رأي ومقالاتمدارات
طلب فول عليه بيضة وتلاتة طعميات بخمسمائة جنيه في الخرطوم
في السوق العربي شرق القنصلية المصرية يوجد مطعم شهير للفول المصلح، يتزاحم عليه عشرات العمال والعابرين والسمكرجية والموظفين، اليوم قرر صاحب المطعم زيادة طلب الفول، ليصبح سعره نصف مليون بالقديم، تخيل فول عليه بيضة وتلاتة طعميات بخمسمائة جنيه، وهى أرخص وجبة سودانية لدرجة أن الناس بتكسرها يوم صرف المرتبات، أو على سبيل التغيير، الأن انت محتاج “١٥” ألف جنيه شهرياً عشان فطور عادي لفرد واحد! نصف الذين وقفوا أمام الكاشير قنعوا بالذهول، الموظف أبو جلحات علق قائلاً ” موش كان أحسن نصوم الستوت”! المرأة التي تفترش الطواقي تحسبنت ثلاثة مرات، لا فطور بعد اليوم، على مقربة من هذا المكان يوجد مكتب خالد سلك في مجلس الوزراء، وهو ربما لا يعلم أن السودان يمر بمنعطف فولي خطير، أين أنت يا محمد فول؟
عزمي عبد الرازق
حسبنا الله ونعم الوكيل.
هو كحسبة فى ظروف التضخم وإنهيار العملة الحاصل فإن هذا السعر يعتبر قليل على طلب الفول بالبيض والطعمية والزيت والسلطة مع الخبز فإذا حولت الخمسمائة جنيه هذه فإنها تعادل أقل من خمسة ريالات سعودية وبالتالى قروشنا هى ورق فقط و لتقليل هذا الورق على الدولة ان تحذف ثلاثة ارقام اصفار أخرى حتى تستقيم المعادلة وهذه ليست بدعة فقد فعلتها تركيا وتغيير العملة واجب مع حذف ثلاثة اصفار ليكون المليون جنيه بالقديم يعادل فقط جنيه واحد وبهذا يكون مرتب الموظف عشرين جنيه فقط وبكدا تكون عملتنا قليلة ومفيدة ومافى حل غير دا مع الإنتاج و السيطرة على العملات الحرة تحت سقف البنوك فقط.
خمسمئة جنيه ايه اللي وصلها لنصف مليون ( لا بالقديم ولا بالجديد حا توصل ) وبلاش تزيدها كوز اصلها مطمبجة .
يا ابو الزينة شكلك طاشي شبكة وغلبك الحساب عدييييل
يا اخوي جنيهنا الكحيان هسي دا في الأصل كان ألف جنيه
الكيزان سحبوا تلاتة أصفار من ألف بقى جنيه واحد
يعني الخمسمية جنيه الحالية البتجيب ليك طلب فول واحد بس في الأصل هي خمسمائة ألف جنيه
يعني نص مليون يا ابو مخ مااااااااافي
إنت لسه شفت حاجة والله مع القحاتة السجم ديل تتبل بل السرور
بل بي فهم والقروش العندك مهما كان عددها ح تكون عبارة عن ورق واتحداك بس شهرين تقدر تتخارج برة البلد دي
عشان كدا لو عندك شوية قريشات أبقى مارق ساي لأنو تاني ببقى ليك بمبي ولو عايز تمشي السعودية القريبة دي كان حج كان عمرة علي بالطلاق إلا تمشي عوووووووووم
حرية / سلام / عدالة
الله لاكسبكم