النيلين
سياسية

“حمدوك” يُلوّح بالجنسية “المزدوجة” لمواطني “دولة جنوب السودان”

شدد رئيس الوزراء السوداني، عبدالله حمدوك، على عدم وضع العراقيل أمام حرية الحركة للمواطنين بدولتي السودان و”الجنوب”، مشيراً إلى أنهم يطمحون لعلاقات ثنائية تلغي موضوع “التأشيرة”، ونبه إلى أن رؤيته للمسألة هي السماح لمواطني “الجنوب” أن تكون لهم جنسية مزدوجة.

وأوضح رئيس الوزراء أن مسألة الجنسية المزدوجة لمواطني الجنوب، يجب ألا تكون مقابلها مطالب بمعاملة مثيلة لمواطني السودان.

وقال حمدوك في حوار مع صحيفة “الموقف” الناطقة بالعربية في جوبا، إن السودان الموجود حالياً ساهم في بنائه “الجنوب” وإنهم كانوا مع بعضهم البعض في وقت سابق.

وأوضح حمدوك أن الظروف التاريخية اقتضت تقسيم البلد إلى سودان وجنوب السودان، مضيفاً بأنه لا يمكن العودة لمعالجة التاريخ، لكن في مقدور الجميع أن يعالجوا المستقبل.

وأشار رئيس الوزراء إلى أنهم يطمحون في أن تكون علاقات الدولتين متميزة لأنهما شعب واحد في دولتين، متابعاً “لا أفتكر أنها مصادفة أن نحتفظ نحن في الطرفين بكلمة سودان، فالجنوب كان يستطيع أن يغير اسمه ويختار أي خيار آخر”.

وأضاف حمدوك قائلاً “أنا أعتقد مع رمزية المسألة فهي لها دلالات عميقة، أن نظل محتفظين بهذه العلاقة مع بعض وألا نحدد لها سقفاً.

وكالات
شبكة الشروق

شارك الموضوع :

8 تعليقات

محمود 2019/09/18 at 12:37 ص

نطالب بترحيل اللاجئين الأجانب غير الشرعيين من دول الجوار من المدن إلى معسكرات داخل أو على حدود دولهم وعدم منحهم جنسيتنا إلا بشروط مثل استثمار 250 ألف دولار في السودان على الأقل كما تفعل دول العالم

رد
سودانى مغبووووون 2019/09/18 at 1:12 ص

الجنوب ساهم بشنو. فى بناء السودان؟
بطبالى السجاير.. ولا اللياسة بتاعت الحيط؟
قوم قد..
انتو وهم.. وحدين يحنسو فى الجتوبيين
وجزء منكم عامل فيها ابو اليهود.. والبعض يتجارى على المصريين ومطبالتيه للخليج والخليجيين.. والبقية للاوربيين وامريكا.
طيب الجابوكم ليهو تفضو ليهو متين ان شاء الله؟

رد
عباس 2019/09/18 at 9:01 ص

يازول ما تلعب بالنار
الجنوبيين انفصلوا الله يسهل ليهم
نجيبهم تاني نديهم جنسيتنا لي شنو؟؟؟؟؟

رد
Awatif 2019/09/18 at 11:26 ص

لا لا مافي اي طريقة الجنوبيين انفصلوا بى ارادتهم وبي نسبة مئوية عالية جدا يعني بصراحة كدة هم مادايرننا ونحن كمان ماعايزنهم

رد
الكوشى 2019/09/18 at 12:17 م

*أقتباس* وأوضح رئيس الوزراء أن مسألة الجنسية المزدوجة لمواطني الجنوب، يجب ألا تكون مقابلها مطالب بمعاملة مثيلة لمواطني السودان.*أنتهى الأقتباس*
بربكم هل باقان كان ممكن يجرؤ و يقول كلام زى ده دعك من شخص من المفترض هو المدافع الأول عن مصالح شعب السودان الجنوبيين أخوتنا نعم ولكنهم أختاروا بمحض أرادتهم وبنسبة 98.5% الأنفصال وللمفارقة نسبة ال 98.5% تعادل نسبة المسلمين فى السودان الآن

رد
أبو عزوز 2019/09/18 at 1:30 م

على كيفك إنتا ياخي!!!!!!ناس عملوا ليها إستفتاء وقالوا باي باي كرتوم …..جنسية مزدوجة شنو البتديها ليهم…خلاااص يعني حليت للناس المشاكل كلها اللي عينوك من أجلها وما فضل ليك إلا المواطن الجنوبي!!!!!شوف شغلك ياخي ………….

رد
فيصل الغالى 2019/09/18 at 10:40 م

ليس من إختصاص حمدوك وهو رئيس وزراء غير منتخب بل رئيس وزراء للأمر الواقع ليس من إختصاصه التصرف في مسائل مصيرية وليس من حقه أن يفرض رأيه على السودان وشعبه وأن يتصرف وكأن السودان ملك حر للحكومة الحاليه .. هذه مسأله خطيرة يجب أن يُسأل عليها حمدوك الآن وقبل أن يتصرف نيابه عن شعب السودان ورغماً عن أنف هذا الشعب ويعيد لنا هؤلاء مره أخرى بعد أن رفضونا وبإرادتهم الحره وذهبوا لسبيل حالهم .. عجايب والله !!

رد
Seddiq 2019/09/19 at 11:57 ص

الجنوب سبب تدهور أوضاع السودان لي يومك هذا.. حرب امتدت 30 عام وتكلفة الحرب كلها على السودان الشمالي… جنوبي ومشي في حال سبيلو وانفصل ب 99.9 ثاني عندك شنو يا حمدوك.. بلا جنسية مذدوجة بلا استهبال معاك… خلك في تطوير السودان.. بلا عبط معاك.. الزول دا شكلو اهبل اهبل…

رد

اترك تعليقا

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.