كوش نيوز .. أخبار السودان بين يديك

ملازم بالقوات النظامية يعتدي على موظف أثناء ساعات عمله


شارك الموضوع :

اعتدى الملازم بالقوات النظامية (ع.ت.أ) بالضرب على الموظف بأحد المستوصفات الخاصة بالخرطوم وليد أحمد محمد خير ووجه له إساءات بالغة بسبب منعه من الدخول إلى المستوصف لمعاودة أحد المرضى الذي تربطه به صلة قرابة، وقام الملازم بإمساك المجني عليه من عنقه ودفعه بشدة للخلف مما أدى إلى تجمهر عدد من المتواجدين في موقع الحدث، الأمر الذي أحدث ربكة داخل المستوصف وبين المرضى وقال المجني عليه لـ(آخر لحظة) إن الملازم جاء في وقت متأخر من مساء الخميس الماضي برفقة أسرته وطلب الدخول للمستوصف، وأضاف أننا طلبنا منه الانتظار قليلاً لكنه رفض ذلك وبدأ يتحدث معنا بلغة حادة لا تخلو من التهديد والوعيد أعقبها اعتداء بالضرب، وأشار المجني عليه إلى أن الملازم قام بعد ذلك بالاتصال بشرطة النجدة التي هرعت لموقع الحدث وقامت باقتياد الموظف للقسم الشمالي ليتم حبسه حتى الرابعة من فجر الجمعة ومن ثم تم إطلاق سراحه بالضمان.
آخر لحظة

شارك الموضوع :

19 التعليقات

إنتقل إلى نموذج التعليقات

      1. 1

        [SIZE=6]لا حول ولا قوه الا بالله انها دوله طالبان السودان دوله بولسيه من الطراز الاول وملازم الشرطه ممكن يقبض علي وزير الصحه بدون سبب الله يفكنا من عصابات الانقاذ[/SIZE]

        الرد
      2. 2

        لا حول ولا قوةالا بالله

        ميته وخراب دمار

        دقه وكمان سجن …

        وكمان هذا بس ملازم — يعني لو كان عقيد ولا عميد اكان كتلو…

        من تواضع لله رفعه

        الرد
      3. 3

        عسكري جاهل .0 وعلى الموظف لايتنازل عن حقوقه

        الرد
      4. 4

        إنت ما سمعت بالجزار الإتشاكل مع الضابط قبل وقالو الجزار دق الضابط دقه سمحه كدا عشان كدا إنت هسع دا كان توريهو مكانتو يا مفتري اي واحد لما إعمل ليهو نجمه فوق كتفو خلاص يا بلد مافيك الا انا عشان كدا والله انحنا ما حا نمش لقدام نهائ وانا هسع قاعد في بلد (كفار) ويا ريت لو شفتو الضباط بتاعنهن هنا …………..
        نحن مسلمين….لكن..اين الإسلام في حياتنا…..
        لو سمحتو جاوبوني على السؤال دا؟؟؟؟؟؟؟؟؟؟؟؟

        الرد
      5. 5

        الطقاشة دى الفرحان بيها مفروض يبلعوك ليها عشان تتأدب تمام و ما تفترى على خلق الله ..

        الرد
      6. 6

        [SIZE=3]الأدب قبل التدريب يا قادة الكليات العسكرية … الأدب قبل التدريب يا قادة الكليات العسكرية … الأدب قبل التدريب يا قادة الكليات العسكرية … الأدب قبل التدريب يا قادة الكليات العسكرية …[/SIZE]

        الرد
      7. 7

        [SIZE=5][FONT=Arial Black]أعوذ بالله هل لا زلنا نعيش بهذه العقليات

        يا اولى الأمر هذا المسكين الذي ضرب وأقتيد إلى السجن وحبس فيه حتى فجر الجمعة بدون جريرة إرتكبها سوى أنه ينفذ واجبه ذنبه في رقبتكم ولو ما جبته ليهو حقو ستيصبكم لعنة ظلمه إن شاء الله ولا تنسوا أن شرارة الثورة التونسية كانت بسبب الظلم
        ويا هذا
        لماذا أخذت الموضوع على اساس انه تقليل من مكانتك امام اهلك وكان المفروض ان تشكر هذا الشخص على فعلته لأنه يطبق القانون ولا كبير على القانون خاصة وأنك رجل قانون ونظامي يا خسارة[/FONT][/SIZE]

