عمسيب: حمدوك عبارة عن كذبة كبيرة.. رجل متوسط القدرات

2019/08/27

مافي شئ أسمو نقيف مع حمدوك عشان البلد ما تنهار .. الأنقاذ دي واحدة من أكبر أسباب فسادها مقولة “عشان البلد ما تنهار ” .. ما هو سيناريو الناس تعمل حراك .. يختطف بواسطة مجموعة عسكرية .. تتفق مع مجموعة حزبية .. عشان تحكم لدورة أنتخابية كاملة بدون تفويض .. تمكن لنفسها في الدورة دي وتضمن أنها حتكون خيار الديموقراطية القادم .. أصلآ ما بنتفرج عليهو كالبلهاء .. ما حتختونا قدام الأمر الواقع زي ما الأنقاذ ختتنا قدام الأمر الواقع من نيفاشا ليوم الليلة ..

أتفاقية بدون أستفتاء شعبي عليها ما عندها سند .. أقلاه كان تستفتي الناس عليها .. يعني أنت ما مكلف نفسك عناء الأجابة على سؤال الشرعية اللي هو أهم سؤال في السياسة .. ولا عايز تصبغ شرعية على الأتفاقية بأستفتاء حتى لو “مخجوج” .. أيه البجاحة دي ياخ !

الأتفاقية دي كان جينا نلخصها .. هي خلاصة قعاد “البيوت ” .. أتفاقية قائمة على قعاد بيوت “أنيس حجار ” ومزرعة “فلان” ..الخ .. بنت المؤامرات والمحاصصات و “الدسدسة” .. بت ليل .. ما بت ضوء نهار ..

سقوط حكومة حمدوك ده عبأ الواحد حملو على أكتافو .. حمدوك ده عبارة عن كذبة كبيرة .. عبارة عن رجل متوسط القدرات ومدعي .. طارح نفسو كأقتصادي وهو ما بتاع أقتصاد كلي .. وأجابتو على سؤال فيصل محمد صالح أنو درس محاضرات مع طلاب ” under graduate ” ده عبارة عن أحتيال بس .. أحتيال فطير ما بنفي أنو الزول ده ما “أقتصادي مخلص ” ولا فريد زمانو .. ده زول “سياسي ” بيحاول يتدثر بدثار “المهنية والأحترافية ” ..

أحالات الرجل كلها لأثيوبيا .. ولدكتاتور قمئ زي ملس زيناوي .. ولأقتصاد هش زي الأقتصاد الأثيوبي .. ما الذي تحقق في أثيوبيا ونطمح لأننا ننجزو في السودان ؟ حقيقة يعني !

المهم .. التسويق لحمدوك أصلآ ما حيمرر علينا .. وخطة رفع الدعم عن المحروقات والدقيق و روشتة الصندوق التحت أباطو دي .. لو كان منتخب ما كان حيقدم عليها .. لأنها عندها كلفة سياسية .. لكن ياهو ما دام ما جابوك الناس فأنت ما ملزم بأجندتهم .. ملزم بأجندتك الجابوك .. وهم معروفين ..

قال مية دولار !

