تعرضت الإعلامية والشاعرة السودانية المعروفة وئام كمال الدين لمقلب عنيف من قبل الإعلامي مازن تامر وفريق عمل برنامج المقالب “عليك واحد” الذي يذاع على شاشة قناة سودانية 24.
البرنامج الذي تقوم فكرته على دعوة النجوم والمشاهير لعمل إعلان تلفزيوني ومن ثم مداهمتهم واتهامهم بالمتاجرة في المخدرات بعد تفتيش سياراتهم.
وبحسب ما شاهد محرر موقع النيلين فإن ئام فقدت أعصابها وظهرت متوترة لأول مرة وعلى غير العادة, حيث هاجمت مازن بشدة وانتقدته بسبب ضحكه على الناس وهم متوترون وفي حالة من الإنهيار نتيجة المقلب.
محمد عثمان _ الخرطوم
النيلين
وئام كمال احييكي
انسانة واعيه وثابته حتي لمن كانت بتتكلم كانت بتتكلم بهدؤ
وباحترام شديد جدا ده يدل علي انها انسانه واعيه جدا
بس لمن نجي بصوره عامه لرجال المكافحة والامن والشباب الممثلين يظهر عليهم ماشافوا
افلام اجنبيه او عربيه حتي . عشان يعرفوا كيف يتعاملوا مع المجرم او حتي مع المواطن بطريقة حضاريه
اهو يوميا في رمضان ده بالزات عندنا شنو في البلد دي غير اننا
نشوف المسلسلات والافلام الاجنبيه هسه انا من شدة ما حفظت الممثلين الاجانب
حاسي بنفسي بتكلم لغة انجليزيه مابطال ومعاها دراب من اللغة الهنديه كمان
اها بمتابعتي الكتيره عرفت كيف الاجانب ناس الامن او المخابرات بتعاملوا مع الناس
بالزات الامريكان ديل ناس الامن عندهم اسلوب راقي جدا في التعامل مع المجرم
المعلومة بعرفوا كيف يطلعوها من المجرم وبطريقة محترمة جدا
الا في حالة المجرم يكون عنيف معاهم اها هنا بوروه العنف كيف .
طيب نرجع لموضوعنا بتاع وئام كمال
انا اتفق معاها بانو ماممكن الناس اعصابها محروقه وتاني تجوا تحرقوا ليهم اعصابهم عشان تخلقوا
من المواقف دي نكته او ضحكه ابدا مافي زول بضحك علي المواقف دي بل الناس بتعاطفوا مع الضحية
عارفين ليه هسه في التمثيل بتاع الموقف ده العامل فيها ضابط مكافحة بحاول يعلي صوته عشان يعمل فيها عنتر
طيب انت لمن قلت انا ضابط مكافحة تلقائيا الضحية بيكون مستسلم ليك يبقي انت في الحالة دي خليك هادئ
الشئ التاني بالمنطق رجال الشرطه لمن يدخلوا محل او بيت او مصلحه بيشوفوا الناس اصحاب المحل
او البيت او المؤسسه في الاول اما الضيوف الضغط عليهم بيكون طبيعي جدا
دي من الحاجات الناس ماقادرة تفهمها . بعدين في هباله كتيره جدا في التمثيل
الهباله دي قلنا عاديه لانو حتي الممثلين الكبار عندنا عندهم الهباله دي
بعدين الناس لمن يفكروا في عمل درامي بحاولوا يعالجوا بيهو حاجه في المجتمع
لكن انتو دخلتوا في حته ميته جدا وعايزين تعملوا فيها انكم صاحيين ومتابعين تجارة المخدرات
ضحكتوني والمخدرات بتدخل البلد في وضح النهار بكل حدود السودان وحتي بالميناء يعني بالميناء
والحمد لله جاتنا في التلفزيون حقكم ده وشفناها ولحدي هسه ماشفنا مجرم اتحاكم ولا حتي تاني اتكلمتوا في الموضوع ده
يبقي تاني موضوع المخدرات ده البتعاطف معاكم فيهو منو ؟ مااظن
في حياتي ما شفت سخف كهذا يا اخي دي لا كره خفيه ولا مقلب دي وكنتوا فيها دمكم ثقيل خالص نتمني إلغاء هذا البرنامج من حتي ما تكرهوا الناس لأنه ما عالج اي مشكلة وما هادف خالص
وئام كمال الدين اول شئ ما بتعرف شغل البزنس رغم مقابلتها لي دعاية لي شركة صاحبها مصري يعني شغل بزنس للاسف للاسف الشديد شغالة في S24 مقدمة برنامج وشاعره وبرنامج عليك واحد ايضا بيقدم في S24 يعني ما مفروض تعطي محاضرة نقض لي مقدم برنامج عليك واحد وزملها في نفس القناة هي شغاله نقطة سالبه عليها الشئ الثاني ما عندها ثقافة عامة رغم مقدمة برنامج وشاعرة ما تعرف الفرق بين صديق وصاحب
ي ود موسي مقوله مقال غايتو بالغته جنس بووووووووليغ
فتحي موسي المشهور ب ود موسي
في هذه الايام يظهر عليك سوق الدهب نايم كرهتنا الكتابه يازول انا شخصيا وئام كمال الدين بعرفها معرفة شخصيه انسانه مغروره تستاهل