جرائم وحوادث
(عرسان) ينهبان شقة مفروشة ببحرى
ولم يخالج صاحبة الشقة أدنى شك فى العروسين مكتملى الزينة والعطر،والعريس بحنته السوداء ،فسلمتهما المفتاح ألجمعه الماضية،ولم تهتم بتدوين بيانات العريسين لتأخر الوقت ،والطيبة التي أبدياها في الحديث معها.
وتفأجات صباح أمس الأول عندما زارت العريسين لتكملة الإجراءات ان اصبحت مقتنيات شقتها أثراً بعد عين،بعد ان نهب العريسين المزعومين الثلاجة وشاشة البلازما،وأسرة،وبوتجاز حديث،مع اسطوانة غاز،وقاما باتلاف الشقة واحداث ضرر بالغ فى الاثاثات التى لم يستطعا حملها.
ودونت بلاغاً لدى الشرطة التى قبضت على العريس مساء أمس الثلاثاء باحدى ضواحى بحرى واحالته للتحقيق بتهمة السرقة بعد ادعائه الزواج الذي لا علاقة له به سوى الحنة التى خضب بها يديه وارجله لتضليل صاحبة الشقة.
وحذر مالك عقارات جنوبى الخرطوم من التساهل فى تدوين بيانات المستأجرين ،وضرورة التأكد من هوياتهم لتكرر ظاهرة الاحتيال فى الفترة الاخيرة.[/JUSTIFY]
صحيفة حكايات
هل وصل بنا الحال الى هذا المستوى من النصب والاحتيال
ماقلنا ليكم بطلوا حسن النيه والطيبه الزائده لان المجتمع اتحول 180درجه ودخلت علينا عادات دخيله غيرت فضائلنا “”””
والله دي طفرة في الاحتيال ، بس يا اهلنا نحن مجتمع تحكمنا الاعطاف والاعراف ،ودوما بسيطيين ، قالو البتعرف سمحة .فهذة عظة وعبرة لمالكي الشقق ،علية لاينبقي لائ مستآجر ،ان بتم استآجر عقار الا، التأكد من هوياتهم.
بالله مالك عقار موجود في الخرطوم وكمان يحذر ،لازم يتم القبض عليه
طبعآ دا حال الفنادق والشقق في السودان مطالبهم كلها وثيقة زواج او بطاقة عمل _صاحبة الشقة لم تخطر علي بالها ادني شك فيهم بعد الطيبة في الكلام وكدا _وطبعا طبقوا فيها المقولة القائلة””خيرآ تعمل شرآ تلقي”ومقولة اخري “المظاهر خداعة”
لو كنت القاضي الذي سينظر فيهذه القضية لكنت حكمت على صاحبة هذه الشقة أيضا بتهمة ( …… ) لأنها جمعت بين إثنين غير متزوجين في خلوة غير شرعية
يا جماعة الله يهدينا ويهديكم
بطلوا حسن النية الذي سيوردنا إلى المهالك
نحن بحسن النية الزائدة دي بنساعد في تفشي الجريمة
فلو كانت هذه السيدة إتبعت الإجراءات الروتينة وطلبت من هذين الشخصيين قسيمة الزواج والأوراق الثبوتية لما حدثت هذه الجريمة
على العموم الحمدلله جات على كدا
وإن شاء الله بس يكون درس ليها ولي غيرها
ياحليل ايام زمان كان كلمة الواحد دهب لافيها غش ولافش وطيبة كانت سمه من سمات المجتمع السمحه لكن الايام ده دخلت علينا عادات وتقاليع
الله يكفينا شرها.
نصيحتي لكل الشعب السوداني
المعروف ضاع بين الناس والزول بقى يعمل مليون حساب قبل مايتعامل مع أي إنسان بحسن نية. فالحذر الحذر من البساطة والسذاجة في التعامل مع الشعب السوداني فقد تحور وتبدل وأصبحت الأمانة والدين والأخلاق سلعة نادرة.
خليك من البقولو: بلادي أنا بلاد ناسا … الخ
و خليك من البقولو: أنا سوداااني أناااا … الخ
و خليك من البقولو: تخيل كيف يكون الحال لو ما كنت سوداني … الخ
والله كان الحال يكون 1000% بس أكون مسلم صالح.
حسن النيه عندنا نحن السودانيين موجود و بكثره. و حصل قيل كده كان جنينا غسال و في جماعه ساكنين عزابه جيرانا و في واحد من العزابه عمل ليك المكوجيه ديل اصحايه و بدا يدخل ليك دكان المكوجيه و يرقدفي عناقريبهم عادي و بعد قتره كل يومالمكوجيه يكتشفو انو قروشهم مسروقه و ساورهم الشك في الزول العزابي و فامو عملو ليهو كمين لغايه ما قبضو متلبس… و الشئ البيغيظ في الموضوع النو الحرامي ده ابوهو امام جامع في احد الفري و عامل ليك هو الشرف زانو.
وين الحلو هسي كان يقول الود برئي والببنت هي المدبره