شادية: إطلاق حمدوك حملة القومة للسودان تعني فشله كخبير اقتصادي وكرئيس وزراء.. عيب
اطلق حمدوك حملة القومة للسودان ..
وبهذا الخطاب أعلن علناً وعلى رؤوس الإشهاد فشله كخبير اقتصادي في ايجاد حلول إسعافية علاجية توقف تدحرج الوضع الاقتصادي السريع .. وأعلن فشله كرئيس وزراء في إدارة البلاد في هذا الوقت الحرج ..
لعيني كمواطن اتضح تمامًا تخبطه في كل الاتجاهات من سفر لأمريكا لفرنسا لالمانيا للإمارات ثم عاد وأعلن حملة يستجدي فيها الشعب المغلوب على أمره ان يدفع ..
أول كلمة اندفعت إلى بالي اول ما استمعت وشفت الخطاب هي .. عيب ..
عيب رئيس وزراء يطلع وينزل هيبة رمزيته لهذه الدرجة.. كان يخلي الخطاب ده لاي وزير من وزرائه ..
رد على عقلي: لكن كان لازم يطلع حمدوك بنفسه لانه لازم يلعب بورقة ابتزاز عواطف الناس واستغلال مكانته عندهم ..
و هنا ادركت حقيقة مهمة .. التوقيت ..
التوقيت عامل خطير ممكن يرفعك سابع سماء أو يخسف بك سابع ارض .. سر كل شي هو التوقيت ..
تخيل معاي لو كان حمدوك طلع شهر ٨ الفات اول ما مسك وقال خطابه ده .. كان كل الشعب تدافع للدفع .. حتى انا كان دفعت ..
لكن الان .. مرور كل هذا الوقت تعرى حمدوك أمام الناس واصبحوا يتسآلون وين خطتك الاقتصادية ؟
ما هي المشاريع وأوجه صرف التبرعات دي وأنت لم تعلن خطتك الاقتصادية ولم ينعقد حتى مؤتمرك الاقتصادي ؟
لماذا أخذت سلفة من صندوق الضمان الاجتماعي مال الغلابة والمساكين عشان تدفع غرامة المدمرة كوول امبارح وتطلع الليلة تشحد الشعب ؟ هل القومة للسودان تسديد لديون تعويض كوول ؟.
كم نسبة من الشعب المطحون بتقدر تدفع ولمدة كم ؟
تعداد السودان ٤٠ مليون .. عارف يا حمدوك في الأربعين مليون ديل في كم مشرد وكم فقير وكم لاجئ وكم عجوز وكم عاجز ؟
ولا ح تشيلها للمغتربين ؟
أسهل ده و لا أسهل تعتمد الحلول الاقتصادية ال اي رئيس وزراء همه الشعب كان عملها ..
مثلا
فتح الاستثمار الأجنبي ..
لكن ما ح تفتحه لانه سيضر وحوش السوق في السودان المسيطرين على الاقتصاد ودم المواطن ..
وغيرها من الحلول المطروحة واخترت تجاهلها عمدًا لمصلحة من يلعب خلف الستار .. واخترت المخرج الذي جربه قبلك نميري ومن بعده السيسي .. لكن يبدو انك لا تقرأ التاريخ.
