طالب سوداني يتعرض إلي مقلب بالهند
عشرات الطلاب من حملة الشهادة السودانية يأخذهم حلم الدراسة خارج السودان فيأخذون أوراقهم ويتوجهون صوب سفارات الدول التي يرغبون الإلتحاق بجامعاتها .
الطالب ( حمزة ) قادته قدماه الي السفارة الهندية للإلتحاق باحدى جامعاتها وقبل ان يدلف الي مكاتب السفارة وقفت أمامه ( م) تسأله عن ماذا يريد فافصح لها عن رغبته فطلبت منه ان يذهب معها فهي ستحضر له الطريق وتحقق له حلم الدراسة في الهند ذهبا معا الي مقر الوكالة في الخرطوم (2) وقابل هنالك سيدة هندية وحسب قوله طلبت منه 50 دولاراً مقابل حصوله علي الموافقة علي القبول في الجامعة المعنية و200 دولاراً بعد الموافقة بعدها حصل علي التاشيرة وفي الهند كانت المفاجأة حيث لم يجد أي شخص في إنتظاره كما وعدوه فنام في الشارع حتي عثر عليه احد السودانيين بعد ذلك بدأ يبحث عن الجامعة فلم يجد لها اثر في الواقع فلملم اطرافه ورجع الي السودان بمعاونه السودانيين بعدها ذهب لمقر الوكالة للمطالبة بحقوقه لكن طرد وهدد.
(حضرة المسؤول) تتساءل : هل هذه الجامعة حقيقية أم وهمية ؟ وبحسب صحيفة الراي العام اذا كانت وهمية فكيف منحته السفارة الهندية بالخرطوم تأشيرة دخول الهند ؟
:lool: يمكن تكون التأشيرة كمان مضروبة … !!!!!
لا حول الله .. حرام والله حرام
احنا وين يا اخوانا معقولة وين الضمير الانساني حتى في التعليم بقينا نصل مراحل الخداع والتزييف … الواحد لا يقدر ان يقول شيئا في هذا الموضوع غير حسبنا الله ونعم الوكيل بس السؤال المحير كيف تم استخراج التاشيرة له رغم عدم المصداقية ؟؟؟؟؟؟؟؟
واناشد الطالب بعدم ترك حقه يضيع سدى وربنا يعوضك انشالله احسن
كتييييير حاصل
ده فلم هندي عديييييييييييييييل
هذه الوكلات كلها خداع لكن اقول للاخ ان القبول للهند يكون مبدى ثم بعد ذلك تسافر بومبى او مدراس او اى مدينة ثم تجد السودانيين الطيبيين وتعمل قبول جديد للجامعة العايزها انت .هذا ما اريد توضيح وانا خريج الهند.
نطالب بالتحقيق الفوري في هذه القضية وإذا ثبت صحة ما رواه الطالب فيجب إغلاق هذا المكتب ومحاكمة من فيه وعلى رأسهم السودانية التي لعبت بهذا المسكين وجلدها وجلد الهندية (قال هندي قال)
صحي البلد بقت بدون وجيع .. وبلد ما فيها التمساح يمرح فيها الهنود والبنغالة..
بسم الله والحمدلله وصلى الله على نبينا محمد . قدر الله وماشاءفعل ولكن مثل هذه الاشياء يجب فضحها ونشرها بالتلفاز والراديو وكل وسائل الاعلام لتجنيب مزيد من الضحايا الوقوع فى فخ المجرمين ثم وين جامعات ثورة التعليم اظن ان الان بكل مدينة من مدن السودان توجد جامعة لذا لاداعى للمرمطة والزهاب للخارج خاصة لبلدان تعتبر من اوسخ وانجس بلاد العالم هذا بالتقديرات الدولية لذا ربنا يعوض عليك وخليك فى بلدك وصدق من قال تخرج من بلدك حزين تلقى الفرح وين؟؟؟
its one of the thousands examples i see here every year…..students come to india seeking a knowldge but????? they been cheated , extorted and ( masooooora by arabic)
embassy is another story better i don’t write about it…
pray for us……
الجهل مصيبة 😮 😮
في حاجة إسمها إنترنت … الواحد قبل ما يورط نفسوا، وعلى سبيل العلم بالشيء مفروض يستفيد من الإنترنت 😮 😮
معلومات الجامعة التي أعطيت له مفروض يتأكد منها عن طريق النت أول حاجة عن طريق البحث والجوجل إيرث، وبعد ما يكون فكرة معقولة، يستشير (ويستخير) ويتوكل 😮 😮
لكن يخش توووووش كده ويستعجل (عشان يتخارج) دايما تكون العواقب هكذا.
