نشرت الفنانة السودانية الشهيرة هدى عربي صورة على حسابها الرسمي عبر عملاق مواقع التواصل الاجتماعي فيسبوك ظهرت من خلالها مع عرسان الموسم في السودان (يونس وبخيتة).
وبحسب رصد ومتابعة محررة موقع النيلين فقد دافعت الفنانة المعروفة عن نفسها بعض اتهامها من بعض المعلقين بالبحث عن ما وصفوه بالشو.
وقالت هدى في تدوينتها: منو الادى الناس الحق يدخلوا في نوايا بعض !؟ يا سادة يا كرام ما انا الببحث عن شهرة أو تريند بخيتة ويونس مقابلتي ليهم كانت محض صدفة. انهم كانو متواجدين في نفس المبنى الانا فيهو كانو في استديو نزار وانا في مركز هبة الاحفاد.
وتابعت بحسب ما نقلت عنها محررة موقع النيلين: لاقيت المنتصر بالله برة قبل ما ادخل كلمني انهم جايين قلت ليهو ( لو خلصت وفي زمن ) بسلم عليهم خصوصاً انه اسرتهم اتواصلت معاي تحديداً الاخ محمد يوسف اخوها لبخيتة وطلب مني اني ازورهم بس حقيقي لم تسمح ظروفي ربنا كتب نتلاقى دون ترتيب يلا حراس الفضيلة يقولو لا شو.
وختمت تدوينتها قائلة: حقيقي انا محتاجة شو !؟؟؟ جنيتو ولا شنو !؟ حبو بعض مش تلبدو لبعضوربنا يسعدهم.
رندا الخفجي _ الخرطوم
النيلين
