فيديو: اذا ما كنت قادر تشوف في حمو إسماعيل امتداد طبيعي ليك وفي شيوع الغناء السوداني في صعيد مصر بتكون (..)
اذا ما كنت قادر تشوف في حمو إسماعيل امتداد طبيعي ليك ، وفي شيوع الغناء السوداني في صعيد مصر وفي دول جاره لون من الوان تأثيرك الثقافي بتكون ظلمت بلدك وما قدرت تشوف اثرها وسطوتها الناعمة على جوارها .
في بلدان بتدفع قروش عشان ده يحصل وتتوسل ليهو بمهرجانات وليالي ثقافية .
علينا ان نسعد بحمو وغيره ممن يرددون الغناء السوداني ، فهم يؤكدون ان الغناء هو المنتج السوداني الوحيد الصالح للتصدير منذ زمن .
ولا ينبغي في إطار الاحتفاء بهذا الذيوع ان نفقد حرصنا على علامتنا الثقافية التي تؤكد ان هذا المنتج ( صنع في السودان )، فنحفظ بذلك للفنان والشاعر والموسيقي حقوقهم ومن قبل ومن بعد لبلادنا حضورها وتمددها .
حشر الخلاف السياسي في كل صغيرة وكبيرة والنظر الضيق والمحدود الشائع هذه الأيام بيخلينا ننتج وعي مشوه يضر ببلدنا ويظلم مستقبلها .
الطاهر التوم
ركوب الخيل لا يناسب الجميع؟ أيهما أصعب تربية الأولاد أم البنات؟ جسر الأسنان
هل تعقيم اليدين مفيد؟ الكركم والالتهابات أفضل زيوت ترطيب البشرة
والكثير منّا يهاجمهم ويتهمهم بالسرقة
… نحن حسودين في كل شيئ
حسودين لدرجة أننا مستعدين أن نحرم أنفسنا حتى لا يستفيد غيرنا
… مواردنا في باطن الأرض ولا تجد من يستغلها
…. بيوت الطين في الأحياء العريقة تساوي مئات المليارات وأصحهابها لايملكون قوت يومهم، فلا هم باعوها ، ولا هم تشارك مع من يبنيها لهم ، كل مايستطيعون رؤيته أن هناك شخص سوف يستفيد من ذلك ولن يسمح بحدوث ذلك
اكثر شعب حسود علي وجه الارض هو الشعب السوداني … يتضايقوا جدا لو شافوا زول نجح كأن نجاحه معناه فشلهم.. و ده سبب رئيسي في الحاله الوصلت ليها البلد الان .
حمو واحد بتاع حقارة واستهتار و دا خرب الغناء السوداني وبعدين دي سرق للغناء السوداني وينشروا علي اليوتوب وياخذ قروش الجن فهل بيرسل شوية قروش للفنانين والشعراء السودانيين مفروض يتعمل عليه بلاغات لليوتوب ويقفلوا قناته تلك وهل المعامله بي المثل هل في سوداني حتي لو فنان بيقدر يغني الاغنية المصرية كدي بس حاول تضع مقطع من اي شئ مصري وشوف لو ماتم اغلاقك
ده اسمو سطو على ملكيات فكريه لقامات سودانية .. الاغانى دى لو مكوده عالمية لا حمبره ولاطيره مابقدر يغنيها وقيسو على كده كل دول العالم … ديل وغيرهم انتهزو فرصة جوطة البلد وهملانها … وسرقو كل حاجه فيها … البلد محارب ومحاصر عالميا ومادايرين اهلو يستفيدو من خيراتو .. ببساطه اذا اهلو استفادو من الخيرات الفيهو طيب الجاى ينهبها مستقبلا حاينهب شنو موية النيل مثلا !! … ديل بيغنو بقروش وعداداتهم شغالة … يعنى مستفيدين ماديا .. فما يجى واحد طيره هنا يقول ليك ثقافة ونشر ثقافة وعالمية وكلام فاضى … وحتى لو السودانيين الحاليين ماقدرو يقدمو الحاجات دى عالميا ولا قدرو يطلعو خيرات البلد (.. ده مامبرر لانو كل تافه غاشى البلد يلفح منها البتقدر عليهو ايديهو ويتخارج ( الاجيال القادمة ان شاء الله بتقدر )… ومادايره ليها عقل عشان تعرف انو اى شخص فى اى مكان فى الكرة الارضية لو سمع الاغنية دى من الحرامى البغنى فيها ده اكيد حاينسبها للمغنى الحرامى مش لى حمد الريح … ولا انتو قايلين الاغانى دى بسمعوها المؤرخين ؟؟؟
غناء الشعب السوداني هو إرث يمتلكه الشعب السوداني وحدها ليس لهذا المغني المصري الحق في السطو و سرقة تراثنا و تركتنا الغنائية.
أوقفوا هذا الاستخفاف بممتلكات شعبنا السوداني و سرقتها من قبل العدو الأول للسودان ألا و هو مصر، المصريون يستخفون بحقوق و مواردهم الطبيعية و البشرية و الثقافية، لذلك فهم يدخلون على السودان من باب التحايل و الفهلوة.