تحديد نسب معادلة الشهادة العربية السعودية للطلاب السودانيين

حسبي الله عليهم حسبي الله حسبي الله
والله حرام ربي مابرضى الظلم ابدا وباذن الله حينصرنا عليهم.حابة اقول لكل الممتحنين زيي ماتيئسوا وخلوا املكم بالله كبير الله مابضيع عمل زول اعملوا العليكم والباقي على الله. والعالم الظالم دا سيبوهو لي الله بس الله يتكفل بيهم ومايسامحهم ويحرق قلبهم زي ماحرقوا قلبنا دنيا واخرة والله انا بكتب حسع ودموعي في عيوني وماشايفة القدامي وسايبة قلبي بس يكتب .الله لايسامحم واحنا مظاليم ودعوة المظلوم مستجابة يااااااااااااااااااارب نجحنا ووفقنا واقهر القهرونا.والله الناس ماحاسة بينا بس وماحاسة بهمنا لكن الله حاسي وكل ما اتذكر الحاجة دي بقوى وبقيف من تاني.الموضوع مدبر وواضح وعشان ياملوا الناس من تاني يقولوا الحكاية دي حتتغير للسنة الجاية ويقعدوا الناس على امل كدا ويفاجؤهم بمصيبة اكبر والله المادة عمت عيون الناس عن الحق لكن الله سميع بصير.

لن اقول يارب لي هم كبير ولكن ساقول ياهم لي رب كبير

وبقولوا معادلة بالله وين المعادلة في دا هو واحد من الاتنين ياما مفهومهم للمعادلة حاجة تانية ياما القصد المعادلة الغير موزونة. حابة بس اعرف الملايييييين البسلبوها من الناس سنويا بتمشي وين ليه البلد مابظهر فيها اي مظهر من مظاهر التقدم كل سنة ماشة من سئ لاسوا ولا امكن القروش دي (بربو بيها عيالم) ياربي ؟؟. ياناس حكموا عقلكم فكرة انو المغتربين هم اسياد القروش والله غلط يعني معقول لو كانوا اصحاب مال وناس مرتاحين كانوا حيتغربوا لحد ما اولادهم يصلوا الجامعات ؟؟؟ ماكان الاولى يكونوا في بلدهم ويتهنوا بقروشم وسط اهلهم بدل الغربة دي .انا بس عاوزة اعرف وين المعادلة واوعدكم اني حسكت احنا هنا ممتحنين من تاني يعني سنتين ومطبق علينا نظام تراكمي الدرجة ب7 درجات في الرياضيات والدرجة ب4 درجات في باقي المواد وبنمتحن قي 11 مادة ومتقولوا انو دي حسنة بالعكس احنا مشتتين لابعد درجة ونهاية السنة بنمتحنم في 10 يوم بس بدون غابات ودا كلوا تعب سنتين على 60 %ونجي نمتحن تحصيل وقدرات في ساعتين وتتحدد 40 %ياناس والله حرااااااام دا لو طفل عرف الكلام دا والله يضحك (60 %في سنتين و40 %في ساعتين) سبحان الله. وبعدين يجي الخصم في السودان بالله حيبقى كم من النسبةحسبي الله بس.بالله عليكم وين المعادلة والعدل البتقولو عليهو بس ورونا وبعدها لو كنتو على حق او بس قربتو من الحق نوعدكم اننا حنلتزم الصمت.
لن اقول يارب لي هم كبير ولكن ساقول ياهم لي رب كبير

كلمة موجهة لبروف عبد الحافظ الطاهر وكل مسؤول عن القرار دا

انتو اكيد ماوصلتو للرتب دي الا بعد تعب وشقا وسهر ليالي يعني اكيد جربتو التعب وعارفين معنى انو الانسان يكون عندو هدف معين وبسعى ليهو.. فاتخيلوا انو ايا كان يجي في يوم من الايام يسحب منكم التعب دا بكل بساطة واملكم ينطفي وحلمكم يضيع.. ساعتا موقفكم هو شنو؟ احساسكم شنو؟ ايوا دا الاحنا حاسين بيهو حسع كل تعبنا وسهرنا السنتين الفاتو انتو شوية شوية بتسحبوهو مننا وكل البنيناهو اتهدم ومالحقنا نفرح بالعملناهو..حسبي الله ونعم الوكيل لكن احنا برضو لينا كبير وعادل و مابرضا الظلم وباذن الواحد الاحد لو كان لينا حق _ واكيد لينا حق_ حناخدو لو مافي الدنيا يوم الحساب الكبير وربي معانا ويوفقنا .