#حمدوك_ساقط_لا_ريب

إنضم لقناة النيلين على واتساب

مواضيع مهمة

ركوب الخيل لا يناسب الجميع؟ أيهما أصعب تربية الأولاد أم البنات؟ جسر الأسنان

هل تعقيم اليدين مفيد؟ الكركم والالتهابات أفضل زيوت ترطيب البشرة

2019/08/27

‫22 تعليقات

يقول wad elhooba:
2019/08/27 الساعة 1:15 ص
أعوذ بالله من المتشائمين الذين ينقلون الإشارات السالبة وتوتر الشعور السيء لدى الأخرين،،، قال الشاعر / أن شر الجناة في الأرض أناس * تتوقى قبل الرحيل رحيلا
1. يقول ساخرون:
  2019/08/27 الساعة 2:28 م
  “الدسدسة” !!
  يا راجل كيف الكلام ده ؟ !
  مش قالوا زمن الغتغتة والدسديس انتهى ؟
  واضح أن السودان خرج من نفق الدسدسة الكيزانية ، ليدخل في نفق الدسدسة اليسارية
  لك الله ياوطن
  وطنيااااااو
يقول حسب الله:
2019/08/27 الساعة 4:04 ص
معالجة أزمات الإقتصاد ما عاوزة مقدرات خارقة، عاوزة زول بفهم في الإقتصاد و يكون دغري ومتجرد لخدمة الوطن بعد كدا إذا رفعت العقوبات الإقتصادية بما فيها قائمة الإرهاب و حورب الفساد ووضعت سياسات صحيحة تخدم المصلحة العامة لا الخاصة فإقتصاد السودان قادر على التعافي الذاتي بدون حوجة لي معجزات أو رئيس وزراء حاوي
يقول ابو حميد:
2019/08/27 الساعة 7:12 ص
الزول ده منو (شر البلية مايضحك) ، قبل يومين كتب مقال بقارن سعر البنزين في السعودية والامارات بالسعر في السودان ، متناسي قوة العملة ودخل الفرد , ماتتهجموا على الصحافة خليك في حالك أحسن كلامك ده بتقال في جلسات عواميد الحلة (ماتتشةبر ساي). الله يوفقك في حياتك.
يقول كرنقو:
2019/08/27 الساعة 7:24 ص
عمسيب انتا جاي من ياتو زبالة عامل فيها ابو العريف وقارئ فنجان ومقددا انتا تنفع تكتب هلال مريخ بس ياهم شبهك ..
يقول الطاهر على ابراهيم:
2019/08/27 الساعة 7:48 ص
صدقت اخي الكريم .. تاني مافي قداسة لاي زول البيان بالعمل .. زمان شبعنا من حركات الاسلاميين وكمان جانا تدوير نفايات الشيوعيين .. بالله بطلو استهبال ما بمشي علينا لعب الاوانطة دا … دي سرقة لنضال الشباب ودماء الشهداء … الحق للشعب وما يجي واحد زي الصحفيين الهايفين امس ويقولوا كمان الناس اللي احتجت على حمدوك ديل رجرجة ودهماء .. بالله كمان دا نافع تاني … يلا بلا استهبال … حمدوك دا كذبة شيوعية فقط … والايام بيننا.
يقول عزالدين وديدي:
2019/08/27 الساعة 7:59 ص
ومن ات حتى تقيم حمدوك؟
يقول ود بندة:
2019/08/27 الساعة 8:10 ص
حمدوك غلطة كبييرة جدا
بكرة بقدم استقالته. غير مأسوف علية
لانه أجبر علي هذا العمل من قبل جبروت دولي واقليمي.
الوطن لا يبني بالتمني
1. يقول سوداني حزين:
  2019/08/27 الساعة 1:42 م
  ماشاءالله ودبنده الكوز ركبت الموجة شغلكم نضيف محل التيار ماشي تشوتة معاه انتو النيلين دي ماعندها أرشيف
يقول الزول:
2019/08/27 الساعة 8:15 ص
معالجة أزمات الإقتصاد ما عاوزة مقدرات انما تتطلب العمل الجماعي والعلمي و مابتعتمد علي شخص واجد مهما كانت قدرات هذا الشخص.
يقول ست النفر:
2019/08/27 الساعة 9:42 ص
وان شاء الله بتاع زراعة وبساتين ده ح يفهم في الاقتصاد !!
