الحكم بإعدام أم قتلت جنينها في دنقلا
في سابقة تعد الأولى من نوعها في تاريخ القضاء السوداني، أصدرت محكمة جنايات بلدية دنقلا برئاسة مولانا خالد ميرغني أمس حكما بإعدام أم قتلت طفلها الوليد شنقاً، وأدانت المحكمة السيدة (س.ص) بالعقوبة استنادا على نص المواد 130 ، 146 من القانون الجنائي المتعلقة بالزنا والقتل العمد، وترجع تفاصيل الجريمة إلى حمل المدانة بطريقة غير شرعية قبل ولادتها في مستشفى بدنقلا وبعد تسجيل الطفل في كشوفات المواليد أخذته الأم إلى البيت وأجهزت عليه خنقاً ودفنته في مكان مجهول. وإثر العثور على جثة الطفل وفقا لبلاغ جنائي تم تحويلها إلى المشرحة واثبت الطبيب الشرعي نسب الطفل للقتيلة الجنائية وأحيلت السيدة للقضاء الذي أصدر في حقها عقوبة الإعدام. بيد أن المحكمة أسقطت العقوبة عن المدانة وقضت بتعزيرها استناداً 31 من القانون الجنائي والتي تنص إذا كان المجني عليه فرعاً للجاني يسقط القصاص. وأمرت المحكمة بسجن المدانة لمدة عامين ودفع الدية البالغ قدرها 40 الف جنيه لحكومة السودان.
صحيفة حكايات
لاحول لاقوة الا بالله حسبنا الله ونعم الوكيل. والله حاحات قريبة بقت تحصل زمان كانت ماموجودة مامعروف الحاصل شنو دايرين نعرف اسباب الجرائم البشعة والكتيرة البقت دخيلة علي السودان؟؟؟؟؟؟؟؟؟؟؟؟؟؟;( ;(
النوبة والدناقلة معروفين عبر التاريخ بالخلق النبيل وقلما تجد عندهم جرائم ودفاتر الشرطة فى الولاية تشهد لذالك والدناقلة اول من بادروا بالهجرة ووضعوا سمعة طيبة فى الغربة للسودانيين ولكن فى الاونة الخيرة ومع نزوح كثير من الناس الى مناطق النوبة التى كانت منغلقة عليهم بدأت الان بروز بعض الجرائم التى كانت غير معتادة لدى الدناقلة وايضا سمعة السودانيين تدنت فى الخارج
دة حكم شنو ودى مدة شنو البنيتو عليها الحكم دة؟ يعنى الواحد لو طمع فى نصيب اخوه او اختو فى الورسة يكتلو ويقعد سنتين فى السجن ماكل شارب نايم ويدفع 40 الف بس؟؟؟ سبحااااان الله والله قانون عقيم بالجد:mad:
لا حولة ولاقوة الا بالله هذا اخر الزمان ما كفاك عقوبة الزنا تقتلى طفللك مهما كانت الطريقة الجاء بها ولكن الما خاف من الله خاف منو انو ممكن اعمل اى حاجة وبعد تتطلع من السجن ورينا حتعيشى كيف بين الناس زانية وقاتلة اعوذ بالله
الله اعلم لكن القصاص لا يجوز على الاب او الابن وكيف يقع على الام نرجو تغيير القانون الانجليزي هذا