قال صلى الله عليه وسلم (ثلاث دعوات مستجابات لاشك فيهن: دعوة المظلوم ودعوة الوالد ودعوة المسافر)

حسبنا الله ونعم الوكيل
يا رب يا رب يا رب اني اسألك بكل اسم سميت به نفسك أو اختصيت به لعلم الغيب عندك ان تجعل القران ربيع قوبنا وأن تنصرنا على كل من ظلمنا يا رب يا رب يا رب
يا حي يا قيوم يا حي يا قيوم يا حي يا قيوم
حسبنا الله ونعم الوكيل

حرام عليكم والله طالب الشهاده السودانيه مابيتعب كدا واتحداكم تجيبوا الطالب الأول على السودان وماهيحل سؤالين في امتحان القدرات!!!!!!!!!!!!
انتو مفكرين انو احنا ناس مدلعين والله حرام اتعب سنتين على اعصابي والواحد عندكم صايع في الشارع ويقرا ليهو كلمتين اخر السنه وخلاص:mad:
لو انتو ماعايزيننا نجي السودان احنا ماجايين خلو الجامعات ليكم وال60% ياريت تخلوها عندكم هديه:lool:
الطالب السعودي بياخد راتب انو بيجي الجامعه واحنا ندفع وروحنا تطلع وبعد دا كلو 60% والله امشي بلد تاني ب300 دولار بس الجابرنا شنو ع الذل ياجماعه خلو ليهم جامعاتم فاضيه

تحيه للشعب السوداني شعب العدل والحريه والوطنيه:confused:

I’m one of the old shehada Arabia, as i completed my secondary school in 1991 from Tabouk. I can easily say there is no compareson between the study in Sudan and in Saudi Arabia, in Sudan the secondary Student study maximum 2 hours a day, if he done the same in Saudia he will get very low mark, another compareson the rest of the Sudia Arabia student come from very educated families, where as in Sudan student come from different backgrounds, the most important thing that in Sudan they never complete a subject before the last year of the secondary School so they all the time finish half or even none from the subject that was the case in my time and i do not know whether it is still the same or has changed,for all the above mentioned reason i do not find any justification for any huge reduction , and i advise the Sudanese Student in The Gulf countries to do there degree else where and they will pay the same money, for example Malaysia, India the education is far better than Sudan in Sudan they still think there are the most cleaver people in the planet which is not true by any means also the education system is the worst in the world if we exclude Somalia , ,

اقول شنو بس علي الهبل
الله لا يوفقم زي ما خلوني ليل نهار قاعده ابكي;(
الله لا يوفقم على كل طالب سهر وذاكر وتعب
ولله ربنا ما بيرضا الظلم بس نقول شنو …ما في يدنا حيله
و اللي بيقولو نقرى بره…با لله حنمشي وين يعني
وين حنطير …حنقعد نتغرب برانا ؟؟؟:mad: 😡
هبل و عبط و غباااااااااااااااااااء
اصلا هي السودان بقو كل ناسها عوالييييييييييييييييييييييييييييييييق
ولله عواليق…ما همهم الا قروشنا ..تقول عندنا مال قارون
يااااااااااااااااااشيخ
مشي بس مشي …احنا الجيل الجاي اللي حيدمر البلد ويرد ليهم الصاع صاعين
و يجو يتفاهمو معاي العجايز دولي..والله اديهم با لعكاااااز

والله حرام عليهم الناس تتعب وتسهر الليالي وتجيب مثلا 100 % حيفرح بس حيزعل لمن اجي يقول ليك في النهاية حتقرأ بيقروش الفايدة شنو
يعني الزول يكون عارف انو حيقرأبي قروش من قبل مايمتحن زاتو اصلا وين العدل في المعادلة وروني ياجماعة يازول احسن الزول يقرأفي البلد الكان بيقرأ فيها حتى لو بي قروش لأنه كان قارئ فيها 12 سنة بلاش ماطلبوا مننا هللة نجي بلدنا وادفعونا قروش حلوة,,,,
لكن حق ربنا في الدنيا اذا ضاع في الآخرة ماحيضيع

بسم الله الرحمن الرحيم
اولا:. تم اعلان النتيجة للقبول بالجامعات السودانية للعام 2009_2010 على الموقع التالي:.
http://www.Admission.gov.sd ممكن الموقع مايفتح بسهولة من اول مرة لانوا احتمال يكون في ضغط.
بعد ما يفتح الموقع تدخل رقم الاستمارة واضغط على ارسل..

ثانيأ:. اهنئ المقبولين بالجامعات مبرووووووووووووووووووووووووووووووك
😀 😀 😀 ودمتم بخيييييير….:rolleyes:

لآ حول ولا قوه الابالله العلي العظيم
المشكله مافي احساس : (