البشير و السيسي يتفقان على عدم إثارة أزمة حلايب
اتفق الرئيسان، السوداني عمر البشير، ونظيره المصري عبدالفتاح السيسي أن لا تشغل قضية حلايب البلدين عن تقوية العلاقات بينهما.
وأجرى الرئيسان مباحثات، الثلاثاء، على هامش قمة الاتحاد الافريقي المنعقدة بالعاصمة الاثيوبية اديس ابابا.
وقال وزير الخارجية السوداني ابراهيم غندور عقب اللقاء، “إن قضية حلايب ممتدة، واتفق البشير والسيسي على أن لا تشغل القضايا الخلافية البلدين عن الوصول إلى ما يمكن أن يؤدي إلى تمتين العلاقة بينهما”.
وأوضح غندور حسب وكالة الأنباء السودانية أن الرئيسين وجها، وزيري خارجية البلدين بعمل اطر تنفيذية، وهيكلية لرؤى تكاملية، بما في ذلك التنسيق علي كافة المستويات السياسية والبرلمانية والشعبية.
وكانت الخرطوم أعلنت الثلاثاء قبل الماضي، تجديد شكواها لمجلس الأمن بشأن مثلث حلايب المتنازع عليه مع مصر.
وهدد السودان في اكتوبر الماضي باللجوء للتحكيم الدولي اذا فشلت عملية التفاوض مع الجانب المصري، كما رفضت القاهرة في أبريل الماضي طلب الخرطوم التفاوض المباشر حول منطقة “حلايب وشلاتين”، المتنازع عليها بين البلدين منذ عقود، أو اللجوء إلى التحكيم الدولي.
من جانبه قال وزير الخارجية المصري سامح شكري “إن اللقاء تناول مجالات التعاون بين البلدين”.
وأضاف “أن التعاون هو الذي يؤدي الي تحقيق التقدم ويمكن البلدين من تجاوز التحديات التي تواجههما”.
ودعت القاهرة، الجمعة، الخرطوم إلى رفع كافة القيود على الصادرات الزراعية المصرية إلى السودان وإعادة النظر في قوائم “السلع السلبية”.
وحظرت الحكومة السودانية استيراد جميع الخضر والفاكهة والأسماك من مصر مؤقتا منذ سبتمبر الماضي، بعد تقارير أميركية أشارت إلى تسبب المنتجات المصرية في مشكلات صحية كإلتهاب الكبد الوبائي وأمراض أخرى.
سودان تربيون
يا بشة انت زول جادي عليك الله
واحد قال ما تفكر في حلايب وانت قول ليه مافي داعي نتكلم فيها
ما نحن عارفين الريس السوداني المصرين يقتلون قلبه وهم عارفين كويس كيف يلعبون وكيف يهدون الأعصاب الباردة اصلا كل مرة نحن بالطريقة دي عشرات السنين تباطؤ ثم تباطؤ حتي نجد المصريين بالتلاعب مع الغرب وإسرائيل غيرو الخرطة التي ريدعي السودان بأن الاثباتات عنده عشرات السنين ما قادرين ناخز حقنا والسبب روساء السودان المتخازلين والبشبر وأكبر ريس متخازن ويتهاون في حق البلد ومستعد يتنازل عنها شي مولم السعودية أثارت قضية في أقل من شهر اخزت حقها عيب والله يا البشير ما عندك كرامة تجامل في حق الشعب المقهور وبعدين ليه انت اصلا رفضت السلع المصرية بتسبب وباء الكبد طيب ليه تتراجع بكلمة حلوى وضحكة تضيع حق الشعب ضيعتو وادي حلفا وظلمتو السودان في اتفاقية مياة النيل عيب عليك أنت رجل بارد ما تصلح ريس لبلد شعبها نار
ان يقوم جارك بسرقتك وعندما تواجهه لاسترداد حقك يترجاك بان لا تكون بتاع مشاكل وما في داعي للخلاف بين الجيران ..??? فهلوة مصرية ???? بس المصارية مفهمنهم انو السودان بتاعهم .. عشان محمد علي باشا الالباني بعد ان استعمر (ام الدنيا)?? زادت اطماعه واستولى على السودان .. محن المصريين??
عايز سبب احد لعدم اثارتها ؟؟ ماذا نستفيد من مصر الله يسالكم خلوها تعك وكل زول ياخد حقه وبعدين نرجع نصلح العلاقات ماهو كل الدول بتعمل كدا ؟؟
كم من دول كانت بينهم مشاكل اتحلت بعد التصعيد والتسخين ورجعوا بقوا احباب واصحاب
اذا كان في تاجيل مناقشه او فتح ملف انهاء الاحتلال العسكري لحلايب وشلاتين مصلحه للقطرين لحين وقت مناسب فهذا امر يمكن تفهمه !! لكن
المطالبه بالسماح لاستئناف ادخال اغذيه وفواكهه ملوثه تضر بصحه البشر والكائنات الحيه فهذا امر غير مبرر اطلاقا ياسياده الرئيس ؟ ومن ناحيه اخري فان المطالبه به من قبل الجانب اامري شئ مرفوض ومستهجن!!! والسودان واهله وحكومته ان لم يستطيعوا انتاج مايكفيهم من الخضار والفاكهه والاغذيه الزراعيه فعدم الاستيراد من الخارج اولي
وافيد واكرم لبلد مرشح ليكون سله غذاء العرب والمسلمبن؟ والله من وراء القصد…. ودنبق
الخبر صادم واثار في الفثيان اي والله هل نحن بعذه الدرجة من السذاجة وانا علي يقين انو انحنا ما عندنا سياسين بحجم هذا البلد الكبير.
