زوجة تلجأ إلى المحكمة للطلاق من زوجها بسبب ( نور عيوني )
2012/01/21
8
[JUSTIFY]دفعت سيدة بعريضة لمحكمة الأحوال الشخصية بالخرطوم وطلبت فيها الطلاق من زوجها ووالد أبنائها الثلاثة وعزت السيدة الأسباب التي دفعتها لطلب الطلاق من زوجها بأنها إكتشفت بعد ثماني سنوات زواج بينهما أنه يعيش في ( مراهقة متأخرة ) ولديه علاقات حب مع أخريات عن طريق رسائل الموبايل على الفيس بوك ، وإعتبرت ان تصرفه يضعفها أمام الشيطان وانها تريد المحافظة على نفسها شريفة وأضافت السيدة بأنها تفاجأت عندما جرتها الصدفة لفتح الرسائل المرسلة فوجدت رسالة لرقم خاطب صاحبته بـ( نور عيوني ) وقالت في غضب انها تريد أن يذهب إلى ذلك النور دون قيود منها واكثر ما اغضبها انه انكر تلك الرسالة موضحة بأنه سقط من نظرها كرجل لأنه كذب عليها ولم يترك لها باباً للنقاش معه . [/JUSTIFY]
اذا هى كانت بتقول ليهو الكلام الحلو يا حلو كل مايجى داخل البيت من الشغل ماكان انشغل بغيرها الملاحظ انو حريم السودان وبمجرد مايجى الولد الاول تهمل زوجها وينصب اهتمامها كلو بولدها ويتحول الحنان بطريقة عفوية لى ولدها حتى ولو طلبها زوجها للفراش وفى نفس اللحظة الولد بكى ساى تخلى راجلها منتظر على احر من الجمر وتجرى لى ولدها
والله نور عيوني دي عاد كلنا بنقولها بنات الاخ والاخت هي ما تتأكد يمكن واحدة منهن وبعدين الصديق برضو ما ممكن اقول نور عيوني ولا بس محجرة عليكن يا نسوان .. والى نور عيوني عيوني اهدي الكلام دا عشان بكرة ما ناخد شاكوش
[SIZE=6]هسي تلقى مرتو ام اولاده ما بقول ليها نور عيوني ,,,ما عندو عشره
لكن برضو الصبر جمييييل وما اظن تلقى واحد احسن حالا من زوجك كلهم
زي بعض[/SIZE]
[SIZE=4]لو كنتي مالية عينو ماكان مشى شاف غيرك شكلك مضلمة ليهو عيشتو عشان كده مشى يفتش نور عيونو
اصلا زاتو في السودان مافي وحدة بتملى عينك لانهن فيهن عيوب كتيرة
كلام مظبووووووووط[/SIZE]
اذا هى كانت بتقول ليهو الكلام الحلو يا حلو كل مايجى داخل البيت من الشغل ماكان انشغل بغيرها الملاحظ انو حريم السودان وبمجرد مايجى الولد الاول تهمل زوجها وينصب اهتمامها كلو بولدها ويتحول الحنان بطريقة عفوية لى ولدها حتى ولو طلبها زوجها للفراش وفى نفس اللحظة الولد بكى ساى تخلى راجلها منتظر على احر من الجمر وتجرى لى ولدها
[SIZE=4]يا حلو بعد كدا انا قعدت ليك وتاني ما بخليك ساي انا كنت بعاين ليك بس بعيوني وبقرأ تعليقاتك [/SIZE]
أعتقد إنو في شخصين تحت مسمى الحلو عاملين ربكة للجماعة 😀
والله نور عيوني دي عاد كلنا بنقولها بنات الاخ والاخت هي ما تتأكد يمكن واحدة منهن وبعدين الصديق برضو ما ممكن اقول نور عيوني ولا بس محجرة عليكن يا نسوان .. والى نور عيوني عيوني اهدي الكلام دا عشان بكرة ما ناخد شاكوش
الرجال انانييين ما يحبوا الا انفسهم ما بيقدروا المراة انها تتعب وتشقى في سبيل راحة الزوج والاولاد
[SIZE=6]والله لو النسوان كلهن بفتشن تلفونات ازواجن كان نص نسوان السودان إتطلقن [/SIZE]