وبالمناسبة، شغلانية الحداشر سنة تعليم قبل جامعي (الشهادة السودانية) لسع مصرين ما يحلوها؟
حسب علمي كل جامعات الدنيا تشترط أن يدرس الطلب إطناشر سنة (الشهادة الثانوية) وبعداك يحق ليهو يدخل الجامعة …المسألة دي حقو الناس تكون جادة في حلها 😮 😮
علي الحكومة السودان حماية مواطنيه كباقي حكومات العالم اصبحنا لا قيمة لنا لاننا لانملك من يحمينا لا حول ولا قوة الا بالله العظيم وعلي السودان السلامة:mad: 😡 😡 😡 😡 😡 😡 😡 😡 😡 😡 😡
( يا ايها الذين امنوا ان جاءكم فاسق بنبا فتبينوا ان تصيبوا قوما بجهاله ).
الاخوة في النيلين دوت كوم….
انا طالب سوداني ومعي كمية من الطلاب والطالبات في الهند وقد سافرنا عبر نفس المكتب وكذلك الاخ الذي قد كذب عليكم وضللكم وانتم قد حكمتم بدون الاتصال بالمدعوة (م).
وانا استغرب ان يقول شخص هذا الحديث بكل الثغرات التي فيه ومن ثم انتم تقولون ما تقولون بدون تأكد ويحكم كلامكم فقط العاطفة تجاه سودانيته
طيب الراجل ده قعد مع زول هنا في الهند 3 شهور وسبب له الاذي لماذا وماذا كان يفعل كل هذا الوقت والغريبة ان العاطفه التي حكمتكم (سودانيته) في اصدار الاحكام لم تحكمه تجاه من استضافه 3 اشهر كما قلنا… بل !!!!!
مؤسف موقفكم طيب لما حدا يقول مشى الســـــــفـــــــــــــــــــــــــــارة
ممكن سفارة تمثل دولة تغلط مثل هذه الغلطة؟؟؟؟
انتو عارفين الكلام الانتو رددتوه ده حا يضر منو ….؟؟؟ اكيد ما (م) لانها انا متاكد ان اجراءاتها سليمه ولا عيب في ان تصحبه فهذا عمل ورزق والرزق يحب الحركة واساسا المبيعات كده ما دام المنتج ما فاسد والدليل انو نحن في الهند الان وممكن ناس الادارة يرسلو لينا ايميل في ايميلي الانا كاتبو هنا وانا ارسل ليكم صورنا و الحاجات كلها
نرجع ال من المتضرر…؟؟؟؟
نحن الطلبة .. حا تصعبوا لينا التاشيرة لي دوة بندرس فيها بقيمة رخيصة جدا ونعيش فيها حياة اسهل في زمن الدراسة الهنود تاني حا يصعبوا على الطلاب الجدد امكانية التاشيرة وده شيئ مؤسف
تخيل كورس انت بتدرسو في ابتك بي 3500000 ثلاث ملاين ونصف … هنا في الهند بي امتحانو ما بيكلفني 500000 سوداني مؤسف ان نكون ببغاوات لشخص كذاااااااااااااب,, الهند جزء من اقتصادها القومي الجامعات ولا يمكن ان تلعب فيه تجاه واحد كذاب
السودان بقي ملطشه لكل شيء وين الراقبه من الامن وين الرقابه من الاستخبارات
هنديه عندها وكالة سفر وكيف تم ترخيصها ومن اي جه تمت الموافقه بموزاولة
تسفير الطلبه للهند المهم مطلوب من الدوله او الاجهزه المسؤوله المحافظه علي حقوق المواطن المقلوووب علي أمره
أنا أتفق مع رأى الاخ محمد السودانى ,, وأعتقد أن كلامه صحيح ,, أما الاخ الذى رجع ,,فأن روايته مغلوطه ولايصدقها عقل , ! فكيف يسافر الى الهند ,, ويأخذ تأشيره من السفاره الهنديه ,, وكيف تعطيه السفاره تأشيره الى جامعه غير موجوده فى الهند ,, , والمكتب لايزال موجودا ,, وخدماته مستمره ,,
أعتقد أن العيب فى أخينا ,, وليس فى المكتب , وليتقى الله فيما يقول ,والفاشل سوف يظل فاشلا , مهما فعلت له .. لانه ذهب الى الهند ,, لماذا لم يبحث عن أى جامعه يلتحق بها بدل أن يضيع وقته ,, ويرجع السودان تانى ;( (؟) 😉 😮