طبيب سوداني: الى اطباء بلادي.. اوقفوا العبط الحاصل باسم الكورونا الله يهديكم
لا خير فيكم ان لم تقولوها ولا خير فيهم ان لم يسمعوها
الى اطباء بلادي : اوقفوا العبط الحاصل دا باسم الكورونا الله يهديكم ???
للأسف اتضح انو كلياتنا بتاعة الطب دي ما بتخرج اطباء بل مجرد روبوتات بتنفذ بوتكولات علاجية مكتوبة وجاهزة بدون ما تشغل كتلة الشحم الموجودة في هذه الجمجمة ❎❎❎
هب انو صدقنا انو كورونا دي موجودة وحقيقية وما عندها علاج ..
خلو بالكم انو عندنا ديشليون مرض للجهاز التنفسي والقلب معظمها امراض قاتلة وشرسة جدا وعندها نفس الأعراض بتاعة المحروسة كورونا دي ، تفتكروا انو الامراض دي حتدخل في إجازة احتراما للسيد كورونا؟؟؟،،
وانتو يا عشا البايتات يا ناس الوبائيات طلعتوا الناس ديل كلهم عندهم كورونا بالفحص الأطرش الاسمو RT-PCR وعالجتوهم حسب بروتوكول ال WHO “رعاها الله” اللي هي (بندول – دربات – فيتامين c … الخ) ودخلتوهم العزل وبقيتوا تعاينو ليهم بالرقاريق وهم بموتوا قدام عيونكم ..??
طبعا دا غير الناس اللي اتصلوا عليكم وقلتو ليهم ما عندنا ليكم مكان اعملوا علاجات بلدية واعزلوا نفسكم براكم .. ??
تفتكروا كم من ديل مات بي ازمة او حساسية او التهاب بكتيري او فشل في عضلة القلب او سرطان عمل موية في الرئة ….الخ مع العلم انو معظمهم كبار سن ولا يخلو احدهم من هذه الامراض ..
وازيدك من الشعر بيت، ، كم من الناس ديل ماتو بي سبب تقفيل المستشفيات وحجر الاطباء وسوء الخدمات الصحية واغلاق المعامل والصيدليات وانعدام الدواء وحظر التنقل بين الولايات وغلاء الاسعار وقطع المعايش والاثار النفسية للحظر والحبس في البيوت ???
والادهى والأمر ،، كم من الناس ماتوا بسبب الوهم والتضليل والتضخيم الاعلامي والترويع والهلع لما يعرف انو هو مصاب بي مرض ما عندو علاج فيا اما يشفى او يموت بعد اسبوعين وهو محبوس بين اربعة حيط لا بشوف زول ولا بتكلم مع زول ،، اكلو وشربو ونومو براهو زي الكلب ومنتظر ملك الموت يدق ليهو الباب في اي لحظة،، بالله انا لو كنت نصيييح وعملوا لي كدا ما حأموت ؟؟؟!!!
#تعديل
من ناحية احصائية في حاجة اسمها التوزيع الطبيعي )Normal Distribution ( بتنطبق على اي ظاهرة طبيعية بما في ذلك انتشار الامراض ، عادة في التوزيع دا بكون في 2.5% نسبة متطرفة من الجانبين ، يعني في 2.5% بموتوا و 2.5% ما بكون عندهم اعراض اصلا والباقين بتتفاوت نسبة الاعراض البتجيهم من خطيرة الى متوسطة الى طفيفة ..
فكل الحصل دا انو تم استغلال الانتشار الطبيعي للانفلونزا الموسمية وتضخيمها اعلاميا وترويجها على أنها وباء حقيقي، ولو تتبعت احصائيات كورونا عالميا فلن تخرج قيد انملة عن هذا التوزيع الطبيعي للأمراض
اصحوا يا أمة محمد
#وهم_الكورونا
ياريت الناس تشير البوست دا في اي مكان والعندو اعتراضات منطقية يرد بيها علينا
د. محمد ابراهيم الطاهر
ركوب الخيل لا يناسب الجميع؟ أيهما أصعب تربية الأولاد أم البنات؟ جسر الأسنان
هل تعقيم اليدين مفيد؟ الكركم والالتهابات أفضل زيوت ترطيب البشرة
بارك الله تعالى فيك
سهم في قلب الحقيقة في انتظار الكثير من أقوال الأطباء حول العالم.
رغم اني لا أؤمن بغير وباء الطاعون الذي حذر منه رسولنا الكريم صلى الله تعالى عليه و على آله وصحبه وسلم.
