احتجاز (12) سودانية بينهن مسنات في سجن الترحيلات بمكة
تحتجز السلطات السعودية “12” سودانية – تجاوزت أعمار بعضهن الـ “70” عاماً – بسجن “الترحيلات” بمكة المكرمة، لمخالفتهن شروط الإقامة بالمملكة العربية السعودية.
ونقل محرر الشؤون الدبلوماسية بـ(الصيحة) محمد جادين، عن إحدي السجينات “ف – ي – م” من داخل “سجن الترحيلات بمكة” قولها أمس: “نشعر بأسف بالغ وحسرة كبيرة وإهمال، بعدما أهملت القنصيلة السودانية في جدة قضيتنا، ولم تهتم لاتصالنا بها، مما جعلنا نمكث في السجن أكثر من عشرة أيام دون أن تتحرك أو تتكرم بإرسال مندوب إلينا لمعرفة أحوالنا وقضيتنا”.
وتراوحت المدة التي أمضتها الموقوفات بسجن “الترحيلات” بمكة وبعضهن بين “10” الى “30” يوماً، دون ان تتم تسوية أوضاعهن رغم اتصالهن بقنصلية السودان بـ “جدة” وإبلاغها باحتجازهن.
وأكدت “ف – ي – م” في اتصال هاتفي مع (الصيحة) أمس، وجود “11” سودانية برفقتها بالسجن لظروف مشابهة تتعلق بمخالفة شروط الإقامة، ونبّهت إلى أن أغلبهن “مسنات” وقالت إنها تبلغ من العمر “72” عاماً وإنها مقيمة بمكة منذ “19” سنة.
وأكدت أنها اتصلت بقنصل السودان في جدة “حسن صالح حسن سوار الذهب” الذي وعدهن بإرسال مندوب من القنصلية ومتابعة قضيتهن، وقالت “لكن للأسف لم يصلنا أي مسؤول رغم مرور 10 أيام على احتجازنا
صحيفة الصيحة
قنصليه جــــــــــــــــــــده !!!!!!!!!!…عشم ابليس في الجنه
وفي الدمام برضو وفي جدة برضو وفي القاهرة برضو والامارات برضو إذا كان هؤلاء هم سيدات فكم ياتري السودانين الرجال بتلك السجون ولاتعلم عنهم سفارتهم شيئاً
يا جماعه الحق حق مهما كان اول انتو يا نسوان القاليكم منوا خالفوا القوانين واقعدوا الفتره دي كلها بصورة غير نظاميه ؟؟؟؟ّ!!!!!! ما تقعدوا تقولوا الظروف جبرتنا وغيرو ،، ربنا هو الرازق وارض الله واسعه وفي بلدكم كان ممكن تسترزقوا ان شاءالله تبيعوا شاي او أي حاجه والعافيه درجات وما كان في داعي للزله والاهانات دي وخصوصا انكم نساء . انا عارف في ناس ح تناقد كلامي دا ويقعدوا يشبكونا كلو من حكومه الانقاذ والانقاذ هي السبب وما عارف شنو ، ياخ انتو راجعوا نفسكم وشوفوا انتو اصلا ماشين في حياتكم اليوميه صح وبترضوا ربنا تمام بعدين تعالوا ختو أي حاجه في الحكومه
ست الشاي الكشوها ناس ولايه الخرطوم ( وقالت ليهم دعاء المظلوم مستجاب وخصوصا من مره بتربي ايتام ) ياربي دي كانت في السودان ولا شيكاغو .
الحكومه المفروض يكون عندها دور كبير في توظيف المواطنيين ورعايه الايتام وبالذات النساء المحتاجات بتوفير ماهيه علي الاقل من قروش الزكاه الما معروفه بتمشي وين دي … تاهيل وتوظيف النساء الارامل والايتام ليعتمدوا على انفسهم .
وليه تتصل القنصلية .. ايه ذنبها يجيبهم اهلهم وعارفين القانون وقانون الوزيارة والعمرة مافيه اي مجاملة بل بالعكس اكثر الجاليات مجاملة في هذا الشأن السودنيون لانه ما ندر يوقف شخص ومعه اسرته للتفتيش او السؤال وهؤلاء يكونوا مخالفين وركبوا مواصلات عامة .. يعني نحن نسوي الغلط ونجي نحمله للقنصلية ..
العمر السبعين دي اكيد ما مشوا ساقوها من بيتها ولا قبضوها عندها ايام في زويارتها او ايام عمرة مع انه لا عمرة في هذه الايام اي لاتاشيرات عمرة ولا تاشيرة زيارة ومن البديهي ان يكونوا قد اتمسكن وهن داخلات الى مكة للبقاء واداء الحج ..
السوداني اصبح عبء على دولته قدر الذي تؤديه تفشل فيه لانها هي ماقادر تحل مشاكل المقيمين النظامين تزيدوها كمان بالمخالفين وعايزين تقجم مساعدة ..
الغلط غلط يا جماعة وبلاش نسوي الحكومة شماعة لاي شيء
والله ديل مابعرفو حاجة الا اشيلو الرسوم من عغالناس ه
وجهاز رعاية السودانيين العاملين بالخارج قال هو المسئول عن (الرعاية) ومؤتمرات ولقاءات وفروع بكل الولايات .. وصيوانات عزاء بميناء سواكن برعاية الفرع هناك وبمبادره ومويه حاره من مدير فرع الجهاز السيد فقيري .. صاحب العشرين سنه خبره بالجهاز
منتهى المهانة في عهد الانقاذ الكئيب
حكم علينا اولاد الكلاب بالذلة والمهانة
مصر والحبشة والسعودية والهند وكل من هب ودب يعتدي على ارضنا وعرضنا واولاد ال…. يحتفظون بحق الرد احيانا ويغضوا الطرف اكثر الاحيان
الحق حق فى هذه الحالة الغلطان يتحمل غلطه السفارة لم تقل لاحد بان يتخلف ويخالف قوانين البلد هم بمثل هذا التصرف احرجوا نفسهم وسوف يحرجون مسؤولين السفارة لانو فى هذه الحالة الحق مع السعودية هى التى لها المبادرة ان شاءت الطلقتهم وان شاءت طبقت فيهم قانون التخلف ولانقدر نلوم السفارة بشئ ولو تدخلت ماذا تفعل نقول لها تدخلى فى قانون البلد لا نستطيع ذلك ونرجو من السلطات السعودية ان تنظر اليهم بعين الرأفة وان تطلق صراحهم وذلك بالتعاون مع السفارة وذلك لكبر سنهم ولظروف بلدهم الصعبة وربنا يجزى اهل السعودية كل خير .
والزول أن قام غلط السفارة تغلط وراهو؟ السفارة ما اوجدت إلا لتحل المشاكل وترعى المواطن قبل الوقوع في الشباك
يا عباس احمد اذا ضبطت هؤلاء النسوة العجايز فوق السبعين سنة بدون اقامات في اي بلد كافر حتى اسرائيل لن يتم الزج بهن في السجن
كبار السن كان مفروض ألا يزج بهن في السجون …..
عحوز مكسيكية تبلغ من العمر 90 عاما استغلها مهرب هيروين لإدخال كمية منها لأمريكا و تم القبض عليها و بحوزتها الهيروين … صادروا البضاعة و رجعوها المكسيك و لم تسجن مراعاة لكبر سنها
في السعودية يتم سجن المسلم لأبسط الأسباب دون مراعاة للسن …..
الله يكون في العون