بالصورة.. السلطانة هدى عربي ترد على “خبث” أعدائها: (دايرني يعني ادخل في مشاكل؟ مساكين والله والكوبلي دا إهداء لروحي العاجباني)

نشرت الفنانة السودانية, الشهيرة هدى عربي, صورة حديثة عبر حسابها الرسمي على موقع التواصل الاجتماعي فيسبوك.

وبحسب رصد ومتابعة محرر موقع النيلين, فقد ردت السلطانة, عبر الصورة على “خبث” أعدائها الذين يحاولون إدخالها في مشاكل ومساجلات.

وكتبت هدى عربي, في تدوينة التي حازت على إعجاب أكثر 9 ألف متابع: (اصعب اختبار … تشوف ناس خبيثين …
“دي ما المشكلة” بي طريقتهم …الاصعب يكونوا بحشدوا ليك في عداوات مع ناس انت اساسا ما عندك ليهم اي حاجة لا خير لا شر …ودي حاجة ما كعبة كونك تكون ما عندك علاقات وتداخلات مع الناس لكن ما معناها الناس الانا ما دايرة يكون بيبني وبينهم تواصل).

وتابعت المطربة الشهيرة بحسب ما نقل محرر موقع النيلين: (يخلقوا لي معاهم عداوات ومعارك ( ساي بس ) …. دايرني يعني ادخل في مشاكل !؟ مساكين والله لأني من الاخر كدة زي ما اي زول عارف لا بخاف لا عندي ( فرامل ) بس جد ما فاضية وكسلانة ذاتي ادخل لي في اي سجال او صراع).

وختمت هدى عربي: (ادوني من زمنكم البتستنفروا لي فيهو الناس دة حبة عندي حاجات مهمة ما قادرة القى ليها وقت  والله بتبالغوا …. عن نفسي عندي استعداد اعتزل اي زول وبالفعل نائية بنفسي عن اي قصص وناس ودرامات وكمان لاني …. “غير القمر الضوا ما بعجبني زول” الكوبلي الأخير لي روحي العاجباني دي).

محمد عثمان _ النيلين