قرارات المالية بشأن السيارات المستعملة تسري على الإفراج المؤقت
طمأنت الهيئة العامة للجمارك، بأن السيارات الموجودة حاليا في الموانئ ستكمل اجرءاتها دون ان يضار اصحابها بحزمة السياسات التي اعلنتها وزارة المالية اخيرا، والتي من ضمنها حظر استيراد السيارات المستعملة.
وحول السيارات التي في عرض البحر ولم تصل بعد، قال مدير عام هيئة الجمارك اللواء سيف الدين عمر، لوكالة السودان للانباء انه سيصدر من وزارة التجارة الخارجية ما ينظم التعامل معها.اما سيارات الافراج المؤقت التي داخل البلاد، فقد اشار سيف الدين الى ان الترتيبات الادارية في الجمارك ستكون متوافقه مع القرارات التي صدرت، حيث ان ضوابط ادخال عربات الافراج المؤقت ستلتزم بعدم تخليص الموديلات القديمة، وعلى جميع اصحاب سيارات الافراج المؤقت الحرص على الالتزام بفترة السماح وهى ثلاثة شهور ثم اعادتها من حيث اتت.وحذر «غير مسموح بتخليص اية عربة افراج مؤقت وبقائها فى البلاد بعد الفترة المسموح بها» وزاد «كما انه لايجوز بيع سيارات الافراج المؤقت واى بيع او شراء لها يعتبر غير قانوني ويعرض من يشارك فيه للمساءلة».
ودافع مدير الجمارك عن السياسات الجديدة قائلا انها تأخرت وكان ينبغي اقرارها منذ فترة؛ لأن ادخال الموديلات المستعملة عموما مهلك وعمرها الافتراضي بسيط، وتستهلك قطع غيار كثيرة وكميات اكبر من الوقود.واكد ان القرارات الاخيرة التي اصدرتها وزارة المالية تصب في مصحلة الصناعة المحلية.
وقال ان الرسوم الجمركية على الاسمنت المستورد رفعت فئات التحصيل من 25% الى 40% ، بجانب تخفيض ضريبة الانتاج على الاسمنت المنتج داخل السودان من 20% الى 5%، كما تم تخفيض الرسوم الولائية على الاسمنت من 50% التى كانت تؤخذ لاسيما ان المصانع الموجودة بالبلاد اصبح انتاجها يغطي الاستهلاك المحلي وهى في اتجاهها للتصدير.واشار مدير الجمارك الى ان السياسات الجديدة تهدف لإيقاف المضاربات فى سعر الدولار، بجانب الحد من الاستيراد غير المرشد للسلع الكمالية مثل الخضروات والاسماك والمعجنات والمعلبات والسيارات المستعملة، وهو ما يؤدي لارتفاع اسعار صرف الدولار.
وذكر ان زيادات الجمارك تقلل من التحصيل لكن فوائدها اعظم، اذ انها توفر عبئاً على البنك المركزي بتوفيرها عملات حرة للاستفادة منها في الضروريات.
الصحافة
مساء الخير يا ناس الجمارك …………….
طيب انا اجازتي 6 شهور وبنزلبي عربية اها اسوي شنو ورويني … ارجع السعودية واجي تاني عشان اعمل اجراءات من جديد ولا الحل شنو … والله نحنا بالذات مفروض ما تتكلموا في عرباتنا ….لانها دي اجازة …….بيع ما عاوزين نبيع …… كمان راحلة ما رنتاح في الاجازة.
