65″ ألف حالة طلاق بمحكمة واحدة اختصاصي: سياسيون مصابون بأمراض نفسية تبوأوا مراكز كبيرة بالبلاد

اختصاصي: سياسيون مصابون بأمراض نفسية تبوأوا مراكز كبيرة بالبلاد.

فعلا كلام الدكتور دا صح ميه في ميه , لأن :
– اي سياسي شايف نفسو فوق الجميع و الافضل و غيرو ما موجود هو بس الانسب للقياده , زي دا مريض نفساني , عشان القياده المعاصره مؤسسات مش شخصنه.
– اي سياسي سرق و عمل ليهو عمارتين و مزرعه و شركه و لسه داير يبقي في السلطه عشان يسرق زياده دون التفكير و لو للحظه بفقراء بلاده , زي دا مريض نفساني و عشان قايل قروش البلد دا كلو ليهو و لاهلو بس و ما عارف الاقتصاد السياسي محاسبه و ضمير جمعي و حب الخير للناس جمعاء و ذلك ركن المؤسسيه الاقتصاديه.
– اي سياسي يعين اهلو و اقاربو و محبيهو و شلتو دون المعايير الوظيفيه و شايف السلطه دا وراثه , زي دا مريض نفساني و ما عارف الخدمه المدنيه مؤسسه عدليه لكافة المواطنين و هنا تكمن العداله الاجتماعيه و التكافل و الوطنيه .
– اي سياسي معين في وظيفه وهميه عشان ينهب المال العام و كمان لسنين و ما يؤنبو ضميرو للحظه و شايف هو احق بيهو , دا مريض نفساني عشان ما عارف دي سرقه مال عام كان اجدر بان يصرف في الدواء او المدارس.
-اي سياسي معين بالترضيات في وظيفه ما منتجه عشان بس ياكل , مريض نفساني عشان كضب لناس يصلح ليهم البلد و رجع ينهب في البلد ذاتو عشان دا ما عارف هو قد يعطل اهلو اكتر من ينفعهم .
– اي سياسي مسئول شغال كمشونات و هبات داخل شغلو مع المستثمرين , دا مريض نفساني عشان ما عارف اللي بيسوي دا هو الغلط زاتو اللي بياخر البلد .
-اي مسئول سياسي ياخد حوافظ في شغله هو ما عملها و راضي بيهو من خزينة المال العام , دا مريض نفساني .
– اي سياسي يجمع بين اكثر من وظيفه سياديه وهو ما قدرها و لا ليهو وقت ليها مخلوع نفساني عشان شايف ما في زول غيرو احسن منو .
– و اخيرا و ليس حصرا و اي سياسي يجمع بين وظيفة دوله و التجاره في السوق و كمان بيسأل السوق بيغلاء ليه مريض نفساني عشان ما عارف هو السبب في غلاء السوق باستخدام حصانتو السياسيه في السوق.