المخرج ياسر سامى يقدم نصائح للراغبين فى دخول عالم الإخراج.. فيديو

قدم المخرج ياسر سامي الكثير من النصائح لكل الراغبين في دخول مجال الإخراج، خلال تواجده ضيفا في بودكاست الشغلانة، الذي يقدمه الناقد الفني آسر أحمد، ويعرض عبر منصات اليوم السابع المختلفة
وقال المخرج ياسر سامي: “أول نصيحة المذاكرة، أى حاجة داخل تعملها ذاكرها كويس، والإنترنت دلوقتي سهّل الموضوع جداً عكس الأول، أنا اللى صنع مني مخرج هو مشاهدة كواليس صناعة الأفلام، دلوقتي على اليوتيوب كل حاجة موجودة، والذكاء الاصطناعي ممكن يعلمك ويبقي مدرس معاك”.
وأضاف المخرج ياسر سامي: “ادرس كل حاجة ممكن تطلع منها أفكار تكون مميز بيها، أى حاجة لها مكونات، فيه مخرجين مش عارفين سبب اختيار حجم التصوير، ودي كارثة موجودة في 90% من المخرجين، يعني إيه انتقال الكاميرا في التصوير، ده مكون مهم جداً لازم المخرج يبقي عارفه، مثلا المذيع أو المسئول لما يتصور لازم يكون في المنتصف”.
وتابع: “هات مشهد فاضي اعمله وزود له موسيقى مناسبة، لأن الموسيقى هي اللى بتضيف للمشهد الكثير في الأحاسيس والمود، وعلشان تبقى مخرج لازم تبقى واثق في نفسك 100% حتى لو بتعمل شيء مش واثق في نتيجته 100%، إن كانت دي حاجة جديدة اوصل لآخرها حتى لو هتفشل فيها، وما تخليش حد يتدخل في اللى بتنفذه، لأن دا بيحدد هويتك كمخرج، وخليك مُصِر على طلبك مع الإنتاج وأي جهة”.

اليوم السابع