في مشهد سوداني يعكس البساطة والتواضع : عربة مواطن تحتجز سيارة الرئيس
تجمع كل الأوساط الشعبيّة والحزبيّة والسياسيّة على شخصية الرئيس عمر البشير في بساطته ومُشاركته الدائمة لشعبه في أفراحه وأحزانه، وشهدت مراسم عقد القِران للكثير من الزيجات حضور الرئيس، بل وجوده إمّا شاهداً أو وكيلاً للعروس أو العريس.. بجانب تفقده للمبدعين وزياراته للأسر الفقيرة، ومساندته لها في ظروفها المختلفة.
أمس بمسجد الشيخ البرعي بمدينة المجاهدين بالخرطوم حيث كان عقد قِران نجل الفريق منصور عبد الرحيم، كان الرئيس البشير وكيلاً للعريس.. هذا الأمر يعد طبيعياً.. لكن، حينما استعد موكب الرئيس لمغادرة المسجد كان أحد المواطنين قد أوقف عربته في مكان لا يسمح لعربة الرئيس بالتحرك أو المغادرة، ودون أيِّ ردة فعل أو إثارة تحدث في مثل هذا الموقف قد تبدر من أي مسؤول أدنى، أو المرافقين لهذا المسؤول أو ذاك.. كان مايكروفون المسجد يوجِّه النداء لصاحب العربة بالرقم الذي تحمله من أجل أن يفسح المجال لعربة الرئيس عمر البشير للمغادرة.. نداءٌ عفوي أثار إعجاب المصلين والمشاركين في مراسم عقد القِران لبساطة الرئيس، وجعلت من الجميع ينتبهون للدروس المجانية التي تُقدِّمها الحياة الاجتماعية في السودان للعالم كل يوم.
صحيفة الراي العام
نعم هذا هو السودان بشعبه وحكامه وهاهم شعب السودان بهذه الاريحية والتواضع حكاما ومحكومين ولن تجد مثل هذه فى اى دولة فى العالم ولكن المشكلة او المؤسف العالم لا تعرف عن السودان الا الصراعات والحروب والمجاعات كمان الحكومات الدكتاتورية وهذا مرده تقصير مننا كشعب واعلام وحكومة ثم حقد من الاخرين
ديل نحن السودانيين
يا ابوى دى دروس انتخابات…
الخبر منقول من صحيفة الراى العام …………………………..لا تعليق
مش حاصوت الية والموضوع عادي جدا وسيبوا الحركات0
وهذا لا يعفيه من ظلمه للناس والشعب
ولا يجعل الشعب ينسى كيف صفع عسكري الوالي لمواطن يقود ركشة بعد صلاة العصر
ولا ينسينا مفصولي الصالح العام
ولا ينسي الشعب الساذج ان فلانا ما شغلوهو رغم تميزه الاكاديمي لانه يتبع للحزب الفلاني
او ما كوز
وكثير الكثير
واتساءل ما الفرق بين عربة عمر البشير الاخر موديل وبالمليارات
وبين لا عربة عمر بن الخطاب الذي كان ينام على الارض اثناء خلافته مخافة ان يحاسبه الله
وانه يخاف على ان يحاسب لان جمل في حدود منطقة حكمه لم ياكل
مع ان الالاف من شعبه يموتون جوعاً وهو يضرب في الجداد والموية الساقطه
كفاية لعب بعقول السودانيين البسطاء السذج
كفاية …!!
زهجنا
واين حق المواطن الذى صفع كفا لمجرد وقوف ركشتة بجانب عربة الوالى وامام مسجد
كان عمر بن الخطاب رضى الله عنه حين يولى واليا يوصيه بأربع :
1. أن لابلبس ثوبا رقيقا
2. أن لايأكل لقمة مرفهة
3. أن لايركب دابة مطهمة
4. أن لايغلق بابه دون حوائج الناس
قال له على كرم الله وجهه ( لقد أتعبت من جاء بعدك ياعمر )
كم من مسئول هو فى الحقيقة غير مسئول يركب الدابة المطهمة ويصب جام غضبه على من يعرقل سيره فى الطريق ويرغى ويزبد لماذا لايفسح له الطريق 😡 😡 😡 😡 😡 😡 😡 😡
يا ناس النيلين الشمار بتاع الضابط الضرب بتاع الركشة كف عشان قفل عربية الوالى فى جامع ام درمان العتيق رسى على شنــــــــــــــــــــــو؟:o 😮
ياخى برا حركات قبل كم يوم ضابط كافت ليهو بتاع ركشة ووين امام المسجد دخل عشان يصلى قال شنو قافل عربية الوزير ………….. 😡
لا شك ان الرئيس عمر البشير انسان متواضع وقد سمعت الكثير مثل هذا المواقف ومنها انه عندما ذهب احد المواطنين ليسلم عليه فى احدى المناسبات ساله من اين انت فرد انه من حلفا الجديدة فبادره سمعت اخر نكتة عن الحلفاويين وحكاها له وسط ضحكات الواقفين ولكـــــــــــــــــــــــن هلا ينتبه سيادة الرئيس لبعض من يسيئون لحكمه ويظلمون الناس مثل محمد طاهر ايلا والى البحر الاحمر ذلك المستبد الظالم الذى يستند الى بعض مراكز القوى وما ظلمهم لاهل طوكر ببعيد وحتى سياسته التعليمية المعروفة الغذاء مقابل التعليم فشلت حيث تكتظ المدارس بالتلاميذ يوم الخميس او يوم توزيع التموين وتخلوا فى غيرها من الايام وقد افرزت هذه السياسة فسادا اداريا بتسجيل اسماء وهمية لتلاميذ لسرقة المواد الغذائية وغيرها كثير من مظاهر الفساد نحن نريد منك سيادة الرئيس محاسبة المفسدين ونطالبك ونرجوك اقالة محمد طاهر ايلا فقد اجمعت كل الاطراف بالولاية انه غير مرغوب فيه ونصرخ ونشتغيث نحن سكان طوكر شمالها وجنوبها الرحمة يرحمكم الله