اذا كان هو اتوظف في الأمم المتحدة عن الواسطة كيف ح يقدر ينقذ بلد ؟
الاحرى كان يشتغل في الأمم المتحدة عن طريق القنوات ( الرسمية ) وهي المعاينات واثبات الاستحقاق والجداره ..
عامل كده زي فتيل المنكير !!
يقول taj:
2019/08/27 الساعة 9:42 ص
شكلك داير تشتهر بالسباحة عكس التيار
يقول حافظ:
2019/08/27 الساعة 11:55 ص
ياخى حرام عليك خليك متفائل او اسكت وخلينا من تنظيرك دى الواحد فينا لو جاتوا ملارياء واخد العلاج من اول حبه بتبقى كويس ولا بتنتظر تكمل باقى الدواء عشان تتعافى
خاونا نشوف جكتهم شنوا بعدين تعال اتكلم
يقول حيدر الفادنى:
2019/08/27 الساعة 1:15 م
عمسيب ولا عمجيب اخى انت من اى كوكب جاى ناطى علينا
وعامل فيها ابو العريف كل شى تفتة فيهو يا صديقى اترك الاحار يشتغلو
ويرفعو ليك بلدك ويوفروا ليك عيشه هنيه لك والى اولادك بلاش تشاااوم
شوف ليك اعمده رياضيه تكتب فيه كان تلقى ناس يقروا ليك
يقول حنان مكاوي:
2019/08/27 الساعة 2:11 م
أنت ثورة مضادة ومعك امثال ود بندة. كنتم تدافعون عن الحرامية والآن تهدمون الأمل. حسبنا الله ونعم الوكيل.
يقول هجووووم كاااسح:
2019/08/27 الساعة 3:58 م
ما هو سيناريو الناس تعمل حراك .. يختطف بواسطة مجموعة عسكرية .. تتفق مع مجموعة حزبية .. عشان تحكم لدورة أنتخابية كاملة بدون تفويض .. تمكن لنفسها في الدورة دي وتضمن أنها حتكون خيار الديموقراطية القادم .. أصلآ ما بنتفرج عليهو كالبلهاء*
1000000000000000%%%%%
كل الخوف كل القلق كل الكل
والاخوف مجلس عسكري مسكين ممكن اتخمي…..واخر دليل قبل بمسيحيه مرشحه من التغيير وهي علمانيه يعني بقوا سته……
يقول Waleed:
2019/08/28 الساعة 1:10 ص
ليتك تسكت
يقول ابو محمد:
2019/08/28 الساعة 6:54 ص
يا عمسييييييييب عاين طظ
يقول غزال:
2019/08/28 الساعة 9:08 ص
ههههههههههههههههههههههههههههههه ..
بطنى وجعتنى ..
قالو الما بشوف من الغربال ببقى اعمى
يقول د.علي الدهمشي:
2019/08/28 الساعة 11:09 ص
خالف تذكر
الحيوان المتشائم عايز شهرة
يقول الشاكوش:
2019/08/29 الساعة 12:06 م
تقول ( حمدوك ده عبارة عن كذبة كبيرة) ماهي مؤهلاتك حتى تقّيم راجل دكتور تشهد المنظمات العالمية بذلك .. وبصراحة شديدة أنت لست مؤهلاً لذلك والدليل أسلوب كتابتك بل لست مؤهلاً إطلاقا مع الأسف الشديد …
يقول ود الخضر:
2019/08/29 الساعة 1:42 م
يا اخوانا القصه ما انو حمدوك خبير ولا ما خبير البلد تبني بالمؤسسات و ليس بالافراد دون العمل الجماعي البلد تبني بالديمقراطيه و المدنيه و اصلا الناس ماقالت خلاص بي حمدوك كل شي بتصلح حكاية الرجل الخارق و لا الزعيم الخالد الخلود لله عفي عليها الزمن البلد تبني بالجميع و بالمؤسسات بلاش وهم

إنضم لقناة النيلين على واتساب

مقالات ذات صلة

الكلام ساهل … يا تنسيقيات

🔴 الطريق إلى مدني.. الوعد يقترب

مطار نيالا

معركة مدني تحسمها التفاصيل الصغيرة

على خلفية الدعوة لاسقاط حكومة بورتسودان

في الرد علي عمسيب.. وسعوا مدارك الفهم تسعكم مدارج الأرض

‫22 تعليقات