النيلين
رأي ومقالات مدارات

شهادتي للتاريخ ماذا قال لنا علي عثمان ونافع في ليلة التاسع من ابريل بدار الحزب !!

سيكتب التاريخ ان البشير هو الرئيس السوداني الذي نصحه الاعداء والأحباب بان يغادر كرسي الحكم ويترك للاخرين فرصة القيادة فقدم له الامام المهدي مبادرات عده من ابرزها قيام مصالحة وطنية وعفو عام نموذج جنوب أفريقيا ومبادرة اخري كانت قبل اشهر بتشكيل حكومة انتقالية بقيادة البشير ‘ وقدم له الراحل د.الترابي مشروع الحوار الوطني فتلاعب به بعضهم واحرقوا اوراقه ‘ وتحدث له قوش وقيادات الوطني بان يتعهد بعدم تعديل الدستور والالتزام بمخرجات الحوار الوطني ‘ وقدم شباب الوطني رؤية اصلاحية دعمها كل من يتهمهم بعض عضوية الوطني بالخيانة اليوم فكان علي رأس الداعمين لتلك الوثيقة الاصلاحية التي قدمها الشباب قبل اشهر بسيطه السيد (قوش) وغيره من قيادات الحكومة ‘ تحدث قيادات الحركة عن الفساد وطالبوا بمحاسبة المفدسين فما وجدو غير الابعاد وكانت الكلمات الفاصلة في النهاية يوم ٩ ابريل حيث سمعتها ممن قالوها شخصيا فليصدق من يصدق وليكذب من يكذب !!

قال لنا د.نافع حوالي الواحدة ظهرا بعد ان تبسم وكان بصحبتي لفيف من الاخوان الذين كان همهم مصلحة الوطن والوطني منهم علي سبيل المثال لا الحصر عبدالماجد عبدالحميد وحببب الله المحفوظ ونجلاء المكابرابي ويوسف عبدالمنان مولانا هاني تاج السر واخرين ظلوا كالجبال الراسيات في احلك الظروف واصعبها ‘ حيث قال د.نافع (بتقولوا نافع دا مالو بضحك اكون معاكم صريح ومن الاخر في اشكالية داخلية انا داخل اجتماع الان لو اتحلت ‘ الموضوع دا بنتهي الان ما اتحلت البحصل يحصل)

وفي نفس اليوم عند تمام الساعة التاسعة مساء سمعت الشيخ علي عثمان محمد طه وبشكل حاسم يامر احد الشباب و(كنت حينها اتوضاء داخل مقر الحزب تحت قاعة المكتب القيادي )
حيث قال (زول يفض الاعتصام نهائي مافي) !!

حينها علمت ان السيد الرئيس البشير الذي اتي لدار الحزب تحرسه قوات الداعم السريع انه اصبح من الماضي فلقد قررت لجان الامن المعروفة والتي تتوسد التراب بذهاب البشير !

بعدها ربما تدخل بعض أصدقاءه من الدول العربية ولكن من تجربتي ان رجال الجيش والامن الذين دخلو عوالم السياسية وان اختلفنا معهم فهم (فراس) كحال غالب اهل السودان فرفض البشير كل الفرص التي كانت تجعله مثل بن علي ‘ وقال (انا لا اهرب) !!

وقضي الامر !!

يجب محاسبة كل من افسد ان كان حاكما او معارضا من اجل سودان واعد

محمد النظيف

8 تعليقات

خالد علي 2019/09/15 at 7:15 ص

أنتو قلعوكم قلع بلاش إستهبال معاكم .. ناسك ديل قبضوهم في الحدود هاربين كلهم

رد
محمد ابراهيم عبد الرحيم السنوسي 2019/09/15 at 7:32 ص

اتوضا…… وشيخ علي ….ز الخ

منافقين وتاني مافي زول دايركم ……………..

شبعتوا قروش وعمارات وسيارات من دم الغلابة

تبا لكم ولمن قام بتربيتكم …………………………….

……………………………….. حجرم ………………….

رد
ابو عبدالله 2019/09/15 at 7:34 ص

خلاص عايزين تختوها فوق راس الرئيس وتهربوا كلكم..؟؟؟!!!!

رد
ابو عبدالله 2019/09/15 at 7:42 ص

آلآن..؟؟
بعد تلاتين سنة يا داب اصبح همكم مصلحة البلد ؟؟؟
واليوم جايين تلمعوا بعض الشخصيات عشان يلقوا القبول لدى الشارع وتتسللوا الى السلطة مرة اخرى
هيهات..
لقد خبر الناس كذبكم..
حصل انا كضبت عليكم قبل كدا ؟؟!!!

رد
جميل بثينة 2019/09/15 at 10:12 ص

بعد ايه كل كوادر حزب المؤتمر الوطنى حرامية واشتركوا فى نهب وقتل
واغتصاب وتقسيم البلاد من اليوم لا مكان لكم فى الحكم هذه البلاد
ايها المجرمون

رد
حَمَدوك بي فتح الميم 2019/09/15 at 10:50 ص

( وكنت حينهااتوضأ داخل المكتب القيادي)
هسه العباره دي علاقتها بالموضوع شنو ؟؟
يعني عايز تقوليها شنو مثلا
مقرفين انتو ياخ

رد
حسن 2019/09/16 at 8:32 ص

شفت علي عثمان دي لو طار بين السحاب
ما بتقدر تسوقه حتى للأغبياء
قال مافي زول إفضوا إفض
أقول ليك وله بتزعل

رد
محاسن الصدف 2019/09/16 at 1:07 م

تنظيم الكيزان الارهابي عبارة عن piece of trash

رد

اترك تعليقا

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.