سير سير يا لبشير في طريق الخير:mad: 😡 😡 😡 😡
هذه الحادثة لاتعكس البساطة انما تعكس الضعف الامنى الكبير الذي يحيط بالرئيس السودانى وعدم اكتراث مسئولى حماية الرئيس للمنه الشخصي فمهما كان فهو رئيس دولة
وشئ آخر يدل على ضعف المحيطين بالرئيس تلك اللبسة الرياضية التى تحمل شعار شركة اتصالات اين إدارة المراسم منها
لك الله ياعمر
الإنتخابات قربت 😎 😎 😎
ضحك على العقول الضعيفة
شغل انتخابات تقيل
موقف مصطنع مخالف للواقع تماما
الموقف الحقيقى حصل فى مسجد النيلين لما سواق الركشة اخذ كف عشان وقف جنب عربية الوالى
ده وشهم الحقيقى
بالمناسبة الموقف ده وصل لحدى وين والحصل فيهو شنو ؟؟؟؟
المسكين ده حقو فى رقبة عمر البشير قياسا على قول سيدنا عمر بن الخطاب ( والله لو عثرت بغلة بالعراق لسؤلت عنها يوم القيامة لم لم اسو لها الطريق)
ودى ما بغلة ده بنى ادم وما اتعثر فى الطريق ده اضرب على وشو امام الناس فى سلوك نهى عنه الرسول صلى الله عليه وسلم وما فى اى مكان لكن امام بيت من بيوت الله.
عملت ليهو شنو يا عمر البشير؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
بالله عليكم الله فكونا بلا بساطة وين البساطة اسى ما موقف عادى يعنى كانو حايعملو ليو شنو يكفتيو زى بتاع الركشة القفل الوزير ولا شنو بالله عليكم الله ما تلعبو بعقولنا ساى انحنا ماعايشين فى السودان دا شايفننا جاين من المريخ ياخى شعبنا دا كان داير يدفع قروش الكهربة بتهان قولى لى كيف؟ شباك الكهربة بتاع الجزاز دا موش فيو فتحة بندخل منها القروش لاى ياخى يعملوها كدة لحى ما الزول ينحنى عشان يتكلم مع الموظف جوة ياخى الانحنا للخالق وبس والحاجة دى فى كل المرافق الحكومية بالجد حاجة تزهح ولا العجب فى الترخيص بتاع العربات بتاع شرق النيل اقسم بالله الشباك مظلل والفتحة تحت يعنى تدنقر لا مواخزة كدة لمن تضرب الوراك عشان تقدر تمد القروش وتقدر تعاين الضابط دا بقول فى شنو ياخى ارحموا من فى الارض يرحمكم من فى السماء الله بلا بساطة
ياخوى تصوت ولاماتصوت ياهو دة السودان وياهو دة البشير ببساطتة ونحن شعب بسيط وزى البشير دة انسان ابن بلد نختلف معاة فى اشياء كثيره لكن برضو ود قبايل وود بلد قال انتخابات قال عالم وهم
الاخ البشير بالرغم من كرهي الشديد لحكومتك التي فصلتني من عملي بدون سبب الا انني بكل امانة احترمك لانك انسان ورجل نزيه حسب مانما الي علمي من المقربين منك والذين يعرفونك وساصوت لك وانا مكره لانني لااري افضل منكم في الوقت الراهن
ده كلام للإستهلاك المحلي وللإنتخابات
وقبل كم يوم حرس احد الوزراء يصفع أحد سائقي الركشات بالكف لوقوفه بالقرب من عربة الوزير
يا شعب السودان يا بلد المليون ميل يا بلد الميلون بليد والله كان الشعب السودانى دا ذى الدهب لكن الان ذى الوسخ دا كلو غش ى خش وكذب فى كذب
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
قبل فقففترة كنت مرافق لوالدتى يرحمهافى السلاح الطبى وكنت اشاهد الضباط الكبار عندما يحضرون لزيارة مريص يكون حضور الضابط بعربتان بكل عربة اثنين من العساكر فيدخل الضابط للعنبر وغالبا ماتكون زوجتة معة واحد العساكر يمشى خلفهم وهو يحمل الاكياس والثلاثة الباقون يكونوا فى العربتين باترول وسوناتا قد عدلوا اتجاة العربات استعدادن للمغادرة وفى هذة المدة لايسمحون لااى عربة تقف امامه فهل البشير وضعة لايسمح بذلك الرحمة والمغفرة للوالدة العلاج كان علىحسابناوعلى الرغم من المبلغ الكبير الذى ياخذة السلاح كنا نقوم بعمل الفحوصات بالخارج وكذلك كل الادوية
طيب اذاكان الرئيس كده يعنى والى الخرطوم اهم من الرئيس ساعة الضابط ضرب سواق الركشة لانه وقفها جنب سيارة الوالى انامبستبعد الحصل من السيد الرئيس ومن تواضعه اناشخصيا وفى احد زياراته للرياض سلمت عليه بالاشارة من بعيد ورد على بنفس الطريقة يا اخوانا البشىر ود بلد تمام لكن العيب فى بعض المتملقين ربنا ينصره ويثبته على الحق ويبعد عنه بطاتة السوء