رأي ومقالاتمدارات

الجعفري: رئيس الوزراء المعزول حمدوك ما كان بكفاءة ولا يعرف عن السودان كثيرآ


دعونا نكون صادقين الفترة الانتقالية التي مضت بكل المقاييس كانت فاشلة ورئيس الوزراء المعزول حمدوك ما كان بكفاءة او لديه فلسفة سياسية او بعد سياسي حتى مع الاسف حمدوك ما كان. يعرف عن السودان او الشعب السوداني كثيرآ نعم نحن كشعب سوداني لا نرضى بانقلاب عسكري ولا نرضى بحكم عسكر كمان ما ممكن ترجعونا الي الجاهلية الاولى برجعونا الي ما قبل ٢٥/ اكتوبر .

للعلم ان زعل البعض او تنمر البعض الاخر فالمظاهرات غير مجدية غير انها تضييع للزمن. ولا تغير من الوضع الحالي شيئآٓ مذكورا غير جمهرة بعض الشباب و ترديد بعض الاغاني والكلمات التي لا تشفي ولا تجدي بشئ بمناسبة برهان عارف ان هذه المظاهرات غير مجدية ولا مؤثرة بشكل فعال ،اما العصيان المدني في السودان غير مجدي لان ٨٠% من الشعب السوداني اعمال حرة معيشته اليوم باليوم بالتالي اذا فقد يوم قد ياثر علي حياة واستقرار اسرته غير ان الخدمة المدنية اذا تعطلت ٨٠% من العمل غير مؤثرة وحتى التي تاثر تاثر فقط علي الشعب مثل الكهرباء والبنوك والصحة اذا اضربت البنوك عن العمل الخاسر اولآٓ والاخيرآٓ هو المواطن رواتبهم لن تصرف ورواتبهم متعلقة بالمعيشة والاجار والمدارس والعلاج والكهرباء…الخ غير انها في حد ذاتها هي نفسها سوف تخسر خاصة البنوك التجارية مما يجعل المواطن يغضب علي هذه التصرفات.

بالتالي لا مظاهرات مجدية ولا العصيان المدني مفيد لان الشعب الان نفسه قصير جدآٓ لا يستطيع المواصله على هذا النسك لانه متهالك من ضربات المعيشة والحياة وهمومها غير انه كان. غير راضي عن الحكومة المعزولة من الاحسن ان نستغنى من هذه الفترة الانتقالية وهي على وشك الانتهاء ونستعد الي الانتخابات القادمة واقامة الدولة الديمقراطية لان اي تصعيد رد فعله دائما سوف يكون سلبي علي المواطن وتقوية النطام العسكري وقرز شوكته في خصر الدولة السودانية وتمكينه ….هذا من الباب النصح والحكمة والمعرفة والتجربة.

Abdalazeem Mohamed Al Jafry



‫13 تعليقات

  1. حمدوك ماسورة لاينش لايهش دم بقري ده شنو ده وين السودانيين البنو الخليج وين الاكفاء من بلادي خلو شغل الاحزاب والخفير والحصه وطن.

  2. كلامك صلح يا حبة وقحت لو عايزين مظاهرات خلي كل القيادات بداية من بت الصادق وحمدوك يشيلوا خيام يعسكروا امام البرلمان ولو قعدوا سنة ما فرقت معانا حقهم الديمقراطي وأجزم ليك برهان ما يشتغل بيهم..
    لكن مش هن أمور و باسطة ويقفلوا علينا الطريق ويعطلوا سنين أولادنا كفاية ابراج من عمرنا

  3. هههههه والله انت زول … غايتو .. البعرفوا للسودان كتير عملوا شنو .. مثلا انت …

  4. السودان بعد الانقلاب موضوع فى الكرنتينة دوليا, يعنى نفس عهد الانقاذ دولة مارقة , لا مساعدات لا استثمارات دولة مقاطعة فى كل الاتجاهات ربما يكون الاتجاه فقط شمالا لأولاد بمبة هذا ما سيكون عليه الحال, و العوقة ده يقول المظاهرات لا تجدى, المظاهرات أسقطت تلاتين سنة لأسوأ حكم فى العالم.

    1. صدقت فعلا عوقة وعامل فيها فاهم الظاهر عليهو من الخبراء الإستراتيجيين

  5. يكفيه انه اخرجك من عزلتك الدولية في بضعة اشهر والتي عجزت الانقاذ ان تخرجك منها لمدة قرابة الثلاثين عاما – والمقال يشير الي ضيق الافق الذي تتمتع به .

  6. للاسف القنوات محلية وخارجية كشفت مستوى ارزقية جنرالات الدم جنرالات مستعدة تقتل شعبها بلا رحمه لكن تلفون من مصر او الامارات نعم حاضر سم طويل العمر عشان كدا الجيش خطر عليه وعلى الوطن لمن يدخل في السياسة تعليمات اقتل هذا خائن ازبح ومن يمنح التعليمات اكبر عميل بشهادة الصهاينة وعلى الملا قالوا علاقتنا بجنرالات الجيش قوية ولصيقة وبرهان ماشي في سكة ينتقم من الشارع بعديها يسلم الكيزان وبالتعليمات يبطشهم من دول الاقليم وسوف يكون نظام هزيل داخليا ومدعوم اقليميا حتى يتم تكسير وتدمير السودان كما فعلها البشير وحاشيته سرقة ثروات وبيع اراضي السودان الزراعية لحماية النيل للمصريين الخليج يحمي مصر على حساب السودان لان الاموال التي دمرت السودان خليجية لذلك هذه المرحلة بغض النظر من كل شيء لو في وطنية

