طلاب بجامعة خاصة يعتدون بالضرب على زميلهم لم يقاطع الامتحانات

للاسف الجامعة ليها الطلاب يقعدو للامتحان ما قعدو يتم رفدهم ماليها بالاعتصام ولا بتحمي الطلاب بعدين دي ياها الحرية والدمقراطية طيب الفوضي شكلها كيفففف كنا قايلين الكيزان هم أسوء البشر لكن الفترة الاخيرة افرزت حثالة من البشر ما كن نعلم انهم موجودين البيحصل دا اسمه ارهاب ووحشية لا ليه علاقة بثورة ولا يحزنون البحصل دا بينفر الناس ويأكد انه الطالعين في تسقط بس شلة صعاليق وفوضوية واصواتهم اعلي من قاماتهم ومنطقهم الهجوم علي من يعارضهم بالشتم والذم والبذاءة في مواقع التواصل وفي الواقع ما منطق عقل واقناع شى محزن لانه الواحد كان واضع فيهم امل اذا كان دا لسسه هم ما وجدو في البلد موطا قدم طيب حيعملوا شنو لو لا قدر الله اتمكنووا

للمعلومات الجامعة المذكورة هي الوطنية ولد قريبي بيدرس فيها طب وتعرض لنفس التهديد من زملائه في حال جلس للامتحان ووكيل الجامعة كان واضح انه الجامعة لا توفر حماية للاطلاب والخايف يقعد في بيته المشكلة هولاء الطلبة دخلوا جامعات بقروش اباهم السنة 92 مليون الجامعة بتدخل ميزانية دولة صغيرة طلبة في جامعات داخلين طب ب 50% نسبة لا تؤهلم لدراسة تخصصات عايزة ناس مجتهدة عشان كده الفوضي عندهم فرصة للتخلص من مسئولية هم في الاساس ما قدرها وامبارح كانوا محتفلين بتقفيل الجامعة والخلاص من الدراسة ومالين الواتس خلصنا من الدراسة عشان كده الثورة والمظاهرات ستار لبعض ضعاف النفوس