[JUSTIFY]جلب فنان شاب لنفسه سخرية و استهزاء جماهير النادي الامدرمانى الشهير أول أمس ، عندما كان يحيي حفلاً بمناسبة زواج شقيق أحد نجوم المجتمع السوداني ، لم يتمالك الحاضرون أنفسهم من الضحك و الغمز و اللمز و هم يشيرون الى الفنان الشاب الذي أثار حفيظة الناس و أصبح مسار تعليقاتهم بعد دخول الفنان المغمور محاطاً باثنين من (البودي قارد) ضخام الأجسام من أبطال كمال الأجسام و هما يرتديان فنايل ضيقة تكشف عن ما تحت أجسادهم من عضلات ، بينما ارتدى الفنان المغمور بدلة إفرنجية كاملة سوداء . و أوصلوه حتى المسرح ليقدم الفنان فقرته الغنائية بعدد من الأغنيات الهابطة التي اشتهر بأدائها . عقب فراغه من الغناء سارع (البودي قارد) لإخراج الفنان المغمور و لم يتمالك عدد كبير من الحضور الذين كان من بينهم فنانين و موسيقيين و رياضيين ، أنفسهم من توجيه الحديث الساخر الى الفنان المغمور و حرسه الخاص من (البودي قارد) . من ضمن تلك التعليقات إبداء استغرابهم و دهشتهم من كيف يقوم فنان غير معروف في الساحة باستئجار اثنين من البودي قارد . و قام آخرون من الشباب المتهكمين بتوجيه الحديث المغلف بالسخرية الى (البودي قارد) و هم يضحكون (بالله أدونا كرت الأستاذ لو سمحتوا) . بينما واصل الفنان الشاب سيره لخارج النادي و هو يمشي مختالاً كالطاؤوس .[/JUSTIFY]
صحيفة فنون
الفنان ده احمد الصادق والبودي قارد هو واحد اسمو الريح الدبج سمين كده من شباب الحلة الجديدة
عامل ليهو (بودى قارد) معناتو الفنان دا عندو مشكلة مع الجماهير لانو عارف نفسو حياخذ علقة ساخنة لو جاء براهو انا انصح الفنان دا يرتب اوراقة من جديد
هو الدايرو منو زاتو -جنس محن عجيبة -هو ما راجل ولا شنو بيحمي نفسه بالرجال -السودان دا بقت تظهر فيهو حاجات تحير -الناس زاتها مافاضية للكلام الفارغ دا كان باركو للعرسان كتر خيرهم خليك من يجروا وراء فنان -طيب وانت وقت ما داير الناس بقيت فنان مالك الغاصبك شنو -بلاء