هيئة الاتصالات : زيادة الضريبة لمحاربة كثرة الكلام ..!!

والله دا ما منطق ليكم ومنطق غريب اصلا وحرام عليكم حتى الكلام عندكم فيه راي يعني الناس دي قاعدة تتكلم في الفارغ قايلنها وفي الاول وفي الاخر زيادة الضريبة دي عصرتو بيها المواطنين ما اكتر لانو المحمول بقى جزء لا يتجزأ من حياة البشر في كل العالم والمستفيد الاول والاخير الهيئة القومية للاتصالات من زيادة الضريبة والشركات حترفع ودا كلو على حساب المواطن المسكين بدل ما تخفضوا تزيدو شغالين بالعكس والله التبرير ما مقتع عشان الناس بتتكلم كتير قال خمو وصرو ولا حول ولا قوة الا بالله

اذا قلانا الكلام و عبر الهواتف ما كل مواطن فقير بيمتلك قيمة تغذية الرصيد امكن اكون معاه جوال و لكن فاضى و استقبال فقط و بقدر القريشات العنده ؟
الملاحظ ان الكلام و الذى شاهدتــه فى شوارع الخرطوم و الاسواق و فى الاقاليم تجد المرء يسير و يكلم نفسه و بالاشارة يمنة و يسرى و فيها شتم و بصق و هو ماشى ؟
هل بالامكان اخراص هؤلاء حفاظا على ما تبقى من عقيل و مخيخ ؟
و هل يتطلب ذلك رفع قيمة التعريفة خارج الشبكة ؟
ارحموا عزيز قوم زل و يكفى فرض ضرائب و رسوم جباية كانت سببا فى قتل محمد على باشا و انتبهوا يا باشوات الانقاذ و الزمن دوار !