  7. المظاهرات ايام طاغوتك البشير كانت ما مجدية لكن عملت شنو؟؟ اسقطتكم جميعا وارسلتكم لمزبلة التاريخ !!
    الزخم الاعلامي الشديد من الفلول لن يرجعكم الي السلطة الشعب السوداني ركب راس(مافي عسكر حيحكم بعد اليوم )
    منذ الانقلاب الزاحف وخرجت كل الزواحف من جحورها واصمت الاذان بي النباح(وتعرفون جيدا من هو الذي ينبح..الكلب، نعم الكلب الاجرب ) لكن اعلموا جيدا لا ولن تعودو الي المشهد مرة اخري..
    ويا للبجاحة وقلت الفهم لم تجف دما الشهداء بعد وتحلمو بي العودة من جديد ؟؟؟؟؟؟؟
    اذا كانت قحت واحزاب اليوم متحالفة مع ابليس والشيطان هي افضل من الكيزان
    اذا كان حمدوك عميل موساد عدددديل احسن من فار الفحم وبقية شلتو الحرامية..

    1. كلامه صحيح مية المية بلا مظاهرات ونفقد مزيدا من الارواح فالبتالي نحن بحاجة لانتخابات مبكرة عشان كل واحد يعرف حجمه الشباب الثائرين يمكن يكونوا حزب جديد وينافسوا بشدة في الانتخابات القادمة

  8. والله ما لا قحط خلوها سليقة الامور ماشي تمام التمام بدونهم اكيد الامور حتنصلح لكن التدخلات مشكلة
    على البرهان ان يبعد عن المجرب والفاشلين ويجيب يا اخي من الشباب اي واحد امي ما بيعرف يقرأ زي مناوي وجوال الفحم ما يجيبهم نهائي وما عاوزة تنظير ولو انه ما محتاج بقدر ما يكون واحد يفهم في الزوق السوداني وبس الرغيفة تكون كبيرة بس

    والله يبعدنا عن احزاب التسعة طويلة والاربعة طويلة ويصلح حال السودان يا رب
    واي تدخل خارجي يطرد السفير نهائي مهما كان
    ما يحدث في السودان قانوني وطبيعي البرهان يكون حكومة كفاءات وطنية مستقلة او حتى ممكن حكام من الجيش او المعاشي القوات المسلحة

  9. دعونا نكون صادقين الفترة الانتقالية التي مضت بكل المقاييس كانت فاشلة ورئيس الوزراء المعزول حمدوك ما كان بكفاءة او لديه فلسفة سياسية او بعد سياسي حتى مع الاسف حمدوك ما كان. يعرف عن السودان او الشعب السوداني كثيرآ نعم نحن كشعب سوداني لا نرضى بانقلاب عسكري ولا نرضى بحكم عسكر كمان ما ممكن ترجعونا الي الجاهلية الاولى برجعونا الي ما قبل ٢٥/ اكتوبر . للعلم ان زعل البعض او تنمر البعض الاخر فالمظاهرات غير مجدية غير انها تضييع للزمن. ولا تغير من الوضع الحالي شيئآٓ مذكورا غير جمهرة بعض الشباب و ترديد بعض الاغاني والكلمات التي لا تشفي ولا تجدي بشئ بمناسبة برهان عارف ان هذه المظاهرات غير مجدية ولا مؤثرة بشكل فعال ،اما العصيان المدني في السودان غير مجدي لان ٨٠% من الشعب السوداني اعمال حرة معيشته اليوم باليوم بالتالي اذا فقد يوم قد ياثر علي حياة واستقرار اسرته غير ان الخدمة المدنية اذا تعطلت ٨٠% من العمل غير مؤثرة وحتى التي تاثر تاثر فقط علي الشعب مثل الكهرباء والبنوك والصحة اذا اضربت البنوك عن العمل الخاسر اولآٓ والاخيرآٓ هو المواطن رواتبهم لن تصرف ورواتبهم متعلقة بالمعيشة والاجار والمدارس والعلاج والكهرباء…الخ غير انها في حد ذاتها هي نفسها سوف تخسر خاصة البنوك التجارية مما يجعل المواطن يغضب علي هذه التصرفات. بالتالي لا مظاهرات مجدية ولا العصيان المدني مفيد لان الشعب الان نفسه قصير جدآٓ لا يستطيع المواصله على هذا النسك لانه متهالك من ضربات المعيشة والحياة وهمومها غير انه كان. غير راضي عن الحكومة المعزولة من الاحسن ان نستغنى من هذه الفترة الانتقالية وهي على وشك الانتهاء ونستعد الي الانتخابات القادمة واقامة الدولة الديمقراطية لان اي تصعيد رد فعله دائما سوف يكون سلبي علي المواطن وتقوية النطام العسكري وقرز شوكته في خصر الدولة السودانية وتمكينه ….هذا من الباب النصح والحكمة والمعرفة والتجربة.

    التفاصيل هنا: https://www.alnilin.com/13216252.htm
    كلللللللللللللللللللللللللللللللللللللللللللللللللللللللام خارم بارم

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *