إفادات تنشر لأول مرة .. الترابي: أنا لم أقل (الشهداء ماتوا فطايس)

نشر أحد نشطاء الفيس بوك فيديو قديم للشيخ الراحل د. حسن عبد الله الترابي وهو يرد على أسئلة الحاضرين، ويدحض المقولة الشهيرة بأن الشهداء (ماتوا فطايس) في حرب الجنوب. وقال الترابي في مقطع الفيديو الذي لا يتجاوز الدقيقة والنصف: (الشهيد هو الانسان الذي يموت في الدين، وأنا لم أقل إنه مات فطيس، كذاب البقول أنا قلت كدا).

وأردف: (قلنا بعض الحكام يسلطون الناس للجهاد، ونيات الحكام هو أن الناس الفعالين ديل البعملوا الثورات مظاهرات والانقلابات يمشوا يقاتلوا بعيد. إما ماتوا وبعدين احتفلوا بيهم شهداء، أو ريحونا من الطرف الآخر). وأضاف: (خلفاء المسلمين قديماً أمثال الطغاة كانوا بعملوا نفس الشئ، لو قلت البجاهد بجاهد بنيته .. عشان يحمي بلدكم وحموها فعلاً).

وختم الشيخ حسن حديثه: (والشهيد بنيته وقلت بعض الناس بتخذوهم فقط عشان يبعدوا بيهم بعيد الطلاب النشيطين كدا خلوهم يمشوا بعيد يضاربوا بعيد مايعملوا مظاهرات. لانو اكتوبر قوموها منو؟ ما طلبة. والانتفاضة القومها منو؟ ما الطلبة، واذا قعدوا في الخرطوم بهيجوا البلد).

صحيفة الإنتباهة