منوعات
أغرب حالة طلاق بسبب محمود عبدالعزيز وسامي المغربي
تسبب خلاف حول فنان مناسبة الزواج في طلاق زوج من زوجته قبل أيام من حفل زفافهما عقب عقد قرانهما بعد أن اشترطت العروس إحضار الفنان سامي المغربي بينما تمسك العريس بالفنان محمود عبدالعزيز ليتطور الخلاف بينهما وتحدث أغرب حالة انفصال لزوجين.
وتعود تفاصيل الواقعة الغريبة بحسب مصادر صحيفة فنون التي شهدتها مدينة بحري إلى أن الزوج الذي أتم عقد قرانه على إحدى الحسان وسط فرحة الأهل والاصدقاء بعد اكتمال مراسم الخطوبة التي أحيا حفها الفنان أحمد بركات بحسب طلب العروسة التي ابلغت زوجها أن حفل زفافها ينبغي أن يكون بالفنان سامي المغربي بينما ابلغها تمسكه بمحمود عبدالعزيز، إلا أن العروس اشترطت عليه سامي المغربي كشرط أساسي لإتمام مراسم الزواج ما عده العريس بداية غير موفقة لحياتهما الزوجية ورمى عليها يمين الطلاق وسط دهشة واستنكار الجميع.
وكالعاده … عريس مرتاح شاف بت شديده فى مناسبة واتكسر فيها لانها بس حلوه … وقال يفوز بيها عشان هى بس حلوه .. والعروس فاكاها فى روحها لان الناس كلها عايز رضى البت الشديده دى … وتمت الخطوبة بشروط العروس لانهم لسه جديدين على بعض وجاب ليها احمد بركات ومليون الف هديه وصرف مبالغ فيه … بس عشان الاسباب الموضحة … وبعد العشرة بقيت خلعت انها حلوه حاجة قديمه … لان الانسان يعرف بالروح وليس بالجسد … والروح طبعا حتكون مافى اساسا … كترت المشاكل وبقى ربط الكلام مع الاهل وعشم بكرة يحبوا بعض هو خيط الامل … والاتنين بقى يفتشوا على تبرير عشان قرفوا من بعض … كل الموضوع زول شاف بت شديده فى مناسبة واتكسر فيها بس عشان هى حلوة من غير حتى ما يعرف اخلاقها او تفكيرها .. ولمن العيشة بقت بينهم لا تطاق بقى اقل سبب يعمل مشكلة لى رب السماء … سناريوهات متكرره جدا فى بلد انعدم فيه حتى مبادئ الاخلاق … وانا متأكد لو كان عرسها كانت حتخونه مع حبيبها المفلس الزمان … الكان معاها فى الجامعة … او اى زول تانى يحبها ويدق بابها ويحسسخا انها بنى ادم وروح ما جسد وجمال ذى ما كان الاخ الكريم خاتى انو اى حاجة ممكن يشتريها بى مالو فى غياب صاحبنا المطرب .. والخيانه حتكون فى بيتو .. … صراحة رغم انى متأكد انه زيها فى التفكير لكن فى الاخر محظوظ وامو داعيه ليه
يشهد الله إنهم الإثنين ما عندهم موضوع . و أهلهم كمان . و ربنا يستر
سبحان الله هذا دليل قاطع علي غياب الوازع الدينى في المجتمع ماذا يعني محمود او سامي فان كلاهما من شياطين الانس . كان تطلقها تلاته طلقات مرة واحدة لانو هنتم الاثنين مراهقين .
والله راجل
المراة لو فتحت ليها من اول يوم بتطلع في راسك
لكن احسمها من اول يوم ووريها انك راجل صاح والحال المايل ما بعجبك
وبعد داك عاملها كما أمر الدين باللطف والاحترام
عشان تعرف انه المعاملة بالحسني والاحترام ما ضعف من الراجل
ويوم الترفع راسها بيتم قصه
والله دي حماقة ساكت….مفروض تقول غالية والطلب رخيص ياأموووورة وتجيب سامي وانت ساكت…..ولو قالت دايرة سيلين ديون لو بتقدر تجيبها ليها…ضيعت ليلة العمر….
اعوذ بالله
بصراحة الراجل يستاهل اكتر من كدا لانه عود البت ان كلامها هو اليمشي وحاجة طبيعية انها تستنكر مخالفة لرايها وتتمسك بذلك وتعتبره خط احمر وفي حسابها ان هو في النهاية حيرضخ ولكن هو الاخر مل من المجاملة واكتشف ان نظرية تمسكن لمن تتمكن ما بتنجمح مع الجنس اللطيف وان لو فوت دي اكيد ما حايكون القادم احلي عليه قرر بعد ان خسر ياعين دم قلبه ويلا عوضنا علي الله\
اعبى عرسان
ما يجبوهم الاتني وخلاص ايه المانع ولما ربنا سخطهم بحب الغناء والفناني للدرجة دي ..
😀 😀 😀 😀 😀 😀 😀 😀 😀 :confused: :confused: :confused: :confused: :confused: :confused: :confused: :confused: :lool: :lool: :lool: :lool: :lool: :lool: :lool: :lool: :lool: خلي سامي المغربي يجي يعقد عليك ياعويره انتي ضيعتي نفسك علشان سامي هههههههههههههههههههههههههههههههههههههههههههههههههههههه شر البليه مايضحك الفهمته من الموضوع انه الاتنين شفع وماقدر العرس والمسؤلية حاجة تحيــــــــــر,,,,,,,,,,,,,,,,,,,,
ها ها ها الموضوع ما كده شنو يعنى الفنانيين ، لكن حبل الكذب قصير وما قدرو يطولو من حفلة الخطوبة لى يوم الزفاف وقالو احسن نفكها فى المساكين بكذبة شريفة ونقية وعالية وسامية لكن دة موضوع نكاح مؤمن عليهو من قبل ملائكة مسئوليين عن النكاح الحلال ، وماان يقع مثل ما وقع الا وضعت الملائكة الختم على جبين الفتاة او الرجل ايهما كان ، فلن يبقى للفتاة جمالها اذا كانت السبب أما الرجل فلن يجد زوجة صالحة مدى عمره أذا كان السبب ، وحتشوفو بس مجرد وقت ، ويضيع كل شىء ولله فى خلقة شئون . واسالو اهل العلم ان كنتم لا تعلمون. وقال انك لن تستطيع معى صبرا. الى اخر الايات .
لا تعليق (الواحد يحتار يقول شنو ) الله يهدي الشافع ده ويهدي الشافعه كمان
هكذا الرجال يبدأون حياتهم بفرض قراراتهم ولكن ما إن يمر عام واحد حتى يستسلم ويرفع الراية البيضاء أي حاجة حااااضر …. فاصبرن يا بنات حواء السنة الأولى وبعدين يتخرج الرجل من مدرسة (الاصلاح والتهذيب والتربية) وأي حاجة حاااضر 😎 😎 😎 😎
والله راجل – شوفي لك عريس تاني يجيب لك ( وليد توفيق ) و لاحول ولا قوة الا بالله – الله يرحم أيام زمان وبنات زمان – لافضائيات ولا غيرو