انا معك ان القرار جاء متأخر لكن هناك نقطة هامة ألا وهي يجب اضافة ان شخصا اشترى موديل السنة من السعودية مثلا للاستعمال هنالك ثم بعد سنة اواثنين قرر ينزل نهائي السودان او اجازة 4 أشهر؟؟؟؟ للعلم نظام الجمارك في مصر وبعض البلدان واضح كالشمس وهم يشجعون مواطنيهم بأخذ سيارة علي الزيرو اولا لتليق بمظهرك في الغربة وتعكس صورة بلدك وثانيا تجمرك مخفضة لانها شخصية وغير ضاره للاقتصاد ايضا لانها استعمال شخصي ….وعلي الاقل تقل من النسبة الزائدة لحوادث السودانيين ببلاد المهجر ( لابد ان تكون السيارة باسمه من موديل السنة وليس بالضرورة أي سنة كانت)
هذا القرار سوف يؤدى الى ارتفاع اسعار السيارات فى السودان لتلحق بباقى السلع مثل مواد البناء والاجهزه الكهربائيه وغيرها.دائما القرارت ارتجاليه وغير مدروسه-طيب فى حالة الخروج النهائى -الظاهر مافى اى اعفاء او رحمه بالمغترب وللاسف الحال ماشى من سيئ للاسوء
اولا على حسب راي هذه قرارات ارتجالية تفتقدر الى الحكمة وبعدين تعالو اذا كانت وزارة المالية هي التي تحدد سياسات الجمارك والفئات المختلفة ما هي الاسس التي تستند اليها من غير المعقول ان تشتري سيارة بي 15000 وجماركها 16000 اين المنطق هنا يعني ناس الحكومة تأخذ اكثر من الوكيل او الشركة يناس يا هو عووووووووووووووووك والله صح السودان ماشي ساكت بالبركة
انا كنت مؤيد لهذه الحكومه لكن بعد الان انا معارض معارض وبشدة ولو قدرت اشيل السلاح واتمرد عليهم والله اتمرد وادخل الغابه او الصحراء او اركب الجبال عشان اتمرد ياخي ديل مصوا دماء الناس والله لو قدرت اسلم البشير الى اوكانبو اسلمو ومعاهو كل الحراميه الفاسدين سدنة هذا النظام الفاسد تجار الدين قال شنو لا لدنيا قد عملتا هي لله هي لله . ياخي اتقوا الله في هذا الشعب كفايه كذب يا حراميه
ابدا مامن المنطق انك تحدد انو الزول لازم يجيب سيارة عالزيرو لانو صراحة مافي شجر بتاع قروش في الغربة دي ممكن تحدد موديلات معينة مثلا من 2005 وفوق كدا حتكون شوية منطقية بالطريقة دي ان شا الله الواحد يجي ويمشي الحاج يوسف يشتري ليهو كارو كااارب كدا والعربات دي خليناها لانها بقت شبه حلم بالطريقة دي:mad:
الاخ وزير المالية
الاخ مدير عام الجمارك
اقترح الاتي
بالنسبة للافراج المؤقت اقترح ان يكون من موديل 2000ومافوق وتكون فترة السماح 7اشهر واذا موافقة لشوط الاستيراد ليس هنالك مايمنع من لا ترخيصها بالسودان اذا رغب صاحبها شسريطة ان تكون موافية لشروط الموديل
دعما من الدولة للمغترباري في حالة العودة النهائية السماح له بادخال سيارتة شريطة ان تكون صناعتها قبل 5سنوات او اقل من تاريخ اخر موديل مسموح بة وتكون بحالة ممتازة
والله من وراء القصد
السوداني: طبعا الحكومة ماساعدت المغتربين علشان يشتغلوا في بلدهم وبسبب ضيق المعيشه غير كده كل المغتربين طلعوا خارج بلدهم علشان يحسنوا وضع اهلهم وبعدها حكومتنا اجحفت في حق المواطن السوداني طيب عايز اسالك يا صاحب القرار كان المالية او الجمارك الشخص لوعايز يعمل قرار في منزله لازم يترك نقطة او باب نقاش علشان مايرتكب في حق الغير انا بتزكر في دولة قطر وزارة الصحة الاتحادية عن طريق القومسيون الطبي قطر – الدوحة طلع قرار بان الفحص الطبي لكل الشركات عن طريق الحكومة الالكترونية لكن لانهم ناس فاهمين وبقدروا المواطن وحتي نحن الاجانب اعطو فرصة ارعة شهور بالاضافة الي ان اعطوا كل شخص في فترة هذه ال4 شهور منشور يبين اخر موعد لهذا القرار طيلة مدة الاربعة شهور وهذا منح الفرصة لكل مواطن ولكل صاحب شركة بتجهيز كل مايتطلب لتكملة الاجارات مش زيكم قراركم اليوم وبكرة التنفيذ والله حرام عليكم والله حرام عليكم ياخي انتوا عملتوا للمواطن شنوا جاوبوا مرتاحين في نفسكم لكن بتنسوا انوا في المولي عز وجل انا لله وانا اليه راجعون بقراركم العايز يبني مايقدر العايز يتزوج مايتزوج اعطوا الناس فرصة لاحول ولا قوة الا بالله اعطو ا الناس فرصة علشان الناس الاتورطت تعمل حسابها كدي جربوها في نفسكم والله حارة ملاله انصح بان تراجعو انفسكم معليش قولوا من 2006 لكن 2008 وا 2009 هدول اقرب الموديلات وايش المشكلة في الافراج برضوا بتاع الافراج لو مادفع جماركوا انتوا بتخلوا يا ناس حرام عليكم اتقوا الله