شعراء من السودان يتألقون في أمسية الشعر الشعبي بالشارقة
نظم مركز الشارقة للشعر الشعبي بدائرة الثقافة والاعلام بقصر الثقافة بالشارقة أمسية بعنوان «شعراء من السودان» ضمن فعاليات ملتقي الشارقة للشعر الشعبي جاءت بحضور عبدالله العويس رئيس الدائرة، ابو بكر محمد نور نائب القنصل السوداني بدبي، عمر محمد صالح الملحق الثقافي، محمد القصير مدير إدارة الشؤون الثقافية، وراشد شرار مدير مركز الشارقة للشعر الشعبي. وجمهور غفير من السودانيين والعرب والمثقفين .
وادارت الامسية الاعلامية بدائرة الثقافة بالشارقة والقاصة والكاتبة الصحفية نعمات حمود التي أشارت إلي أن الشعر الشعبي في السودان يعد من مصادر التاريخ ، وقالت ان الشعر الشعبي بالسودان غني بتنوعه وتنوع موضوعاته ويطوي في ثناياه مخزونا غنيا من المعاني والمضامين، وان الدوبيت والمسدار هما الشكل المتطور للأشكال الشعرية التي تمثل التعبير الصادق عن مبادئ الانسان السوداني وتصوراته ومُثله الاخلاقية وقيمه الاجتماعية.
وقرأت الشاعرة نضال الحاج مقدمة برنامج «قهوتنا» بتلفزيون السودان قصائد: البنية الفجتك، انا بريد البحر، وطن .. فنان، وفيها تقول: «منوالخلاكَ فينا وطن/ ملان ايمان من الفاضي و معبأ من المسافة سكن/ منو الغناك وبيك رطن / منو السندك علي ضهر الزمان الشوم ملاك محن/ منو السكبك عقاباتك/ منو الرفعك غنا ودوباي بعطر فيض مساحاتك / منوالدلاني لي ارضك عشان اسكن مساماتك/ منو الختاك في ذاتي وملاني صبابة من ذاتك/ بدور تفتح عويناتك/ تلاقي الاولياء الصُلّاح تلاقي عقاب وليداتك».
وتناول الشاعر محمود الجيلي مقدم برنامج «ريحة البن» بقناة النيل الازرق ومدير البرامج باذاعة هلا 96 في قصائده ماضي وحاضر ومستقبل السودان وقدم « انت الفرِض/ انت الأصول الراسخة و الحب القديم/ انت المعزة الشامخة و الطول و العرِض/ انت البلد/ انت الأماني البُكرة للبت و الولد/ انت الأراضي البِكرة لا عد لا عدد/ انت الكريم بالفطرة زيّك ما اتوجد/ يا ربي يحميك لينا من عين الحسد/ يا بلدي يا نور العيون/ سوداني يا أجمل بلد».
وقرأت الشاعرة ايمان المتوكل قصائد احتشدت بالرمز وتغنت للإنسان وللإنسانية وللحب والجمال، فقرأت قصائد: الغربة، قومي ثوري، الصباحات مستبده، يا الله أديني اليقين.
واختتم الأمسية الشاعر صلاح الزبير مقدم برنامج «طرب الغبش» بتلفزيون السودان، بقصيدة مهداة إلي رائد وراعي الثقافة العربية صاحب السمو الشيخ الدكتور سلطان بن محمد القاسمي عضو المجلس الاعلي حاكم الشارقة، يقول فيها «سلام يافخرنا العربي وتمامة الحيل/ وسلام يا فارس اليوم البريع الخيل/ جيت شايل حروفا من جواهر النيل/ امدح بيها وارث العزة جيل عن جيل/ انت الخير وانت الرفعة وانت أصيل / ونظم القافية في حضرة سموك بخيل/ يا الباقي لنا في كبس الظلام قنديل / وباقي تملي لي دمع اليتيم منديل».
صحيفة الصحافة.