        الرد
      8. 8

        ياظالم ليك يوم وليش جايبين إسم الزول الإندقة وإنهان وماجبنو إسم الظابط الأبله دة غايتو بس بارك الله في النت الخلانا نتفشة شوية

        الرد
      9. 9

        [FONT=Simplified Arabic][SIZE=7]اكيد دا ملازم فى القوات العشواعية[/SIZE][/FONT]

        الرد
      10. 10

        [SIZE=4]نظامي يعني ده مطلوب منو انظم … عليكم الله دي ما اهانة لي الكلية التخرج منها ولي كل القوات النظامية .المطلوب منو النظام هو الزي يخالف النظام .ياناس الشرطة ادبوا ناسكم قبلي ماتطلعوهم الشارع واتعلموا الادب والاحترام من القوات المسلحة[/SIZE]

        الرد
      11. 11

        هزا العسكرى فى قمة الوقاحة والابتزاز انت عسكرى ليس فوق القانون انت واعلى درجة منك ما فعلتة يدل على عدم فهمك للقانون يا جاهل نعلة اللة عليك وعلى الجهلة امثالك

        الرد
      12. 12

        دا حاتو ملازم يعني لسة (برلوم) لو كان نقيب ولا رائد كان ضرب الزول دا رصاص ..
        وبعد دا جايب ليهو الطارة كمان ، والله شي

        الرد
      13. 13

        [[][B]والله كلام دخل الكلية بالواسطة عشان كدة ودخل وكل همو شوفنى اطلب من الموظف ما يخلى حقو لو يموت بلا ملازم بلا بطيخ[/][/B]

        الرد
      14. 14

        كل المعلقين الحاقدين على الشرطة والجيش هم من قدموا للكليات العسكرية ولم يقبلوا وبعضهم من المعارضة وقبض عليهم وعملوا ليهم الياكا ياكا وسكتوا عليها وعملت ليهم عقدة الجيش والشرطة عشان كده حاقدين ونقول ليهم الشرطة والجيش تاج راسكم رضيتم أم أبيتم ولو جات الحارة بحموكم أنتو وأخواتكم

        الرد
      15. 15

        يا أخوانا دنيا غريبة بس ياهو ضربني وبكى وسبقني إشتكى

        الرد
      16. 16

        السيد الملازم عاوز يقولوا لعائلته شوفوني أنا راجل كيف ؟؟؟؟؟

        لكن للأسف إنت منحط فعلاً ،،،، لماذا لا تقدر عمل الآخرين مثلما الآخرين يقدرونك ويقدرون عملك ؟؟؟؟؟؟؟؟؟؟؟؟

        وبعدين يا أخي الناس ديل مارفضوا لك وإنما طلبوا منك الانتظار قليلاً “”لأن ربما يكون هناك مرور من الدكاترة أو ربما غيار للمرضى أو غسيل للعنابر أو .. أو .. أو… “” لكن إنت طبعاً ملازم كيف يطلب منك الانتظار “وإنت موضح للأسرتك بأنك تدخل أي مكان وفي أي زمان” ؟؟؟؟؟؟؟

        فهل يا ترى يوماً من الأيام ستكونوا قدوة في التعامل يا ناس الشرطة؟؟؟؟

        الرد
      17. 17

        العسكرى دى لو فى ا وربا ولا اميركا ولا اى دولة اجنية كان اجبروهو على الاعتزال وحاكموهو …لكن فى السودان يحاكمو الموظف يرقو الضابط اااااااااااااااااخ من حكومتنا الواحد مغلوب على امره

        الرد
      18. 18

        الاقوي منك في …ياظلم ياقاسي ومابعيد كل العلل تكون فيك.وحركتك دي حركه شوفوني وبس .شنو يعني ملازم انشاء الله لواء زاتو ….بكره بنزلوك وتقعد تبكي زي النسوان…..وسلطتك دي حقو تكون لاحقاق الحق وبطلان الباطل .عشان انت وبلدك تمشو لقدام.

        الرد
      19. 19

        [FONT=Simplified Arabic][SIZE=5]شكلة ينتمى الى مليشيات النظام الذى اطلق عليه مؤخرا حرس الحدود[/SIZE][/FONT]

        الرد

    أضف تعليق

    لن يتم نشر عنوان بريدك الإلكتروني. الحقول الإلزامية مشار إليها بـ *

    This site uses Akismet to reduce spam. Learn how your comment data is processed.

    سودافاكس