زيادة عدد الوزارات فى الحكومة المرتقبة و (67) نائباً جديداً بالبرلمان
كشف رئيس القطاع السياسي بالمؤتمر الوطني ولاية الخرطوم “عبد السخي عباس” في حوار مع (المجهر) أن الحكومة المقبلة ستكون أعرض حكومة وفاق وطني، وأن المؤتمر الوطني سيقدم أكبر تنازل في تاريخه السياسي.
وكشف “عبد السخي” عن إضافة وزارتين لتصبح الوزارات الاتحادية (33) وزارة بدلاً عن (31)، بإضافة وزارة الشؤون البرلمانية ووزارة النقل منفصلة على أن يضاف (67) نائباً للمجلس الوطني وإضافة (18) لمجلس الولايات و(7) لكل مجلس تشريعي ولائي عدا الخرطوم ومدني سيضاف إليهما (14) عضواً، وفي الــ(33) وزارة اتحادية سيكون نصيب المؤتمر الوطني الأقل.
وأشار “عبد السخي” إلى أن التعديلات الدستورية ستعرض على لجنة متابعة الحوار قبل إجازتها بشكلها النهائي، على أن تعرض لاحقاً للمجلس الوطني، ونفى “عبد السخي” وجود انقسامات داخل الوطني بسبب الحوار، وأكد بأن الجميع مجمع عليه ولا توجد أي اختلافات في هذا الأمر.
المجهر السياسي
تبقى ترضيات لكل زول عشان بعد سنة يكون عندنا ٥٠٠ وزير و ٢٠٠٠ برلماني و يصرفوا قروش في كلام فاضي القاعدين ديل عملوا شنو
اتقدم بطلبي هذا للحصول علي وظيفة وزير .
غير ملوث بدم الابريا من ابنا وطني و طاهر اليدين من اموال الدولة.
وجع يا بلد!!!!!!
ما قصرتوا وزير لكل مواطن. ..اترهلي. .إترهلي
نفس سياسة الغباء الترضيات ويتحمل المواطن التعبان
فى البير ووقع فيهو فيل . عايره وادوها صوت . الناس فى شنو وانتم فى شنو . اين الترشيد الذى تتمشدقون به . اضافة اعباء على المواطن المقلوب على امره . وزيرا لكل مواطن وضابط لكل عسكرى .وطبيب لكل ممرض .اتقوا الله ايها الحكام . اتقوا يوما ترجعون فيه الى الله . عينو حكومة تكنوقراط انتقالية .وخلى كل حزب يشوف شغلوا . ولتأتى حكومة ديمقراطية يرتضيها الشعب .ان كانت مؤتمر وطنى اوغيره .وان لايمثل فى الحكومة اى احد من الحزب الحاكم .انا برئسها ليكم لمدة ستة اشهر ولن اسمح بأى تجاوزات الاسلامى والشيوعى عندى فى مقام واحد .حتى يختاره الشعب ويرتضيه .هلا سمعتم
حسبي الله ونعم الوكيل دا الحوار القلنا فيه خير والله سياسيي السودان الحل الوحيد يحرقوهم ويريحونا منهم الشعب يطلب اختصار الوزارات وهم يطالبوا بالترضيات الله ينتقم منكم
يعني كنتوا عشمانين في شنو إنتوا؟ في خير من ورا الحكومة والمعارضة ؟ الله يصحيكم من غفلتكم قبل فوات الآوان، وإنتوا صحي كداكنتوا قايليين إنوا الإصلاحات المالية كانت عشان تصب في جيب المواطن؟؟ ما كان صب غيرها طوال الفترة من 1980 وحتى الآن (1980م) ما غلطان فيها، وكانت بدية النهاية والسقوط الحر لوطن أبي مسالم وديع وحنون. الإصلاحات دي عشان الفرقة تدخل مسالك تانية وجيوب وشوالات ناس جديدة، مع بعض التعديل في الرصة القديمة وتبديل ونزول الإحتياطي لأرض الجغمسة والفساد. والله يكضب الشينة.
حسبي الله ونعم الوكيل.