بالفيديو.. رجل وزوجته يتحدثان عن «أمورهما الخاصة» على الهواء: «يا جماعة انتوا فضحتونا كلنا»
استضافت الإعلامية إسعاد يونس، في برنامجها «صاحبة السعادة»، اثنين من مقدمي البرامج الإذاعية هما الإعلامي محمد نشأت والإعلامية شيماء حافظ.
وحكى «نشأت» واقعة سبق حدثت معه، أثناء تقديمه إحدى الحلقات الإذاعية في برنامجه، وكان موضوع الحلقة حينها حول الخلافات بين الأشخاص، وأشار إلى أن رجل هاتفه وأخبره بأنه يرغب في الاتصال بزوجته على الهواء ومصالحتها، فوافق الإعلامي لكن النتيجة المترتبة عن تلك المكالمة جعلته يندم على السماح لهما بالحديث في برنامجه.
وقال «نشأت»: «في موقع غريب حصلنا كده مره وإحنا على الهواء، كنا بنعمل فقرة صلح اللي عايز تصالح حد على الهواء فإحنا هنطلعك على الهواء وتقول الرسالة، فرجل كلمنا مرة قال أنا عايز أكلم مراتي على الهواء وده رقمها وإحنا مش مديين خوانه الصراحة والرجل بيتكلم بلطافة أوي، روحنا متصلين بالست على اللاين الثاني».
وتابع: «وراح قايلها أنا عايز أقلها تبطل ريحة البصل اللي حطاها 24 ساعة في البيت كفاية كده، كل أما أخش البيت ألاقي الريحة معبأة، وجابلها برفن ومردتش تحط منه».
وأضاف نشأت: «المشكلة إن مراته ردت عليه وقالت أصل هو مبتطلبش معاه إلا والعيال قاعدين»، وأوضح نشأت: «قولتلهم يا جماعة انتوا فضحتونا كلنا، وقمت قافل عليهم الخط وقلت والله ما طالعين تاني».
المصري لايت