معناها ي دكتور يبجب فتح بلاغات ضد الكوادر الطبية التي تتصلت عن و اجباتها و تركت الناس تموت عمدا و هم غير مصابين بكورونا كما يجب اتهام عمبلوق و مجلس الأنعام و البرهان التوجم
ده تحليل اصاب عين الحقيقة فيما يخص بسلوكيات الأطباء خلال الازمة وهو انعكاس لسلوكياتهم بصورة عامة…يعنى انحصرت اهتمامات الأطباء (وانا اقول الأطباء دون الكوادر الصحية الاخرى ) فى الحديث عن توفير الوقود …ضعف المرتبات..سن قوانين لحمايتهم عند عدم التزامهم باخلاقيات المهنة فى التعامل مع المرضى والمرافقين كما علموهم فى الجامعات وتعرضهم للضرب…كل حديثهم كان يصب فى اتجاه مصالحهم دون الاهتمام بالبشر.
الغريبة الازمة دى بتهم كل الكوادر الطبية واكثر الناس تعرضا للاصابة هم قبيلة الممرضيين..الذين لم يهربو من المشافى وظلوا متواجدين فى ظل هروب الأطباء. .ورغم كده بنجد انو الأطباء هم الاكثر ضجيجا وازعاجا …
شعارهم يا اشيل قروشك ولا اشيل روحك
تحليل صحيح وان كنت اختلف معك فى حقيقة عدم وجود كرونا…لكن هروب الأطباء واغلاق المستشفيات جريمة لاتغتفر اودت بحياة الآلاف واعتقد انه بعد انتهاء الازمة لابد من تكوين لجان محاسبة للأطباء الذين هربو من تأدية الواجب ومحاسبتهم محاسبة صارمة لتعريضهم حياة الناس لاخطر
خلى الازمة دى تنتهي لانو بعدها لو جانى واحد قال لى انا طبيب حا اصمتو كف اخلى راسوا يلف لانهم ثبت بما لايدع مجالا للشك بانهم من اسوا البشر واكثرهم استغلالا لمعاناة الإنسان. ..
قال مهمة إنسانية قال. ..قوم لف ياخى بلا طبيب بلا وسخ
أطباء شنو ياخى ديل شفع الواحد منفخ فى الفاضى ويقول ليك انا نائب اخصائى..وصلها كيف؟ اترقى ليها كيف؟ ومتين؟ ما تعرف..
ويا ويلك لو اتكلمت معاهو ولا ناقشتو..اوعك تعملها لانو طوالى حا يقول ليك انت عاوز تورينى شغلى…
بلد جايطة وامه نايصه
لو بلد فيها قانون كلامك الفارغ ده يدينك و يسجنك.. الجهلة ح يصفقوا ليك لانهم كتااار للاسف.
حتى اكون منصفا معك قلت حقيقة واحدة.. لا يجب اهمال المرضى بامراض خطيرة اخرى
الباقي (هرار) ينفع مع المرضى النفسيين الما الغايظهم انو ود حلتهم بقى دكتور يقوم له الناس و يقعوا.. شفاهم الله ديل لكن ليس لهم دواء الا (البل) بقانون الاعتداء الجديد.
اشك انك دكتور ممكن تكون ديك بس عشان عامل انك انت بس بتفهم المرض غيرك من كل اصباء العالم جهلاء
مع الأسف الاخ دكتور رافع راسو جسد مشكلة الأطباء فى اهتمامهم بان (يقوم ليهم اولاد الحلة ويقعدوا ) ومع الاسف معظم الناس الدرست طب تطمح لما ذكره الشاب اعلاه…حتى هو ما عارف انو لقب دكتور هو لقب شرفى وانو هو طبيب..وانو الدكتوراة تعطى للأطباء وغيرهم بعد وصولهم لمستوى معين اكاديميا…
مع الاسف ده المستوى الوصلنا ليهو…عشان كده الناس لمن كانت بتنادى بقانون يعاقب على الاخطاء الطبية والاهمال الطبى وسوء معاملة المريض والمرافقين ما كان بتتكلم من فراغ..
ياخى الطبيب عندنا لا يعرف حتى ان للمريض حقوق…انا عاوز طبيب واحد يقول انو ولو مره قعد مع المريض وشرح ليهو طبيعة مرضو ونوعية العلاج وطرق اخذو الخ…ما فى ياخى… وزى ما قال الاخ فوق يا ويلك لو سالتوه..
الدكتور المعلق فوق ده فعلا زول وهم…قال الناس فى الحلة يقومو ويقعو ليهو..الزول عايش وين…هو الاطباء بقو اكتر من الهم على القلب..الكليات البتفرخ فيهم زى مزارع الدواجن خلتهم سايقين رقشات…الواحد لو فتح الماسوره ممكن يطلع ليك واحد…عشان كده بقى ما عندهم طعم وبقو مسيخين…اها الزول لمن يكون مسيخ ويتلامض طوالى طوالى تنفضو كف صاموتى…وتمشى العساكر تانى يوم بطلعوك من الحبس ويصفقو ليك كمان.
يعنى أنت بتفهم أحسن من علماء العالم الشغالين ليل نهار عشان يكتشفو لقاح لإنقاذ البشرية من المرض.تلقاك ضربت البوش وفرشت سريرك في الحوش واخدت ليك كم ظرته معفنة الريحة دخلت طايوقك وطلعت بهذا الهراء او الهرار