قالوا إنهم يخسرون مرتين : المغتربون يحتجّون على قرار بنك السودان

انا طالب بدرس خارج السودان … اقسم الله العظيم بشيل هم لي موعد ارسال المصاريف … مش عشان الدولة الانا فيها … ولاكن طريقة ارسال القروش من السودان… الاهل هناك يطلعو من الصباح ويقيفو بالنمرة عشان يرسلو القروش ..الصرافة تقول ليك نشيل 30 معاملة فقط .. ومرات تصل قريب الشباك يقولو ليك معليش تجينا بكره بدري… زي ما تقول القروش دي مرسلنها من جيوب الشغالين في بنك السودان
الى متى يا بنك الدوسان هذا التخلف ؟
والقرار الجديد .. ما ممكن ترسل اكتر من 300 دولار … ليه ؟؟؟
معظم المتأثرين بهذه القوانين الظالمة هم الطلبه والمرضى في الخارج

لو في حد فاهم المغزى من عدم ارسال اكتر من 300 دولار و هذه المكابح من تخوليك لي ارسال دولارات خارج السودان يتفضل يشرح لينا
لانو ما لاقي اي تفسير ليها … غير الهمبته

هي ناقصة
يا حبيبي واضح انو بنك السودان ده مافيه راجل رشيد
قنوات التحويل الأخرى متاحة و الخاسر الأول و الأخير هو السودان و بنك السودان
عشان كده نحن دايرين حكومة تقنوقراط و بلاش السياسة و عدم الفهم
يعنى يا بنك السودان كنت ممكن تقول انه الصرف بالسوداني لكن بسعر السوق
ما يجيني واحد ناطي و يقول لي الوطنية و البتاع داك لانو اللقف الحاصل في السودان معروف
وطني بيديني و انا بديهو
لكن الحاصل الأن حكومة بتاخذ و ما بتعطي
انا مواطن سوداني ما مشكلة ادفع و اخسر بس بالمقابل داير خدمات
الناس بتدافع عن أوطانها و بتموت عشانها ليه مش عشان هي المكان البيلقوا فيه الأمان و لا لا
الرسول (ص) هاجر من موطنه مكة المكرمة لمن ما لقى فيها الأمان للرسالة و رجع ليها لمن انتفت اسباب الهجرة
نحن هاجرنا لمن ما لقينا الأمان في بلدنا لا تعليم و لا صحة ولا خدمات و لا غيره و بعد ده كلهو ما سايبننا نعمل على إنهاء اسباب هجرتنا و كل ما نقفل باب يفتحو لينا باب
اتقوا الله فينا