نشرت الإعلامية السودانية الشابة ونجمة قناة النيل الأزرق المتألقة الريان الظاهر صور حديثة لها على حسابها الرسمي عبر عملاق مواقع التواصل الاجتماعي فيسبوك ظهرت فيها وهي على طبيعتها دون أن تستخدم أي نوع من مساحيق التجميل أو (الميك آب).
وقالت الظاهر بحسب ما نقلت عنها محررة موقع النيلين: (الاولاد عملوا ليهم اجمل هاشتاق للجلابية المهم بفتش في هاشتاق للبنات لقيت #وشك_بدون_مكياج اسه في داعي).
حسناء النيل الأزرق طالبت الفتيات بالسير على طريقها في نشر صورهم من دون مكياج وشرحت جميع الخطوات حيث قالت أن الخطوات هي (غسلي وشك تماااااام. وترطبيه .الموضوع دا ظريف في حاجة واحدة بس انو لو عندك شامة. في وشك مافي فاونديشن ح يخفيها وتتأكدي انو. الوش نضف ولو حسيتي لسه في حبة مكياج اعملي رايحه).
وختمت الريان تدوينتها التي شرحت من خلالها الخطوات (جيبي اقرب تلفون يكون مشهود لصورته بالجمال عشان الصورة لو ما طلعت جميلة نكون نلنا شرف المحاولة ولو بقى تلفونك ذاتو يكون ظريف عشان التصوير ح ياخد زمن تتصوري مليون صورة او يزيد عشان غالبا ما حيظبطوا بعد كده حاولي اختاري منهم حسب الاحساس اختاري السيء وابعدي عن الاسوأ).
وبحسب متابعات محررة موقع النيلين لتعليقات معجبيها على الصور أجمع كل المتابعين على جمال نجمة النيل الأزرق وأطالوا في التغزل فيها حيث وصفوها بالجميلة والحسناء والأنيقة بمكياج أو بدونه.
من جانبها فقد مازحت الريان معجبيها وأصدقائها في ردودها على التعليقات التي تجاوزت الآلف تعليق وكتبت في ردودها التي تابعتها محررة موقع النيلين (دايرين نكشف ليكم بعض الغش).
رندا الخفجي _ الخرطوم
النيلين
ركوب الخيل لا يناسب الجميع؟ أيهما أصعب تربية الأولاد أم البنات؟ جسر الأسنان
هل تعقيم اليدين مفيد؟ الكركم والالتهابات أفضل زيوت ترطيب البشرة
يا سلام عليك ..لو بقيتي من غير مكياج والله أجمل بكتير …خلقة ربنا زيها مافي ..الجمال المصنوع زي وردة البلاستيك ..زي الفنانات ناس النيلين فلقونا وقدونا قد بيها مين كده الجبل والساتة وأسماء وأشكال تجيب الفقر ..خليك كده والله انت أجمل أستاذة ريان بت الظاهر ..الله احفظك
والله جنس دروشه . ناس فارغات ونحن مالنا
ربنا يهديكم
السودانيات بطبعن جميلات ما ف داعي للمكياج
كل الطرق تؤدي إلى روما
ريان يعني السماح والجمال
ما شاء الله يا ريان جمالك طبيعي وفتان بالمكياج وبدونه. يا حافظ يا حفيظ
ما شاء الله عليك منوره ربنا يحفظك يا بت بلدي