كوش نيوز: وزارة الدفاع السودانية تعكف على تقييم مشاركة القوات السودانية باليمن

ماااااااااااافي اي ايجابيات
سحب وفورا من غير تفكير
يجب تدارك الخطأ بصورة عاجلة
اليوم قبل الغد يا مواسير

قرار سحب الجيش السوداني وفوراً يجب أن يتم وبسرعة في ظل الوضع الإقتصادي الحالي ولحماية الأمن القومي للبلاد. فضلاً عن أن المشاركة في حرب اليمن قرار خاطئ ولابد من تصحيحه الأن قبل فوات الاوان.

والله أنا في رأيي الخاص شايف إنو من الأفضل سحب القوات السودانية من اليمن بالكامل وفورا والخروج من التحالف بدون تحقيق أو تقييم أو غيره ، لأنو الشغلة دي واضحة وضوح الشمس ، مافي أي إيجابيات من مشاركة السودان في الحرب دي نهائي
بل بالعكس … خسائر في الأرواح والأموال والعتاد ، والحرب ليها أكثر من 3 سنوات بدون منتصر وشكلها ما حتقيف قريب
بعدين السودان مشارك في الحرب دي بدون أي مقابل من دول التحالف ، على الأقل كان يساهموا في حل أزمة الوقود الراهنة
غير كدا تصاعدت دعوات في مواقع التواصل الاجتماعي تدعو الحوثيين لقصف الخرطوم بالصواريخ البالستية زي البيحصل في السعودية حاليا ، وأنا متأكد إنو السودان ما عندو إمكانيات اعتراض الصواريخ دي
وبعدين الحاجة المؤسفة إنو التحالف بيقصف ويقتل المدنيين الأبرياء العزل من دون أن يرف له جفن وكأنو الحاجة دي عادية عندهم ، وأنا شايف إنو دا السبب الأقوى البيدعو لسحب القوات السودانية من اليمن ، لأنو في الحالة دي بنكون شركاء ليهم في الجرائم البيعملوها دي وبتبقى في رقبتنا بعدين
الخلاصة إنو قدر ما تتلفت يمين وشمال ما بتلقى فائدة واحدة من مشاركة السودان في الحرب دي ، فالأفضل إنو القوات تسحب فورا