والي الخرطوم: الكباري منذ الإستعمار (4) وارتفعت في “الإنقاذ” لثمانية
كشف والي ولاية الخرطوم، الفريق أول ركن عبد الرحيم محمد حسين، عن اعتزام ولايته إنشاء جسر جديد خلال العام القادم، وقطع في الوقت ذاته بحل مشاكل كبري الدباسيين وتوقع أن يتم افتتاحه نهاية منتصف العام المقبل.
وقال في كلمته في احتفال تدشين كبري سوبا شرق “تبقت 10 جسور نأمل في تشييدها وفقاً للمخطط الهيكلي ووصف افتتاح كبري سوبا شرق بالإنجاز العظيم، وقال إن عدد الكباري في السودان منذ الإستعمار بلغ اربعة كباري وارتفع في عهد الإنقاذ الى ثمانية حيث يحتل كبري سوبا شرق الكبري السابع والثامن كبري الدباسين، ولفت الى أن شبكة الطرق بالولاية وصلت إلى 4 آلاف كيلو بعد أن كانت لا تتجاوز الـ500 كيلو فقط قبل مجيء الإنقاذ، ونوه الى أن المخطط الهيكلي للخرطوم يستهدف إقامة 22 جسراً على الضفاف الست، 12 جسراً منها بالعاصمة، واشار الى إكتمال أعمال صيانة كبري الحديد بأم درمان لمدة 75 عام جديدة بالاضافة الى صيانة كبري القوات المسلحة، ونوه الى الولاية ستبدأ في صيانة كبري بحري الحديد وكبري المك نمر. من جهته قال معتمد شرق النيل الجيلي عبد الله إن مساحة الكبيري بلغت 3500 متر.
الخرطوم: سعاد الخضر
صحيفة الجريدة
أى صاح تمام …… الدليل على كدا انو الشعب جعاااااان وهفتان والبلد كلها أمراض فتاااكة والقروش ماشة للمشاريع اللى بتستنزف اموال البلد الذى هو فى أشد الحوجة إاليها …..ياخى سدوا رمق الناس الأول وعالجو مياه الأمطار وعالجو الأمراض وأشياء اهم من الكبارى بتاعتكم ….. بعدين صاحبنا مدور رقيص بعصايتو ديك دا كلو يعنى عشان افتتاح كبرى داخل البلد !!!!!!! طيب لو كان جسر بيربط السعودية كان عمل شنو كان جاب ليهو دلوكة وانصاف مدنى وحنان القلعة وحنان بلوبلو وقعد يهز
ياراجل اتلهي واشفط ريالتك دي قبل ما تملا هدومك. لكن الخرطوم كانت اجمل من دبي والرياض والجنيه بيكفي اسرة كاملة وزول وااااااحد بس بيصرف البيت لكن في عهدكم حتى الفتيات اغتربو للخليج عشان يكفو البيوت وفي عهدك انت بالذات اسوأ مهازل حصلت من دفاع بالنظر واكوام وساخة ماليها حد والقائمة تطول. انتو بس لو اخلصتو للشهداء الماتو في الجنوب ربنا بيفتحا علينا وعليكم.
وشوارع الخرطوم ايام الاستعمار كانت تغسل بالصابون.والان الخرطوم بقت اكبر مقلب للزبالة فى العالم واوسخ عاصمة .
ماذا يفيد سكان العاصمة سعادة الوالى اذا عملتو كبرى كل مسافة 100 متر وهى لاتشبه العواصم العالمية حتى دول الجوار الاقل منا امكانانيات وكفاءات .
الزول دا ما بيعرف يعد كافي البلاء…كبري النيل الأبيض والحلفايا وتوتي والمك نمر والمنشية و سوبا ..ديل 6 كباري في عهد الإنقاذ ولو عدينا معاهم الدباسين حيبقو 7 وفي كوبري القوات المسلحة وشمبات في عهد نميري علي ما أعتقد ..كدا 9 ..غير كبري بحري القديم وكبري أم درمان القديم ..كدا 11
الانغاز تركز على الكمية و تهمل النوعية
لولا الفساد و السرقة لايدناكم
فرحانيين على شنو بالله من 2011 يخلص بعد منتصف 2017