وبمناسبة رفع الحظر عن المنتجات المصرية استمعت لفيديو تلفزيوني مصري احد الموردين المصريين بتكلم لمقدم البرنامج وبيقول انحنا بنغير شهادة المنشأ في الطريق وبندخلها السودان .
شوفتوا انحنا ساذجين لاي درجة وبلدنا مكشوفة
حتى لو الحكومه وافقت على استئناف استيراد المنتجات المصريه نحن كشعب سودانى حنقاطعها عشان صحة أهلنا و اولادنا و كمان عشان مصر دى عدو لبلدنا لأنها احتلت حلايب و شلاتين و بكده نرغم الموردين المحليين ما يستوردوا من مصر لما يلاقى نفسه بتاجر فى بضاعه ما بتنباع و تؤدي للخساره
رجع لينا حقنا بعد ذلك نفكر في تحبين العلاقة
اوقفوا تصدير الماشية
عدم السماح لهم بالصيد في المياه الاقليمية السودانية بحرا ونيلا
عدم السماح لهم بتصدير الطماطم من طوكر لانهم يعيدوا تصديرها علي انها منتج مصري
عدم استيراد اي منتج مصري ملابس احذية وووووالخ
سته شهور ترجع حلايب وشلاتين
اخخخخخخخ يالقهر
المصري اكل راس البشير
مرة هاكم حرامية السمك القبضناهم بجلبغوا في مويتنا الاقليمية وناسنا المسكتوهم بنقبو علي الدهب في داخل حدود السودان ما مشكلة كبيرة حتي لو أكلتوهم في سجونكم مشكم المعفن وجبنتكم المدودة —– مرة هاكم الحريات الاربعة دي وكان عايزين زيادة حريات ماتغلي عليكم —– مرة حرم ما تقولو حاجة وندس ليهم في جيبهم كذا الف خروف —- الريس مسحور يا جماعة – كدي أتأكدو لي السيسي دا عندو فكي ! ولا عندو باقي من سحرة فرعون البقلبو الحبل ثعبان !!1
البشير جبان بخاف من مصر وعامل مابخاف من امريكا ولا غيرها وبيقول مابخاف إلا من الله إذا كلامي داء غلط طيب ليك حق ليك كل مرة بتقول مابخلي حقي وعندي الإثبات ولما تقابلهم أقصد الريس المصري تتنازل عن مطالبك لبعد حين انت عارف ان حلايب سودانية ضاعت بالاهمال من جانبك بالصمت وانت عامل نايم وساكت في كل فترة يعملوا فيها العجب ليثبتوها عملوا تنمية في حلايب ليه عشان المواطن في حلايب يغر بأنه تابع لمن قدم له تنمية وكمان جنسوا السكان هناك وهم الان يعملون لتغير الخارطة وفعلا غيروها بموافقة الجامعة العربية والشي المحير السودان فيها ولم يحتج مع أن الخرطة العالمية حلايب في حدود السودان والله بهذا التباطؤ يغيروا خريطة العالم المصرين ديل أولاد لذينا يغيروا أي شي وماتتسوا ممكن العالم الغربي يوافق علي طلبهم بتغير خارطة الأطلس العالمي ليه لأنهم ازكياء بيعرفوا يشتغلوا صاح ولأن صاحب ألحق نايم وساكت ولم يجتهد كما يجتهد المصرين في كسب القضية ودايما حكام السودان كهذا بسبب التباطؤ والتخازل غرقت وادي حلفا واخز السودان أقل من الربع مما تأخذه مصر من حصة مياه النيل برضو القشة الحكومة نايمة وتباطوا وسكون والحبش بيعملوا فيها العجب رغم أن الإعلام السوداني تكلم والمواطنين في الحدود تكلموا وممثل المنطقة تكلم لا حياة لمن تناد ولازالت محتلة من قبل الحبشة بس فلاحة البشير من يعترض لحكومته بالكتابة أو بالتظاهر يلاحق وبجيبوا خبره بس غير كده لا يهم حكومة البشير ازفت حكومة وافسد حكومة ضيعت المليارات في صفقات فاسدة وآلات ومعدات عاطلة وأسمدة ومواد فاسدة ومشاريع فاشلة ومنهاره ولا تنسوا أن تلك المليارات عليها فوائد وكل ثروة السودان ستكون رهن للدين الأجنبي المفروض هذا النظام يحاكم علي ضياع تلك الأموال وضياع الجنوب وخلايب والقفشة ويسأل عن أين أموال الذهب من 89 السودان ينتج ذهب أين الفلوس يا حرامية تلك الأموال المفروض تعمل نهضة ماحصلت في العالم بس منو القلبه علي الوطن حتي شعار الخطوط باع كل شي باع وبارخص الأثمان الله يرحنا منك يا بشير مثل ما ريحنا من الترابي صاحب الفساد في الدين لذلك بقت النساء في السودان مطربات وإقصاء وبل مغتربات من دون محرم وخربوا النفوس والضمير وضيعوا الإنسانية نعلة الله علي البشير والكيزان