Shadia Omar
ركوب الخيل لا يناسب الجميع؟ أيهما أصعب تربية الأولاد أم البنات؟ جسر الأسنان
هل تعقيم اليدين مفيد؟ الكركم والالتهابات أفضل زيوت ترطيب البشرة
كلامك جميل بس البلاد في حالة تدهور لازم نساهم وغير كده نميري عمل نفس التبرعات ليه ما قلتو فشل
اها يا ريس برهان
دي واحده من مئات شكرا حمدووك وردمتو ردم الجن…مابتزلو الشارع ولا بتدخلو النت
انتم ملوك اكتر من الملك
يعني انت بتدافع عن حمدوك اكتر من ناسو ولا الفهم شنو
الشارع كلو ضد حكومه حمدوك
متي تتحرك يا ريس وكل الظروف معاك
اقلبهم قلبهم بلاء
رمضان داخل والشعب قال الروب
لا عيش لا بنزين لا كهرباء لا عجين لا دين لا لا لا
والله تقلبوهم حاسس الله بفتحا لينا
حسوا يا ابطال مصنع الرجال
حمدوك رجل محظوظ استغل سذاجة قطاع كبير من الشعب السودانى لصالحه فهو رجل اكثر من عادى لم نسمع به من قبل لا فى عالم السياسة و لا الاقتصاد وهو رجل لا يدرى كيف تدار الدولة يجهل العسكرية و الخدمة المدنية و البرتكولات الدبلوماسية اوصلته حكومة الشير الى منصب مرموق فى الاتحاد الافريقى فلم نرى له اثرا او بصمة تنمية فى القارة المنكوبة جاء للخرطوم محمولا على اعناق المتوهمين المستبشرين بان القادم افضل و اسهل يمكن تحقيقه بالمواكب و الوقفات الاحتجاجية و الانتقام من الكيزان فتم الانتقام منهم صفوفا تتمدد وفقرا يتمكن و دينا و عرضا يستباح … افعل ما شئت و قل ما شئت يا حمدوك فقد يئس اصحاب الاعتصام منك ومن ات بك كما يئس الكفار من اصحاب القبور
رمي حمدووك بآخر كرت عندهم وهي النظرية الماركسية .
شخلع مافي الجيب يأتي مافي الغيب.
ونظرية مدرسة مشيل عفلق التانية .جوع كلبك يتبعك.
يلا ظروف التغير كلها اترصت .صف ..كما تراصت صفوف البنزين والجاز والخبز والمواصلات.
لازم نصوم رمضان بدون بني علمان.
قالت شنو نفتح البلاد اللاستثمار الخارجي هو منو بدخل يستثمر فى بلاد فساد وسرقة وحرامية وبلد معاقب اقتصاديا
وحروب فى كل مكان وداعم للارهاب اذا كان المغتربيين ما قادرين يحولوا قروش للسودان مين بيجي يستثمر
يا شادية يا فاهمة يعنى كل الناس ما بتعرف اقتصاد اليوم شادية ملكة الاقتصاد هى من تملك الحلول شعب ينتقد بس
ما بيعرف ينتج طيب انت ذاتك عملتى شنو لبلدك من مكان عملك اينما كان طبعا تنظير بس وانتقاد فى الفارغة والمقدودة
البلد ما فيها عمله صعبة واقتصاد متنهلى تماما ماذا يفعل الف حمدوك لها لازم كل الشعب يتحمل المسؤولية تجاه البلد
بلاش انتقاد فىالفارغة للاستهلاك الاعلامى
الناس ديل لا رجال دولة لا مرحلة كلهم موظفين وخبرتهم التي نسمع عنها كخبراء اقتصاديين طلعت ظراط كلاب ساي شماعتم الوحيده انو لسه في دولة عميقة متحكمه في مفاصل الدولة الاقتصادية ياخي حددوا للشعب العايزنوا شنو والواقف في وشكم شنو عشان الطوفان يجيهو يخموا ليكم الشعب دا ما عندوا كبير غير ربنا يا جاطت مره واحده يا انعدلت وريحتنا
انتو زعلانين لي شنو ؟؟؟؟????
مش الكيزان اتبرعو لي أفغانستان ؟؟؟
مش الكيزان اتبرعو لى غزة ؟؟؟???
وبعدين قروشنا ونحن أحرار فيها ان شاء الله مرة حمدوك تشتري بيها تياب ولا اتجنن بيها هل يخصكم ؟؟؟
قروووشنا ونحن أحرار فيها…
نحن ماعاوزين قروشكم ياكيزان عشان عاوزين نبنيهو بالحلال …قروشكم عندكم ✋✋✋
بس بزكركم بقول ليكم :
وللأوطان في دم كل حر
يدٌ سلفت ودينٌ مستحق …