لضبط المرور في الطرق السريعة : 450 دراجة نارية
اعلن مدير الادارة العامة للمرور اللواء تاج الدين وديدى، توفير450 دراجة نارية جديدة لضبط حركة المرور بالتزامن مع تدشين مشروع الرقابة الالكترونية فى اغسطس القادم.
وقال اللواء وديدي لدى مخاطبته أمس، بالساحة الخضراء الاحتفال بتخريج دارسى دورة فنون واساليب قيادة الدراجات النارية، أن نشر الدراجات على طرق المرور السريع يأتي في اطار ردع السائقين فى الطرق وضبط السرعة الزائدة والتعامل مع الحادث والسلوك السالب، والوصول الى حالة تنعدم فيها الحوادث.
من جهته، قال مدير دائرة المرور السريع اللواء محمد الطاهر فضل ،ان الاحتفال بتخريج 100 متدرب من سائقى الدراجات النارية يأتى فى اطار فعاليات اسبوع المرور العربي، موضحا ان المواتر ستوزع على كافة ولايات السودان الشمالية لتحقيق اكبر قدر من السلامة على المرور السريع، مشيرا الى زيادة هذه الدراجات حتى تغطى كل طرق المرور السريع ولرقابة السرعة الزائدة والمخالفات حتى يكتمل انتظام مشروع الرقابة الالكترونية الذى وقعت علية وزارة الداخلية مع شركة سودابت.
وكشف ان إدارته اعدت حوالى «10» عربات «لانسر» و20 عربة «دبل كاب» لاكتمال كافة حلقات الرقابة المرورية بغية تخفيف السرعة وتحقيق السلامة المرورية للمحافظة على سلامة الانسان، واشار الى ان الدراجات النارية سيتم ربطها بأجهزة اتصال لابلاغ الدوريات ولمنع الحوادث والمخالفة المرورية وضبط العربات، مبينا أن ارتكازها سيكون على شارع الخرطوم مدني باعتباره اكثر الطرق كثافة مرورية والاعلى نسبة فى الحوادث.
صحيفة الصحافة
يا اخونا ما تخليكم منطقيين شوية …في مواتر بتوقف ليها حوادث… انتو بتلعبوا علي منو… الحوادث دي حلها معروف.. شوارع …. ثم شوارع… ثم شوارع… مواتر شنو …!!!(؟)
يا ناس المرور الرجاء تحريك دوريات الارتكاز على طول شارع الخرطوم مدنى و تمشيطها للشارع للحد من السرعه الزائده بدلا من نشاطها الحالى فى جمع المال
المواتر دي ياشباب عشان يجمعوا بيها القروش..شغلوا مخكم شوية..
والله ده استهبال ساي .. احسن من الكلام ده وسعو الشارع شويه خلوهو شارع كبير ,, ده في تقدير بقلل نسبه الحوادث بدرجه كبيره ..
و الله الناس دي شكلها عايزة تلعب بي قروش الشعب شنو مواترررر ما تخجل علي كلامك يا سعادة اللواء….. وسع الشوارع و خلي نضم كتير ولا انت ماطلعت من السودان يوم واحد .. اخجلو يا ناس الحكومة علي بلد كبير ما فيه شوارع 😡 😡 😡 😡 😡 😡 😡 ……. 😡 😡 😡 😡 😡 😡 😡
ياحكومه خافى الله فى المواطن المسكين الغلبان والله المواتر دى ما اتعملت الا لجمع المال واصتناع مخالفات من مافى وعرقله شارع لانو ناس المواتر هم سبب الزحمه والعرقله والحوادث ومايهمهم الا المخالفات الحل معروف هو توسيع الشوارع الشوارع خافو فينا الله
دي زي مـبـنـى الـقـادة والأركـان … !!!!
مـبـنـى تـكـلـفـتـه مـلـيـارات وبـدون قـادة أو حـتـى جـيـش …. أكـبـر جـيـوش الـعـالـم عـددا وعـتـادا لـيـس لـديـهـم مـثـل هـذا الـمـبـنـى الـوهـمـي .
نـفـس الـشـىء لـيـس هـنـالـك طـرق تـحـتـاج لـهـذا الـعـدد مـن الـعـربـات والـمـواتـر والأفـضـل كـمـا ذكـر الأخ سـابـقـا أن تـؤهـل الـطـرق أولا وبـعـدهـا الـضـبـط الإلـتـرونـي والآلـي …. ولـكـن رجـعـت حـلـيـمـة لـنـصـبـتـهـا الـقـديـمـة وهـذا قـبـل الـتـتـويـج ( خـــــــــــــم الـرمـــــــــــــــــــــــــاد ) .
وسعو الشوارع وختو فيها كاميرات وبعدين وزعو علي كل شارع عربة للمراقبة هذا ما نحتاجه للامن المروري
يا عالم عوووووق نحن في اي قرن
شفنا وعشنا داخلياً وخارجياً شتان ما بين نظام واخر ( امن مروري شامل وجهل حتي
في كيفية التعامل مع الحوادث ) الواحد اذا استوي حادث لا سمح الله دورية المرور او الشرطة المستدعاء في لمحة بصر تجده قدامك ويتعامل معاك بحالة انسانية منتهي
الرقي بتعاملوا مع الموقف كقدر في محاولة تهدئية الامور في اول وهلةبغض النظر عن انك المجني ام المجني عليه … الواحد مرات بيكون مزهول وخايف ومرتعد وتجد ملائكة يتحمدلو ليك السلامة وانشاء الله انت طيب الجاتك في مالك سامحتك وقدر الله وما شاء فعل وكلام من النوع دا ،
وبعدييييييين يدوك المخالفات الي تستحقها وانت تتقبل الوضع بصدر رحب باي حالة كانت لانو الي يخطا لازم يتعاقب دا قانون ويجب ان نحترموا كما احترموك اهله وتتحمل غلطك ).
وين للرعب الذي يمارس في هذه الحالات وصرة الوجه ارحمو من في الارض يرحمك الله
واتقي الله في الشعب يرحمكم ويرحم والديكم
قانون المرور يحتاج لاعادة صياغة من ناحية الاداء والطبيق ومراقبة ومن يقومون بذلك ان يخضعو للرقابة من ناحية تحرير المخالفات المرورية يجب ان تكون صارمة ولكن وعلي وجه الحقالحق الحق وبطريقة تقنية .
خلونا نبدأ من ما انتهي اليه غيرنا وليس من القاع ونظل في القاع
مع احترامي وتقديري ،،،،،،
وما تعليقي الا من اجل الارتقاء بالاحسن والغيرة العمياء
الشوارع ثم الشوارع وماادراك ما الشوارع…حق المواتر واللحسات دى بعمل ليهو خمسة عشر كيلو اسفلت على الاقل والعافية درجات… وحق اللحسات بكمل باقى الطريق واتقوا الله فينا وفى الشعب الغلبان زكفاية تاخير وتعب.