اقتصاد وأعمال

وزير الكهرباء والسدود : سنزيد سعر الكهرباء حال ارتفاع سعر الوقود


[JUSTIFY]كشف وزير الكهرباء والسدود المهندس أسامة عبدالله عن البدء في تنفيذ بعض مشاريع كهرباء الشبكات المتكاملة لتغطي «1.376» من القرى بالإضافة إلى برامج الخطة الخمسية لعام 2012ــ 2016م في مجال توزيع الكهرباء بين الحضر والريف، لافتاً إلى أن أسعار الكهرباء مستقرة لكنه قال إذا ارتفع سعر الوقود سنضطر لزيادة أسعار الكهرباء، مشيرًا إلى أن قيام السدود الصغيرة تجارب فاشلة ولا تفي بأغراض ومتطلبات أهالي الريف لحاجتهم للكهرباء في مشاريعهم الزراعية. وأكد أسامة في جلسة مجلس الولايات أمس أن سدي ستيت وعطبرة من السدود الكبيرة التي ستساعد في توفير وإمداد الكهرباء للولايات وقال إن الطاقة المستهلكة في المشاريع الزراعية في الريف بلغت نسبتها «37%». من ناحية ثانية نفى أسامة التزام دولة مصر بتصدير الغاز الطبيعي للسودان خاصة خلال عشرة الأعوام القادمة.[/JUSTIFY]

الانتباهة


تعليق واحد

  1. [SIZE=3]وزيادة في الخبز وزيادة في المواصلات وزبادةفي اي حاجة مامشكلة انتو زيدو ونحن بنبقى مارقين الشارع والحشاش امله شبكتو [/SIZE]

  2. نحن ما صدقنا أنو المتعافى سكت أو أسكت والمواطن البسيط ده ذنبو شنو كل واحد فيكم يشيل ويخت فى ظهره وبعدين على محمود مالية ده مافى ليهو بديل ؟ حليل زمنك يا حمدى وعبد الوهاب . ويا أسامة المفروض إنت تكون وزيرا للسدود فقط لأنها دى شغلتك أما الكهرباء دى ليها ناسا .. توصيل البيت تدفع 47.50 شهرى لمدة عامين أو أكتر كل هذة الأموال الطائلة ماااااااااااااا كفاية ؟؟؟

  3. انتو اصلا ناس السرقة بقت تجري في دمكم ونحن اتعودنا علي كدة خلاص
    لكين كمان ختو في عينكم حصوة ملح البلد في حالة حرب وماشة علي ازمة اقتصادية
    خلو السرقة دي شوية وبعد الحال انصلح وما اظنو انصلح ارجعو تاني لللغف بتاعكم دا ولا قنعتو من خيرا فيها قلتو قبل ما تقع نلحق ناكل الباقي ولا الراي شنو ورونا يا انتو

  4. يا اخوانا ايه قصة الزيادات دي كل مسوؤل يهدد بيها في الشعب دا جزانا الوقفنا معاكم 23 سنة يا ناس الانقاذ وماقلنا احم ولا قلنا الفيلة
    شوفو هـــــــلا هـــــلا علي الجد والجد هــــلا هـــــلا علي الحكومة دي تعلن زيادة حاجة واحدة بس نحن نطلع نحرق الاخضر واليابس واليحصل يحصل لانه دي ماحيا ونحن عسي عملنا شنوا عشان تقعوا فينا بنزيد بنزيد ومرة نسحب الدعم اصـــــــــــــــــــــح يا شعب يا شعب صحي النوم

  5. [FONT=Arial][SIZE=5]إنتوا يا أهل الله الكهرباء بتاعتنا دي بيتم (توليدها) بالوابورات ونحنا ما عارفين وله شنو ؟؟ يعني سدودكم دي كلها رايحة سااااااااي شمار في موية ..( في مرقة) .. أهااااا صحي يمكن الموية بيدفروها من تانا وفكتوريا بالمضخات التي تعتمد على الوقود وكده !!! معقولة يا اهل الله .[/SIZE][/FONT]

  6. زياده طوالى بدون اى مرأعاة لشعب هزا البلد المغلوب على امرهمر ربنا يهديكالسيد الوزير

  7. وزير الكهرباء شغال مكايدات وزيادة ضغط على المواطنيين ولا يكون بنافس الحكومة في زيادة الاسعار

  8. يااسامه ده الربنا قدرك عليه عشان تقولو=زيد يااخوى اصلا الشعب بقى ملطشه كل واحد يعصر فيه-لاكن الغلط مننا نحن الشعب صابرين عليكم

  9. الروصيرص، سنار، جبل أولياء، خشم القربة و سد مروي هي البتشتغل بالتوليد المائي.
    بحري الحرارية، قري 1، قري 2، قري 3، قري 4، أم دباكر (قيد الإنشاء)، الفولة (قيد الإنشاء)، بورتسودان (قيد الإنشاء)، غير محطات التوليد الموجودة في الولايات خارج الشبكة القومية دي كلها محطات توليد بتشتغل بالوقود و مستخلصات البترول يا عالم. بعدين هل الكهرباء بس بتشتغل في محطة التوليد المائي و لا فيها محطات نقل (ضغط عالي) و محطات توزيع (ضغط منخفض) و مراكز تحكم و مراقبة و عربات صيانة و شاحنات نقل حتى للوقود نفسه…
    الكلام البقولو أسامة منطقي، إنو لو زاد سعر الوقود معناها تكلفة الإنتاج حا ترتفع أو الإحتمال التاني تتقلل الكمية المستخدمة (بنفس التكلفة المخصصة) و بالتالي تتقلل الطاقة المنتجة و من ثم يتقلل الإمداد الكهربائي و بحسب رأيي الشخصي أحسن يقولوا في العلن لوزارة المالية البتحاول تسد عجز ميزانيتها على حساب المواطن بي نظرة ضيقة ما بتتعدى ناس العربات البيشتروا من الطرمبة بدون حساب المتعلقات التابعة لرفع الدعم ده.