[SIZE=5][JUSTIFY]قتل دجال يعمل في بيع (الحجبات) والطلاسم في سوق الفاشر ، طعنا بسكين اثناء محاولته توقيفه بتهمة الدجل والشعوذة . وذلك حسب مصدر شرطي ، عندما قاوم الدجال رجال الشرطة وإستل سكينه وسدد بها طعنة للشرطي اودت بحياته ، وأطلق عليه رجال الشرطة النار من بنادقهم إلا أنها لم تصبه لإرتدائه حجاباً واقياً من الرصاص ، وظل رجال الشرطة يطلقون النار عليه وهو يسير في طريقه بالشارع لا تصيبه رصاصاتهم ، فصدموه بعربة وعند سقوطه على الأرض إعتقلوه وأدخلوه الحراسة بتهمة قتل شرطي . وتم نقل جثة الشرطي للمشرحة وتم فتح تحقيق في الحادث ، واكد المصدر ان المتهم قاوم الشرطة بعنف وحاول الفرار .[/JUSTIFY][/SIZE]
المجهر السياسي
[SIZE=5]..يعني اذا عندنا من النوع دة يمكن نكون اكبر قوة في العالم لا طائرات امريكا ولا قاذفات اسرائيل ولا راجمات الناتو ….( قل لن يصيبنا الا ماكتب الله لنا) ..بالله تحققو من الموضوع ……..[/SIZE]
اكيد يا تشادى او فلاتى وكذا يجدون كل مبتغاهم فى السودان ويدون الحماية حتى من المواطنين
[SIZE=4]الحكاية فيها حبة خيال لكن ما علينا[/SIZE]
[B]لا أسعار ولا غيره
لماذا لا يتم استعمال هذا السلاح لجميع أفراد الجيش السوداني والقوات النظامية بكاملها وبعدذلك نحارب اعالم !!! ؟[/B]
وكمان ينشروه ويساعدو على تفشي الدجل ويصوروا الدجال انه خارق يا ايخ جيبوه وصفحو لينا تلاتين اربعين ونحرر القدس والجولان ونطرد قوات الحلو وغيره من السودان .ز يا صحافة ضحكت من فراغها الصحف
كيف يعني رصاصات الشرطة ما قدرت تصيبو أصلو هو نيو بتاع فيلم ماتريكس ؟
اصلاً الرصاصات كلها جلّت لعدم وجود نشنجي ،عدم استخدام السلاح بالصورة المطلوبة ،،او ان الشرطي اعور ما بيشوف كويس –كنّا زمان في غرب الاستوائية ،الجماعة اللابسين حجاب تعرضوا لضرب الرصاص ،،بينما نحن وللة الحمد لا نعترف بمثل هذة الاشياء –في السعودية يتم اعدام الدجال والمشعوز ،اتمنى ان يُعدم ،امثالة كُثر في السودان
كذابين جنس كذب دايرين يغطوا على فشلهم في هزيمة الحركات المتمردة من عدل ومساواة وغيرها وعلى العموم لو صحت الرواية ندعوا هذا الدجال للانضمام الينا في المظاهرات وياريت يجيب لينا معاو حجبات كتيرة لانو الدواس مع الكيزان وكلابهم يداب بدأ
طيب الزول دا ما يسقط لينا الحكومة ومستعدين نعملوا وزير الدجل وشئون ما وراء الطبيعة وفي الخارجية برضو بنفع يكودك لينا الامريكان يخليهم ينقلو نيويورك السودان وول ستريت برضوا وليك علينا ننقل عاصمة السودان الى مايرنو
غايتو في ناس مسطحة وعايشين في العاصمة ويضربوا في الهامبورجر وما جايبين خبر مفتكرين الناس الغبش ديل أي كلام
ياجماعة هذا الشخص ساحر يعني الشي العملو دا ممكن يعملوه السحرة في اي مكان ولو سمعتو قبل كدا بساحر تاب وكان بطوف المساجد ويحذر من السحر ويشرح طريقة عمل السحر ومن ضمن الحاجات كان ذكر السحر في السلاح وفعلا اثبتوا للناس بالمسجد ووضح كمان انو ممكن يبطل سحر السلامح هذا بالاذان وصورة الدخان ويمكنكم البحث في النت ممكن تلقوا خبر هذا الشخص التائب … بس للعلم هو ساحر دا معناه ما ممكن يصل هذه المرحلة الا بعد الكفر بالله والعياذ بالله .. واعوذ بالله من شر كل كافر وساحر
ما عندك واحد لينا يا معلم
يا جماعه نحنا وكت عندنا التكنولوجيا العالية دى ليه ما نصدر حجبات لى اخوانا فى غزة……واضعف الأيمان كمان ناخد براءة أختراع