تجميد (196) مدرسة خاصة بالخرطوم والانتهاء من تصحيح الشهادة الأسبوع المقبل

بسم الله الرحمن الرحيم انما تبنى الشعوب والامم بسلاح العلم وبدل ماتساعد الحكومه فى نشر التعليم فى البيادر والارياف والمدن بفتح المزيد من المدارس ونشر رسالة التعليم للناس كافة تسعى الى النظر تحت قدميها ولاترى المستقبل ولايمها الا رزق اليوم !!!!! يأ اخونا احسبو معاى تجميد 196 مدرسة رفض استئناف مدرسة 105 قبو ل استئناف 99 يبقى المجموع 400 مدرسة خاصة مصدقة بولاية الخرطوم طلاب وطالبات بعضها يحتوى على مساقات ماقبل المدرسى والاساس والثانوى معا وهناك تلاميذ حيتوقف تعليمهم لانو بيمشو من سنه لى سنه ورونا مصيرهم شنو يمشوا وين هل بعد اغلاق المدارس الخاصة سيتم استيعابهم فى المدارس الحكومية !!!!! طيب وينا المدارس الحكومية هى لو كانت فى مدارس حكومية الحايجبر اوليا الامور يدرسو اولادهم بى قروش فى مدارس خاصة شنو ؟ وبعدين لو فى مدارس حكوميه مستوعبه الطلاب والتلاميذ الحايخلى اصحاب التعليم يفتحوا مداس خاصة بالحجم ده شنو ولوا فى مدارس حكومية مستوعبة اساتذه مستقره احوالهم حاتجيب المدارس الخاصه معلمين من وين …. معقول 400 مدرسة خاصة طبعا دى المخالفة فقط ودى نتيجة الفرص تجميد 196 ورفض استئناف 105 مدرسة يعنى حايشملها التجميد ايضا والتى سمح لها بالاستمرار 99 وشمل التجميد 301 مدرسة لم يحدد الوزير مصير طلاب هذه المدارس والموضع اكيد رسوم مطلوبه للحكومه على هذه المدارس يعنى العدد المصدق اكبر بكثير من ذلك بالله القرارات الاولى تصديق واخذ رسوم حكوميه وتباشر الدارسة الخاصة محليه واجنبية مدارس الايمان وكبيده وناس التعليم البريطانى ديل خليهم ساكت منهجهم ولا تابع لى بخت الرضى تابع لى بريطانيا طوالى … طيب صدقتو ليهم ليه من الاول هو اصلوا النجح المدارس الخاصه شنو مافشل المدارس الحكومية وتجففيفها وعزل الطلاب المميزين عن باقى الطلاب فى مدارس سميت بالنموزجية وتم الاهتمام بها وباقى اللمدارس اهملت حتى شرد الطلاب والاساتذه معا !!! كدى راجعو معاى التقرير ده وقال د. الأمين عبدالقادر وزير التربية والتعليم بولاية الخرطوم ان الوزارة لن تتوانى في اغلاق مدارس المخالفين للوائح، وقال إنّه تم وضع شروط جديدة للمدارس الخاصة من بينها المقدرة المادية للمدرسة، وقال ان الوزارة بالتنسيق مع اتحاد المدارس الخاصة تسعى لإزالة الضرائب وتثبيت المعلمين. وطالب المشاركين بالغاء الرسوم المفروضة على القطاع الخاص ومنحهم أراضٍ مجانية حتى يسهم في تخفيف الرسوم علي الطلاب، وتعيين المعلمين اسوة بالقطاع الحكومي، وإلزام المدارس الخاصة بتجديد مرتب ثابت للمعلمين أثناء العطلات . هى المدارس الخاصة كان ماعندها مقدره مالية صدقتوا ليها كيف من الاول طيب وياتو لواح جديدة هى القديمة وينها ذاتها التقرير كانوا حق محلية ما وزارة تربية وتعليم كله لوائح ومالية ومافى أى سيره للتلاميذ ولا الاساتذه ولا للتربية ولا للتعليم ولا للمناهج ولا لى بخت الرضاء ذاته ياأخوانا والله قلنا الروب عديل كده من البتعملوا فيه ده فى الشعب السودانى حطمتوا اى شى حرام عليكم يعنى وزير التربية كانو بتاع مالية في تقريروا مايهموا اى شى اللوائح المخالفة هى شنو ماسددوا الرسوم الرسوم بتاعة الوزارة مش كتر خير المدارس الخاصة سدة الفرقة ذى ماقالوا الانصار وسترة عورة الوزارة وفشهلها فى ادارة المدارس كما كان فى السابق وعجزت الحكومة عن توفير مرتبات المعلمين والمشرفين التربويين حلبل المشرفين التربويين الطلاب الجدد ديل ماسمعوا بيهم والله يكون فى العون… رباه انا قد غلبنا فانتصر !!!!