تعطل قطار يقود لزواج احد ركابه

ونعم النسب بارك الله في زواجكم ورزقكم زريه صالحه أشبال من ذاك الإسد امين ياااااااارب ودي اول مره صراحه اعقب علي موضوع .. وارجو من الحلو عدم التعليق السلبي علي هذا الموضوع حتي لايفقده جماله لانه بالجد العريس جدير بالتقدير والاحترام

[SIZE=4]وكالعادة الخبر من جريدة حكايات اكتر جريدة بتعرف تألف في القصص[/SIZE]

والله القصة دي رجعتنا لايام زمان واحيت في نفوسنا اجمل الزكريات، فكم من مرة جرفت الامطار ايام الخريف خط السكة حديد ونحن على سفر بين القضارف وسنار او بين القضارف والشواك فيتوقف القطار بركابه مرات في الخلا ومرات في احدى المحطات الصغيرة لحين حضور عمال الدريسة وهم راكبين(دنقر فنقس) وهي عربة سكة حديد مكشوفة تدار بالايدي فتندفع متحركة للامام على قضبان ما تبقى من السكة ولعلاجلاتها صرير ممزوج بغناء وانشاد عمال الدريسة فبقدومهم يأتي الانقاذ وليس الانقاذ لاصلاح الخط الذي يستمر ايام وخلال هذه الايام التي يتوقف بها القطار بركابه فتحدث قصص وطرائق وتخلق زكريات وتكون هذه الايام فيها من الترابط الكثير حيث ان المصيبة تجمع والموت مع الجماعة عرس ، كذلك جربنا انقطاع القطار بخط بورتسودان وخط الشمالية واصعب انقطاعات للخط حين تدفن الرمال الخط بطريق هيا- جبيت والطريق المتجه لحلفا القديمة منطقة النمر بالتحديد ولكن لكل منطقة طعم وزكريات مختلفة، تحتاج لواحد زي الطيب صالح طيب الله ثراه ان يكتب فيها ويصف تلك المشاعر والمواقف التي تتولد منها فهي قطعة مصغرة للحياة السودانية لان القطار دائماً يكون(لامي) حاملآ من الركاب من كل اطياف السودان ومناطقه المختلفة وعندما تجمعهم مثل هذه المواقف تظهر وتتباين العادات والتقاليد ولكن كلها في مجملها تنضح بالكرم والسخاء والطبيعة السودانية السمحة.
ياريت تعود تلك الايام وتتوقف جميع وسائل النقل ويعود القطار وينقطع بالناس، كما عاد البريد ..ويا حليل زمن القطار..

يا بت الرهد شنو مالية الصفحة ديل أهلي وديل أهلي، سجمك يقوم الحلو يلاحظ ليك ويسلط عليك يقول داير يخطبك زي الشاب الخطب بت بلدك

والله يا اخوانا العريس دا كلس ما قال خلونى اشوفن سمحات ولا لا طوااااالى اتوكل عشان كدى ربنا بكون اكرمو وربنا يسعدهم يارب ونعم النسب والنسيب