منوعات

عندهم فرد حكامة قالت ليها قصيدة جاتك كفاءات يا وطن ! حمدوك بعدها ما شاف عافية


الجماعة ديل بؤمنو أن ليس بالخبز وحده يحيا الإنسان ؛ النصيحة جناحهم الثقافي والفني والإعلامي . كان مدخل فينا شريحة انه بعد ما يحكمو ؛ شوارع الخرطوم دي يعتر ليك مسرح ؛ يخمك معرض كتاب ؛ حتقوم مرابد شعر والدراما حتحلق في سماء عريض ؛ والغناء حينهض ؛ ظاهر وقعدات ! الله وكيلك دجاجي يلقط الحب ما شفناها .

عندهم فرد حكامة قالت ليها قصيدة جاتك كفاءات يا وطن ! حمدوك بعدها ما شاف عافية ؛ غايتو لو كانت زغردت في برهان بواحدة ؛ كان هسة كلم العدو ! بالجد يا جماعة اليسار الزمان لو شاعر منه ورنش جزمتو بكب قصيدة الناس ديل مشو وين ؛ ناس السسولجيا وفراغات الامكنة . وفي عيونك حلة وفريق ونقارة ؛ مشو وين ؟! طبعا سالت صديقي (الفولي) والرجل مثقف عضوي ؛ لقيتو جازف الرغيف وماشي مناوبة البنزين رد لي بتعليق (تيت تيت تيت) قال لي بعدها انه بقى بخش الصف بتاع البنزين بعد ما يشيل (رتينزة) لانه قطع فيه تلات مرات.

محمد حامد جمعة



‫2 تعليقات

  1. نجوم الثورة السودانية العظيمة نحييكم وان شاء الله الانتصار قريب وكنتم تعلمون والشعب السودانى يعلم ان السودان
    بعد 30سنه من الدمار والخراب سوف يعانى ويعانى الى ان يستقر وان شاء الله سوف يخرج السودان من هذه الازمات
    اكثر قوة وشدة ومنعه والعزة للوطن

    1. وسنصبـــــر ونعبــــــر…. وننتصـــــــــــــــــر
      هههه
      ههه
      ههه
      شكرا سفــــــروك

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *