الحسن الميرغني يتغيب عن أداء القسم ويحضر مباراة الهلال والمريخ
غاب مساعد أول رئيس الجمهورية، محمد الحسن محمد عثمان الميرغني، عن أداء القسم أمام رئيس الجمهورية بالقصر الجمهوري أمس، في وقت رجحت فيه مصادر عليمة عدم رضائه عن اختيار القائمة التى دفع بها والده وإهمال قائمة مناصريه فى الحكومة. غير أن مقربين من الحسن أكدوا أن غيابه كان بسبب اختياره ضيف شرف لمباراة الهلال والمريخ التى جرت أمس بإستاد الهلال برسم البطولة الإفريقية.
وقال مصدر، مطلع لـ”الصيحة”، إن الحسن أبدى غضباً جراء تعامل المؤتمر الوطني مع قائمة والده وإقصاء مناصريه من الوزارات الاتحادية لافتاً إلى أن الحسن بدأ يفكر باتخاذ خطوة جادة والتقدم باستقالته من منصب مساعد اول رئيس الجمهورية، مشيراً إلى أن الغياب وان كان لحضور مباراة الهلال والمريخ، إلا أن الحسن تعمد الغياب رغم وجوده بالخرطوم.
وفي ذات الإطار، اعتبر بيان أصدره المكتب السياسي الإنتقالي للحزب الاتحادي الديمقراطي (الأصل)المنشق عن قيادة محمد عثمان الميرغني، أمس أن المشاركين باسم الحزب في حكومة الوفاق الوطني “لا يمثلون إلا أنفسهم بنص دستور الحزب”.
صحيفة الصيحة
الزول دا شكلوا حيقضيها كلها دافورى .وطهور .وسماية وعقد. ورفع فراش. شكلوا بتاع ولائم ومجاملات مسكين شعب السودان كلوا ما نافع اسلاميين اتحاديين حزب أمة حركات نهب .. حكومة ذي طربيزة القمار لامة كل البلاوي …
افضل شي تعملو قدم استقالتك وروح في 60X
اصلا قاعد في القصر بدون شغل ومجاملة البشير لن يوافق بأن تادي القسم بعد غيابك دا..الرجل قاليها جنينة الميرغني ولا شنو.
البحضر في الكوره دا والله م عنده مسؤوليه والحسن دا يطلع شنو يوم لندن ويوم في القاهره واصلا هو م عارف الشعب يعاني كيف عشان يتحمل مسؤليه والله يا البشير أي وزير تعينه عن ترضيه ربنا يحاسبك عليهو ودي سوف تكون مسؤل عليها أمام الله الحسن هو نفسه م عارف ماشي ع وين كمان تعينه في منصب عشان يخدم الشعب .
السودان للسودانيين…عهد سيدي وعهد الجهل اصبح من الماضي …السودان حر
انا ما عارف الزول ده بيرضوه ليه
خلوهو يضرب راسو بالحيط
سبحان الله قال احتمال يكون ماراضي ….والله البلد دي فاقده راجل ود رجال يادب الجماعه ديل من كبيرهم الي صغيرهم ..وبعدين الحكايه شنو شغله تحير ديل اولاد المهدي وديل اولاد الميرغني وشي ماعارف بكره يطلعو ليك اولاد علان وفلتكان..حكومه شغلها الشاغل هو ترضيه ابناء المعارضين ..ياخي ريحونا واقلبو الحكم ملكي اتوارثوها مابنسالكم ..نسال الله ان يرينا فيكم عجائبه وان يسلط عليكم ملائكته كم تسلطم علي عباد الله
نفس الحركه دي عملها لما عينوه قبل كده في وظيفه مساعد الريس
السبب هو يعتبر نفسه في مقام أعلي من الآخرين
ولازم تتعمل ليه مراسم خاصه به للقسم
سبحان الله
لم يحضر لانه عرف من مصادره انه مافي فته علشان كده ماجاء …..ياخي روح ان شاء الله ماتجي لي يوم القيامه .
يا شباب الولد دا بطبق في تعليمات المخابرات المصرية، مطلوب منو عدم الاشتراك في الحكومة الجديدة بقصد اضعافها و اخراجها مهزوزة لا تقو على الانجاز او تحدي الارادة المصرية.
(( في وقت رجحت فيه مصادر عليمة عدم رضائه عن اختيار القائمة التى دفع بها والده وإهمال قائمة مناصريه فى الحكومة.))…. يا زول نسيت إنو :- إنت ومالك لأبيك؟ .