأ فتبينوا ان تصيبوا قوما بجهالة فتصبحوا بما فعلتم نادمين . مافي واحد متأكد من الكلام ده عشان كده لو فعلت لها رب يحاسبها وان كان غير صحيح الله يسامح الجاب الخبر المهم ربنا يرزق الجميع الرزق الحلال والتوفيق للجميع.
تصحيح الايه يا أخت مريم بارك الله فيكي
﴿ يَا أَيُّهَا الَّذِينَ آَمَنُوا إِنْ جَاءَكُمْ فَاسِقٌ بِنَبَأٍ فَتَبَيَّنُوا أَنْ تُصِيبُوا قَوْمًا بِجَهَالَةٍ فَتُصْبِحُوا عَلَى مَا فَعَلْتُمْ نَادِمِينَ )صدق الله العظيم
انا شايف انه عندنا مواضيع اهم من كده كتير..هذا تصرف شخصى لا يهم المواطن او الوطن فى شىء..دعونا نفكر سويا فى المخرح من عبشة الضنك الذى يعانى منه اهلنا الطيبين القابضين على الجمر
قبل قليل ارسل لى صديق فديو عن ٦ ابريل فيه خطاب سوار الدهب بالانصياع الى رغبة المواطنين حقنا للدماء وكم سعدت لهذا المنظر المعبر للجماهير الغاضبه امام القصر والتى حققت التغيير سلميا …
كل عام والجميع بخير..والمجد للشهداء فى اكتوبر وابريل و سبتمبر من اجل الوطن العزيز.
جنية ابن عمر تياب الدنيا كلها ما تسترا بعد ما عملت انها جنية وكانت تخرج من الماء عاريه ومدهونة بالفوسفور لخدعة العرب احسان دبى عرس بتها كلو كذب وتلفيق والعريس ما عندو رماد خشمو بس عندو أطفال اتنين من زوجة اخرى صابره ختفوا منها …….توب بى مليار وهى باعت بيتا ؟
عليكم الله بذلوا كلام فارغ دى أهميتها شنو عشان تجيبوا أخبارا